Adifek dio AHTko obretan salatutako lan-esklabotza egoerak “gezurra” direla
AHT Geldituk Nafarroako Abiadura Handiko Trenaren obretan lan esklabotza egoerak daudela salatzen duen lekukotza eskandalagarria jaso ondoren, obra horiek sustatzen dituen Adif sozietateak publikoki erantzun behar izan du: "Gezurra dira".
Nafarroako Abiadura Handiko Trenean lanean ari diren beharginek jasaten dituzten lan-baldintza kaskarren testigantza eman du AHT Gelditu elkarteak. Lehendik ere bagenekien zein egoeratan zeuden obra horietako langileak, ARGIAk Manu Robles-Arangizekin elkarlanean argitaraturiko Zuloan liburuak barrutik erakutsi baitzuen lan-esplotazio hori.
Nafarroako testigantzak berresten du AHTko obretan esklabotza modernoa oso zabalduta dagoela. "XXI. mendeko azpiegitura da, baina XIX. mendeko lan baldintzak dituena", AHT Geldituko kideek prentsaurrean nabarmendu zuten moduan.
Lanaldi amaigabeak, segurtasun falta, droga eta alkohol kontsumoa, istripuak... "Han geundenok esklabo gisa tratatzen gintuzten, gaur egungo esklabo gisa. Nagusiek bazekiten, baina ez ikusiarena egiten zuten. Enpresetako boteretsuenek badakite nor jarri han, jazarle lana egin dezan", dio Tafallako Monte Plano tunelean lanean ibilitako testigantzetako batek.
Hain justu, enpresek eta instituzioek "ez ikusiarena" egitea izan da AHTko esklabotza modernoaren gaitzetako bat. Baina salaketa larri horien aurrean, oraingoan publikoki agertu behar izan dute
Hain justu, enpresek eta instituzioek "ez ikusiarena" egitea izan da AHTko esklabotza modernoaren gaitzetako bat. Baina salaketa larri horien aurrean, oraingoan publikoki agertu behar izan dute.
Obrak sustatzen dituen Adif sozietateak Diario de Noticias egunkariari esan dio salaketak "gezurra" direla eta "abusuen aurrean zero tolerantzia" duela. Esan du bere segurtasun eta lan-osasun departamentuak "lanen exekuzioan dauden arrisku fisikoak zaintzen" dituela, eta "lan osasun baldintza egokiak betetzen direla bermatzen" duela.
Azpikontratazio kate-sistema anker baten abaroan, baina, hori nola egiten ote duen ez du azaldu milaka milioi maneiatu eta milaka langileren baldintzak bermatu beharko lituzkeen horrek.
Otsailaren 15ean manifestazioa deitu dute Iruñean, AHTko lanak salatzeko. AHT Gelditu elkarteaz gain, Contigo-Zurekin, EH Bildu, Haritu Elkarlaguntza Sarea, Iruñerriko Kontseilu Sozialista, Jardun Koordinakundea, Martes al Sol, Langile autodefentsa Sarea, SOS Arrazakeria eta CGT, CNT, ELA, ESK eta LAB sindikatuen sostengua dauka deialdiak.
2024ko laneko ezbeharren txostena aurkeztu dute LAB • ESK • STEILAS • EHNE-etxalde eta HIRU sindikatuek aurtengo otsailean. Emaitza larriak bildu dituzte: geroz eta behargin gehiago hiltzen dira haien lanpostuetan.
Jakina da lan ikuskariak falta ditugula geurean. Hala ere, azken egunotan datu argigarriak ematea lortu dute: lan ikuskaritzaren arabera, EAEko enpresen %64ak ez du ordutegien kontrolean legedia betetzen. Era berean, lehendakariordeak gaitzetsi du, absentismoaren eta oinarrizko... [+]
Eguerdian gertatu da istripua, 25. kilometroan, Nafarroako Martzilla herriaren inguruan. 2025ean hil den zazpigarren lagilea da.
LAB, ESK, STEILAS, EHNE-etxalde eta HIRU sindikatuek osatzen duten lan osasuneko intersindikalak agerraldi publikoa egin du Bilbon, 2024ko ezbeharren txostenaren harira. Azken hamar urteetan 612 langile hil dira istripuz Euskal Herrian, 64 pasa den urtean.
52 urteko altsasuar bat hil da ostegunean Arbizun lan istripua izan ostean, Nafarroako Foruzaingoak jakinarazi duenez. Urtea hasi zenetik Euskal Herrian lan istripu batean hildako laugarren langilea da. Ezbeharra herriko erdigunean dagoen etxebizitza bat zaharberritzeko lanetan... [+]
Beharginak Excavaciones Mendiola enpresarako ari zen lanean, Construcciones Urrutia enpresaren azpikontrata. Langilearen lehenengo eguna zen sektorean lanean.
Araba, Bizkaia eta Gipuzkoan, 18 eta 34 urte bitarteko gazte soldatadunen hileko batez bestekoak lehenbiziko aldiz gainditu du 1.500 euroko langa. 2010arekin alderatuta, ordea, 142 euro besterik ez da igo.
Urte berria hasi dugu, baina etxebizitza arazo oso potoloa bihurtu zaigula aspaldi honetan, hori ez da berria. Hala ere, azkenaldian zabaldu diren datuak ikusita, 2025a mugarri bat markatzekotan dela esan daiteke, eta iragar ezinak diren ondorio sozial eta politikoak antzeman... [+]
Boroa industrialdean hil zen 41 urteko I.P.C langilea, abenduaren 30ean biltegiko inbentarioa egiten ari zenean. ELA eta LAB sindikatuek, eta Jaurlaritzako Segurtasun Sailak eman dute istripuaren berri.
-(1).jpg)
The Guardian egunkariak Épernayn (Frantzia) txanpain-industrian aritzen diren migratzaileen egoera aztertu du. Ikerketak agerian utzi ditu luxuzko xanpaina-marken mahastietan lan egiten dutenen baldintza prekarioak eta legez kanpokoak.
Garraio sektorean aritzen diren hamabi behargin hil dira aurten. LABek azaldu du garraio sektorean gertatzen diren heriotzak “erabat saihesteko modukoak” direla, eta horretarako borondate politikoa “besterik ez” dela behar, bai erakunde publikoen eta bai... [+]
Petronorreko langileek borrokarako eguna izan dute osteguna. Enpresa batzordeak deituta, lanuztea egin dute eta Barakaldoko BECen elkarretaratu dira, konpainia urteko batzarra egiten ari zen tokian. Salatu dute diru publikoa jaso arren "enplegua suntsitu" besterik ez... [+]
Lanbidek Diru-sarrera Bermatzeko Errentetako iruzurraren aurkako kanpaina jarri du martxan, eta salaketetarako buzoi anonimoa sortu du. Jaso dituen kritikei erantzunez, adierazi du buzoi hau salaketak eta jakinarazpenak ordenatzeko tresna huts bat dela. Ez du ez klase... [+]
Azken astean sindikatuak 5 heriotzaren berri izan du eta dagoeneko 26 dira Nafarroan lanean hil egin diren edo beste erkidegotan beharrean zendu diren nafarrak. Alarma gorria pizteko moduko datuak LAB sindikatuaren iritziz.