Adin txikiko pertsona migratuak indarrez tokialdatzeko erreforma bat onartu dute Espainiako Estatuan
Atzerritartasun Legea aldatzea adostu dute Kanariek eta Espainiako Gobernuak: lurralderen batek pertsona migratuak hartzeko duen "gaitasunaren %150" gainditzen denean, estatuko beste erkidego batzuetara mugitzera behartuko dituzte adingabeak.
Akordio bat lortu dute berriki Espainiako Estatuko eta Kanaria uharteetako gobernuek, estatuko lurretara heltzea lortzen duten pertsona migratuei dagokienez. Atzerritartasun Legea erreformatzeko asmoa dute agintaritzek, toki batean immigrazio-fluxu jakin batzuk gainditzen direla irizten denean, adin txikiko pertsona migratuak indarrez kanporatzeko eta estatuko beste leku batzuetara lekualdatzera behartzeko.
Astearte honetan itxi dute "derrigorrezko birkokatze-akordioa" bi gobernuek, eta, orain, ikusteke dago zer bidetatik egingo duen aurrera (errege lege-dekretu bidez, edo talde parlamentarioek egindako lege-proposamen baten bidez). Erreforma onartuko balitz, Espainiako Estatuak aukera izango du, lurralderen batean pertsona migratu kopuru jakin bat gainditzen dela ebazten denean, esku hartzeko. Teorian, lurralde baten ustezko "gaitasunaren %150" pasatzen denean esku hartu ahal izango du.
Kasu horietan, pertsona helduren baten ardurapean ez dauden adingabeak kanporatu egingo dituzte toki zehatz horretatik, eta estatuko beste lekuren batera mugituko dituzte. Ez dute argitu, ordea, zehazki nola egingo duten haurren eta nerabeen "banaketa" hori. Aipatu dutena da kontuan izango dituztela lurralde bateko eta besteko zenbait irizpide; hala nola, errenta, langabezia edota aurrez hara immigratu duten adingabeen kopurua.
Kanarietara eta Ceutara eta Melillara begira pentsatutako neurria, baina hedatzeko modukoa
Zenbait iturriren arabera, Kanaria uhartediari eta Ceuta eta Melillari begira ezarri nahi dute neurri berria. El País egunkariak, ordea, ez du lurralde jakin bati buruz hitz egiten: esaten du lurralde batek immigrazio-fluxuaren muga jakin bat gainditzen duen bakoitzean aktibatuko dela adingabeak kanporatzeko protokoloa.
Adin txikiko pertsona horiek hartuko dituzten erkidegoei diru-laguntzak emango dizkie Espainiako Gobernuak, guztira, 125 milioi eurokoak izango omen direnak. Itxura denez, ordea, hainbat erkidegok uko egin diote momentuz neurri berria onartzeari.
Behin erreforma onesten denean, urtebete baino gutxiagoan indarrean sartzea aurreikusi du gobernuak, eta behartutako tokialdaketei ekitea. El País-en arabera, neurriaren inskripzioa egin eta hamabost eguneko epean hasiko lirateke erkidego arteko lekualdaketa masiboak.
Aurrekariak
Aurretik ere eman ditu adin txikiko pertsonak "birkokatzeko" pausoak Espainiako Gobernuak, baina erkidegoetako agintaritzentzako derrigortasunik gabe, eta "kooperazio" modura ulertuta. Erreforma berriarekin, "kooperazio" horretatik "derrigortasun" batera igaroko da adingabeen "banaketa". Horretarako argudio gisa erabili du gobernuak "gaur egungo migrazio-egoera", eta aitzakiatzat hartu du "adingabearen interes gorena".
Haurtzaroari buruzko Konferentzia Sektorialean adostu zituzten haurren eta nerabeen "borondatezko banaketak" (borondatezkoak erkidegoentzat, ez gazteentzat). "Birkokatze" horiek egiteko, hainbat irizpide markatu zituzten, ezaugarri horien arabera, lurraldeei puntuak emateko eta horien ustezko egokitasuna neurtzeko: biztanleria, biztanleriaren sakabanatzea, errenta, langabezia tasa, jadanik bizi diren adingabe migratuen kopurua, eta abar.
El País-ek dioenez, hurrengo apirilari begirako "banaketa" posible bat aipatzen da zirriborro batean, baita behartutako lekualdaketak zein erkidegotara izango liratekeen ere, zehaztutako irizpideak aintzat hartuta: Errioxara, Kataluniara, Madrilera eta Andaluziara.
Espainiako Estatutik Frantziakora “legez kanpoko” gero eta migratzaile gehiago igarotzen direla argudiatuta, mugetako kontrolak indartzea begi onez ikusi du Pirinio Atlantikoetako prefetak. Migratzaileek delitu txikietan “eragin hautemangarria” dutela... [+]
Hamasei migrante atxilotu zituzten otsailaren 6an Baionan, etorkinen eskubideen aldeko elkarteek salatu dutenez. Dirudienez, Baionako prokuradoreak eman zuen agindua. Operazioa autobus geltokiaren eta Pausa harrera zentroaren artean gauzatu zuen poliziak, tartean, adingabekoak... [+]
Agintean dagoen Alderdi Laboristak atxiloketen eta deportazioen irudiak erakutsi ditu, eta urtarril honetan "errekorra" egin duela esan du, harro-harro.
Zutabe hau idazten nengoela, gaia aldatu behar izan dut, nire arreta osoa harrapatu dutelako Trumpen muga-zergek. Azalpen gutxi beharko duzue, leku guztietan da berria, Txinako produktuei %10eko zerga eta Kanadako eta Mexikoko produktuei %25eko muga-zergak jarri dizkie. Trumpek... [+]
Gurera ekarri dugu Achille Mbenbe politologo kamerundarraren "nekropolitika" terminoa. Heriotzaren prismatik begiratzen die herritartasunari eta botereari, eta argi uzten digu pertsona multzo batzuen biziak gutxietsiak, balio gabekoak eta beraz, lasai asko desagertu... [+]
Astearte honetan Baionan egitekoa zen zazpi herritarren aurkako epaiketa zortzi hilabetez atzeratu dute. Iazko Korrikan, Irun eta Hendaia arteko Santiago zubia zeharkatuz, 36 migratzaileri Ipar Euskal Herrian sartzen lagundu izana egotzi die Frantziako Justiziak. Defentsak... [+]
2.000 lagun inguru bildu dira urtarrilaren 26an, Irunetik Hendaiarako martxan, Europaren migrazio politika “hiltzaileak” salatzeko. Korrika igaro zenean hainbat migratzaileri muga igarotzen laguntzeagatik auzipetutako ekintzaileei babesa eman diete. Ekintzaileak... [+]
Egiari zor, ez dakit zergatik ari naizen hau idazten. Gaur egungo giro liskartsuan ez dira modu honetako iritziak ondo hartzen. Beharbada, ARGIAk ez du hau argitaratuko, ez baitator bat orain arte argitaratu dituzten iritziekin (baina, azkenean argitaratzea erabaki badute,... [+]
AEBko John C. Coughenoiur epaileak onartu du Washington, Arizona, Illinois eta Oregon estatuek elkarrekin aurkeztutako helegitea, eta horren arabera atzera bota du Donal Trumpek AEBn jaiotako migratzaile ez legezkoen seme-alabak kanporatzeko dekretua.
Tipi-tapa mugitzen ditugu euskaltzaleok gure oinak Korrikaren lekukoaren atzetik, gure hizkuntzaren alde, desio dugun Euskal Herri euskalduna helburu, herri euskaldun gisa biziraun nahi dugula aldarrikatzeko.
Tipi-tapa ematen ditu lehen urratsak Afrikako, Hego Amerikako edo... [+]
"Ameriketako Estatu Batuen gainbehera aldia amaitu da", esanez abiatu du kargu hartze ekitaldiko diskurtsoa Donald Trumpek. Besteak beste, trans eta pertsona ez-bitarren eskubideak deuseztatuko dituela promestu du, baita energia berriztagarrien aldeko politikekin... [+]
Irunen autoinkulpazio sinadurak biltzeko deia luzatu dute San Juan plazan urtarrilaren 18an, larunbatarekin, 10:00etatik 13:00era. Urtarrilaren 26an «modu masiboan» Irunen hasiko den manifestazioan parte hartzera deitu dute eragileek, «migrazio politika... [+]
2024ko balantzea egin du Irungo Harrera Sareak. Aurreko urtearekin alderatuta saretik migrante gehiago pasa dira, eta Gautxori taldearen harrerak laukoiztu egin dira. 6.000 pertsona inguru artatu dituzte guztira.
Iazko martxoaren 14an, polizia operazio handi bat izan zen Martuteneko Agustindarren eraikin okupatuan, Udaltzaingoaren, Ertzaintzaren eta Espainiako Poliziaren eskutik: 56 lagun atera zituzten eraikinetik eta 29 Espainiako Poliziaren komisariara eraman zituzten,... [+]