“27ko hauteskundeetan garbi ikusi zen katalanen gehiengoak erreferendum lotesle bat egitea nahi duela”
Bartzelonako alkate Ada Colauren aburuz, azken hauteskundeek bi gauza utzi zituzten agerian: independentziaren gaiak Katalunia bi bloketan banatzen duela eta, batez ere, gehiengo demokratiko batek erreferendum lotesle bat egitea nahi duela.
Ikusmin handia zegoen Colauk bozez ateratako balorazioak ezagutzeko, 27az geroztik publikoki hitz egin gabea baitzen. Horrela, bada, Carne Cruda saioan kataluniarren gehiengoak bere etorkizuna erabakitzeko nahia erakutsi duela azpimarratu du. Gainera, Mariano Rajoyri Kataluniako gizarteari “entzungor” egitea eta Espainiaren eta Kataluniaren artean blokeo egoera eragitea egotzi dio, nabarmenduz Gobernu zentralaren inmobilismoa eta mehatxuak tokiz kanpo daudela.
Merçeko jaietan udaleko balkoian jazo zen gertaeraz –ERC eta PPko zinegotzien arteko “banderen gerraz”– galdetuta, Bartzelonako alkateak “auzolotsa” sentitu zuela eta egoera ekiditen saiatu zela adierazi du. “Alfred Boch-i Kataluniako bandera ken zezan eskatu nion, baina une horretan Alberto Fernandez Diazek bandera espainiarra atera zuen. Ezin izan genuen ezer egin”, gaineratu du.
Bestalde, karguan daramatzan lehen 100 egunen balorazio positiboa egin du. Bere ustez, aplikatzen ari diren aldaketek oraindik denbora behar dute eragina izan dezaten, neurriak “epe ertainera begira harturikoak” baitira, baina, era berean, Barcelona en Comu koalizioak dituen lehentasunak jada martxan daudela azpimarratu du.
Filosofia ikasketak dituen arren, kaleko borroketan eskolatutakoa da Gala Pin (Valentzia, Herrialde Katalanak, 1981). 2003an utzi zuen jaioterria Bartzelonako auzo mugimenduetan murgiltzeko, eta 2015eko maiatzetik Bartzelonako Udalean En Comúko zinegotzia da.
Militantzia ardura anitzak izan ditu Anna Gabriel Sabaték (1975, Sallent, Bartzelona): lehen Correllenguaren (Korrikaren ahizpa katalana) antolatzailea, Terra i Llibertat kolektiboko kidea sorreratik, zinegotzia, CUPeko idazkari orokorra, Endavat-eko kidea,... [+]
Politikari gutxik jaso ditu horrenbeste txalo eta irain hain denbora laburrean. Bilorik ez diozu ahoan aurkituko, salbuespenezko garaiotan, Espainiako politika astindu duen outsider katalan honi. Esquerra Republicana de Catalunyaren Bartzelonako egoitzan hartu gaitu Gabriel... [+]
Bartzelonako lehendabiziko emakume alkatea da Ada Colau. Karguan bost hilabete igarota eta Barcelona en Comúk gutxiengoan gobernatuz −41etik 11 zinegotzirekin, CiUk baino bakar bat gehiagorekin−, gainontzeko udaleko indarrei akordiorako deia luzatzen die... [+]
Errefuxiatu siriarrei aterpea eman nahi die Bartzelonak eta horretarako neurriak hartzen hasi da Udala. Acnur eta asiloaren aldeko Asil.cat erakundeekin harremanetan jarri da dagoeneko Ada Colau alkatea.
Bizitzaren Zikloa, Feminismoa eta LGTBI Saila sortu du Ada Colauk Bartzelonako Udal gobernu berrian. Kritikak jaso ditu erabakiak, bazterreko kolektiboak bazterreko eta ikusezin izaten jarraitzea nahi duelako hainbatek.
Maiatzaren 24ko hauteskundeen ondoren hautatuak izan diren hainbat lagunek agerraldi jendetsu baten bidez jakinarazi dute hilaren 26an Katalunian Telefonica-Movistarreko grebalarien “Eskaileren konpromisoa” sinatuko dutela.
Hauteskundeen jarraipena egiten ari gara minutuz minutu. Emaitzak eta ondorengo balizko paktuak.
Duela bi urte sortu zen Prozesu Konstituziogilea, Kataluniako Parlamentuko hurrengo hauteskundeetarako ezkerreko alderdien batasuna lortzeko helburuarekin. Arcadi Oliveres bozemaileari elkarrizketa egin dio Vilawebek eta eduki garrantzitsuenak laburtu ditugu.
Pablo Iglesias bozeramaile duen Podemos alderdiak 2015eko udal hauteskundeetan nola parte hartuko duen erabakiko du udazkenean. Baliteke alderdi gisa aurkeztu ordez, herritarren hautagaitzak babestea “behar adinako ziurtasuna” daukatenean.
“Hiri ezberdin bat eraikitzea posible dela erakusteko ordua heldu da”. Helburu horrekin jaio da Guanyem Barcelona, Ada Colau - PAH Kaleratzerik Ez elkartearen bozeramaile ohiak bultzatutako plataforma herritar berria. Ekainaren 26an egingo dute publiko beren... [+]