Adineko emakumeek jasaten duten indarkeria matxista detektatzeko gida aurkeztu dute
Emakundek diruz lagunduta eta EDE Fundazioaren parte-hartzearekin, Suspergintza erakundeak gida bat osatu du adineko emakumeek bikotearengandik edo bikote ohiarengandik pairatzen duten indarkeria matxista detektatzeko eta egoera horietan esku-hartzea bultzatzeko.
Adineko emakumeek jasaten duten indarkeria matxista detektatzeko gida aurkeztu dute asteartean Bilbon. Emakundeko zuzendari Miren Elgarrestak aurkezpenean adierazi duenez, emakumeen aurkako indarkeriak adin-tarte zehatz batean dituen berezitasunetan jartzen du arreta gidak; izan ere, "adineko emakumeak askotarikoak diren arren eta guztiek profil berari erantzuten ez dioten arren, adinari lotutako zaurgarritasun berezi batez hitz egin daiteke". Zehazki 65 urtetik gorako emakumeetan jartzen du arreta gidak, EAEko biztanleriaren %13a osatzen duen sektorean. Elgarrestaren hitzetan, belaunaldi horretako "emakume gehienak autonomia ekonomikorik izan ez duten emakumeak dira; senarrei lan egiteko, kontu korronte bat irekitzeko edo atzerrira joateko baimena eskatu behar izan zieten garai batean; gehienbat, gainerako pertsonak zaintzen jardun dute, aisialdirako eta gozamen pertsonalerako tarterik gabe; emakumeen aurkako indarkeria arazo pertsonala zen garaikoak dira".
Emakundek emandako diru-laguntzarekin, Suspergintza erakundeak landu du gida, eta EDE Fundazioak ere parte-hatu du lanketan. Detekziorako eta hasierako akonpainamendurako gida. Adineko emakumeek bikote edota bikote ohiarekin duten harremanean jasaten duten aurkako indarkeria matxistaren aurkako gida jarri diote izenburua, eta titulutik zehaztera ematen denez, adineko emakumeek bikotearengandik edo bikotekide ohiarengandik jasandako indarkerian zentratzen da.
Gida didaktikoa da, bereziki adineko jendearekin lan egiten duten pertsonei bideratua. Adineko emakumeek jasaten duten indarkeriaren aurrean metodologia konkretu bat xedatzeko asmorik ez du. Bestelako helburua du: begirada zabaltzea eta gaian sakontzea, erreferentziak eta estrategiak eskura jartzearekin batera; eta indarkeria kasuren bat identifikatzen denerako aholkuak eta indikazioak eskaintzea, egoeren aurrean esku hartzeko.
Bost zatik egituratzen dute gida: sarrerak, marko teorikoak, gakoei eta gomendio praktikoei eskainitako kapituluak, adineko emakumeen gertukoen auto-zaintzari eskainitakoak, eta amaierako hausnarketak. Zenbait ariketa praktiko ere barnebiltzen ditu gidak, eta jasotzen ditu, baita ere, indarkeria matxistari aurre egin dioten zenbait adineko emakumeren testigantzak ere.
Azaroaren 25ean, Indarkeria Matxistaren Aurkako Nazioarteko Egunean, Steilas sindikatuko Idazkaritza Feministak kartel bat argitaratu du: Gure gorputza gudu zelai bat da du leloa, eta Hego Euskal Herriko ikastetxe guztiek jaso dute. Gatazka armatuetan emakumeek eta adingabeek... [+]
Azaroak 25 Indarkeria Matxistaren Aurkako Nazioarteko Eguna da. Mugimendu feministak Bilbo, Iruñea, Gasteiz, Donostia eta Baionan mobilizazioak egingo ditu. Mugimenduak argitaratu duen manifestuan, 2024an Euskal Herrian eraildako bost emakumeak gogoratu dituzte. Aurtengo... [+]
Udan izandako indarkeria kasuen gorakada batetik, eta hainbat gizonezkok mugimendu feministak antolaturiko ekitaldiak boikotatu dituztela bestetik, Bortziriak, Xareta, Azkain, Bertizarana, Malerreka eta Baztango mugimendu feministek, erakunde publikoen konpromiso irmoa exijitu... [+]
Vicent Andrés Estellés poetaren hitzak harturik, bat naiz hainbat eta hainbat kasuren artean, eta ez kasu bakan, arraro edo ezohiko bat. Zoritxarrez, ez. Hainbaten artean, bat. Zehazki, Europako Kontseiluaren arabera, eta ibilbide handiko beste erakunde batzuen... [+]
Igande eguerdian atxilotu dute 35 urteko gizona Trintxerpen (Gipuzkoa), arma zuri batekin delitu-saiakera egitea leporatuta. Erasotzaileak labana batekin eraso egin dio bikotekideari, eskuetan zauri larriak ditu emakumeak eta Donostiako Ospitalean artatu dute.
Aste batzuk daramatzagu hedabide eta sare sozial guztietan Iñigo Errejoni indarkeria matxista batzuengatik egindako akusazioei buruzko iritziak entzuten. Horrekin batera, eztabaida asko sortzen ari dira: nola salatu behar dugun emakumeok, nolakoak izan behar duten gure... [+]
Biarnoko Lestelle-Betharramgo ikastetxe katolikoan ikasleek urtetan sufrituriko indarkeria fisikoa eta sexu-abusuak argitara eman ostean, biktimen eta Betharramgo kongregazioko ordezkarien lehen topaketa lotu dute, biktimei entzutea helburu. "Betharram ez da libratuko... [+]
Indarkeria matxistagatik Iñigo Errejónen aurkako salaketa dela-eta, badirudi batzuk konturatu direla ezkerreko alderdi, sindikatu eta erakundeetan ere emakumeok ez gaudela gizon kideengatik biolentzia jasotzetik aske. Argi geratu da, gainera, halako egoeratan... [+]
Bilboko Udalak eta zenbait hedabidek neska batek gaugiroan bizitako bortxaketaren berri eman zuten, biktimaren baimenik gabe eta modu sentsazionalistan. Emakumeak sare sozialetan bilatu zituen bestelako aliantzak, berbiktimizazioari aurre egiteko. Bere testigantza harilkatu dugu... [+]
Leku izen bakarra aski da, azken denbora hauetan gertatu den emakumeen aurkako biolentzia kasurik larriena aipatzen hasteko: Probentzako herri horretan, senar batek emaztea kimikoki menderatu eta beste gizon batzuen –ehun bat omen dira– sexu-meneko utzi du hamar... [+]
Taldeak berak adierazi du Instagram bidezko ohar batean astelehenean izan dutela Ivan Carmonaren aurkako akusazioaren berri. Neska gazte bat taberna batean ukitzeagatik da salaketa, eta taldeak “sexu-eraso arintzat” jo du.
Arabako Lautadako Kuadrillak jarri du martxan emakumeen "ahalduntze pertsonala eta kolektiboa" bultzatzeko programa. Ekainetik Irailera bitartean izango dute laguntza jasotzeko aukera bertan.
Urriaren 24tik Espainiako Estatuko hedabide guztietako lerroburuak eman dizkiote Iñigo Errejóni, eta maiztu arte erabili dute haren izena, ezker-eskuin. Gutxitan ikusten den zarata mediatikoa lortu du, eta badirudi oihartzunak luze jarraituko duela. Orain... [+]
“Kezkagarria” den egoera baten aurrean erantzuna “urgenztziakoa” dela dio Itaiak Bilbon egindako prentsaurrekoan. Eskuineko sektoreek matxismoa “neurri baztertzaileak” galdegiteko baliatzea salatu eta gizartean “kontzientziazioa... [+]
Nafarroako Foruzaingoak Bigarren Hezkuntzako irakasle baten inguruko ikerketa abiatu du. Institutuko komunetan eta hainbat dendatako aldageletan emakumeak ezkutuan grabatzea leporatu diote auzipetuari.