Adierazpen askatasunaren aldeko manifestua sinatu dute Portugaleteko 33 eragilek
Gune publikoetan kartelak jartzeagatik isunak jarri dizkiete Portugaleteko hainbat herritar eta elkarteri. Hori salatzeko, adierazpen askatasunaren aldeko plataforma eratu dute herrian.
Portugaleteko Udalak herriko garbitasuna arautzen duen ordenantza ezarri zuen 2004an. Geroztik, araudia bete ez duten hainbat elkarte zigortu ditu 3.000 euro baino gehiagoko isunak jarriz.
Gune publikoen erabilera kudeatzen duen araudiak adierazpen askatasuna mugatzen duela salatu dute Portugaleteko 33 elkarte, alderdi politiko eta sindikatuk, eta horren berrikuspenerako parte hartze prozesu bat eskatu dute. Azaldu dutenez, Udalbatzak herritarrak informatzeko hainbat baliabide (panel digitala, herriko paretak, udal bandoak eta abar) dituen bitartean, elkarte eta taldeek taberna edo dendek uzten dieten espazioa besterik ez dute iragartzeko.
Adierazpen askatasunak “bizikidetza demokratikoan beharrezkoak diren eskubide batzuk” barnebiltzen dituela uste dute. Hala nola, informatzeko eta informatua izateko eskubidea. Eta ordenantzak informazioa helarazteko espazioak gaitu beharko lituzkeela esan dute, informatzeko baimena arautu beharrean.
Hori dela eta, Portugaleteko Udalari “exijitu” diote araudiaren inguruan eztabaidatzeko espazio bat irekitzea, eta herrian eta herriarentzat lan egiten dutenen adierazpen askatasunaren aurkako politika etetea.
Hauek dira manifestua sinatu duten 33 elkarte, alderdi eta sindikatuak: Gure Esku Dago, Harribola, Sare Portugalete, Portugaleteko Txistuzaleak, Merkatua, Portugalete Zaharra Elkartea, Pentsionistak Martxan, Lore More, Andere Bidatz, Portugaleteko Mugimendu Feminista, Marruka, Belatzak Eskaut Taldea, Aurrerantz, Amalur Eskaut Taldea, Andra Mari Eskaut Taldea, Portugaleteko Aisialdi Sarea, Oroituz Pikotos Rock Elkartea, Berri Otxoak, EH Bildu, Ernai, Equo, Ezker Anitza, Gazte Komunistak, Ahal Dugu, Esna Gaitezen, PCPE, Sortu, Aralar, EA, ESK, ELA, LAB eta CNT.
Mozal Ordenantza
Elkarte eta herritarrak zigortzeko “espazio publikoaren erabilera eta kaleetako garbitasuna” arautzen dituen ordenantza erabili du Udalak. Ordenantza mota hau ezarri diren Euskal Herriko –Zarautzen, Burlatan, Zumaian edo Arrasaten– eta Espainiako Estatuko leku gehienetan kontrakotasuna sortu du, kartel eta pankarta jartzeagatik eta horma-irudiak egiteagatik agintzen dituen isun eta debekuek eraginda. Araudi horien kontra azaldu diren kolektiboek “Mozal ordenantza” izendatu dute Mozal Legearekin duten paralelismoetan oinarrituta: herritarren parte-hartze eza eta ikuspegi murriztaile, errepresiboa eta debekuzalea.
Gipuzkoako Batzar Nagusietako Kultura Batzordeak, EAJ, PSE eta PPren aldeko botoekin, azaroaren 22ko bilkuran erabaki du Eusko Jaurlaritzari eskatzea azter ditzala “euskal kulturan hain esanguratsuak diren” gurutzeak eta haien inguruko “ohiturak”... [+]
Parte Zaharrean Bizi auzo elkarteak salatu du Donostiako Udalak ez duela "inolako tasarik kobratu", merkataritza jarduera espazio publikora zabaltzea arautzen duen Ordenantza 2019an indarrean sartu zenetik.
Europar Batasunean berriki onartu den Migrazio Itunak, asko zaildu dizkie gauzak euren herrialdetik ihesi doazen eta asiloa eskatzen duten pertsonei. Eskuin muturraren tesiak ogi tartean irentsita, migratzaileentzako kontrol neurri zorrotzagoak onartu dituzte Estrasburgon,... [+]
Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]
Iñaki Gurtubai Segurtasuneko zinegotziak "Poliziaren Lan Eskaintza Publiko bateratua” eta “inteligentzia kamerak instalatzea” iragarri ditu 2024rako, besteak beste.
Gasteizko Udalak Insitel enpresari esleitu dio hiriaren erdigunean prestazio altuko hamazazpi kameraren bidez bideozaintza sistema hornitzeko, instalatzeko eta konfiguratzeko kontratua. Besteak beste, Andre Maria Zuriaren plazan, Plaza Berrian eta San Frantzisko aldapan jarriko... [+]
Gasteizen, beste hiri batzuetan bezala, zaintza-kamera berriak jarri nahi dituzte, baina ez digute horien benetako ezaugarririk kontatzen. Are larriagoa da ez dizkigutela azaltzen benetako arrazoiak zein diren, ezta kamerek nori egiten dioten mesede ere. Gaia orokorrean... [+]
X sare sozialak (orain arte Twitter zenak) bere pribatutasun politika aldatu du eta erabiltzaileen ezaugarri fisikoak ere bilduko ditu, besteak beste, aurpegi-ezagutzaren bitartez.
Etxe aurrean parke eder bat daukat. Ederra, gure porlanezko herri zulo honetako parametroetan, behintzat. Zuhaitzak, bankuak eta txintxaunak daude, eta bertan bizitzaren hasiera eta amaiera elkartzen dira, muturretako adinetakoak ume eta zahar. Zaintza lanetan ibili ezik,... [+]
Bilboko geltoki guztietan kamerak ezarriko dituela adierazi du Euskal Trenbide Sareak. Gaur egun ezarrita dauden tokietan ez ezik, beste hamalau geltokitan jarriko dituzte.
Turismo Inteligentziarako Sistema delakoaren bidez, Gasteizko zenbait tokitan sentsoreak jarriko dituzte. Pertsonen gailu mugikorren seinalea atzemanda, "portaera eta errepikapen-ereduak detektatu" nahi dituzte.
Liburutegiaren sarreran jarri dituzte kamerak, Smart Talent Source SL enpresaren ikerketa bati lotuta. "Horrelako neurrien normalizazioaren bitartez, kontrol geroz eta zuzenagoa ezarri ahal izateko aurrekari arriskutsua dira kamera horiek", salatu du UIBk.
EAEko parlamentuan aurrera egin du Inklusiorako eta Diru Sarrerak Bermatzeko Euskal Sistemaren lege aldaketak. Badago zer aztertu legearen eztabaidak, aldaketa egiteko ezker zein eskuin egin den akordioak, eta legeak ekartzen dituen berrikuntzak izan duten oihartzun eskasari... [+]