Abortuaren aurkako koalizio berria prestatzen ari da Espainian Europako bozetarako
Familia y Vida (FyV), Alternativa Española (AES) eta Comunión Tradicionalista Carlista (CTC) Europako hauteskundeei begira jarri dira. Eskuin muturreko hiru taldeek bat egin eta “Bizitzaren aldeko” proposamena eramango dute maiatzeko hauteskundeetara.
Ez Alberto Ruiz Gallardonen PP, ez Santiago Abascalen VOX, Espainiar ultra katoliko eta abortuaren aurkakoek beren hautagaitza partikularraren premia ikusi dute: abortuaren lege murriztaile eta zorrotzagoaren defentsan lan egingo duen koalizioa.
Datozen egunetan emango dute ezagutzera militanteek “bizitzaren aldeko” bezala definitzen duten taldearen marka ofiziala.
“Hiru formazioen artean desberdintasun txiki batzuk egon daitezke, baina inola ere ez bizitzaren balore negoziaezinei eta familia eta haurren hezkuntzari dagokionean” adierazi zuen Miguel Aguilella, Partido Familia y Vidako Euskadiko ordezkariak Publicorekin izandako elkarrizketan.
Koalizioa, alderdi gehiagoren bila
Hiru partiduen arteko akordioa 2013ko azaroan sinatu bazuten ere, koalizioak lanean jarraitzen du abortuaren aurkako beste zenbait asoziazio hurbilarazi asmoz.
Etorkizuneko balizko hautagai da Coordinadora por la Vida, 61 antolakunde ultrakatolikok osatzen duten plataforma. Antolakunde horietako bat da Falange Española de las JONS ere.
Talde faxista oraingoz koalizio posibleetatik aparte badago ere, Aguilellak baieztatu du “puntu komun asko” daudela koordinakunde horren eta koalizioaren artean. Baina “pista gehiago ematea” baztertzen du.
Bestalde, Frantziako Fronte Nazionalarekin ere negoziatzen ari dira. Inkesten arabera europar hauteskundeetan parte hartze arrakastatsua izango duen alderdia da Marine Le Penena.
Espainiako eskuin muturra elkar joka
VOX, Santiago Abascalek sortutako alderdiarekiko jarrera ezkor eta kritikoa dute koalizioko kideek. “VOXeko ordezkari askok behin baino gehiagotan erakutsi dute ez direla bizitzaren aldekoak. Are gehiago, baten bat abortuaren aldekoa ere bada”, ohartarazi du Aguilellak.
Abortuaren legearen erreforma berriak ere ez ditu erradikalenak asetzen: “Aurrerapen txikia da, baina zirrikitu berberak hor daude oraindik, emakumeek abortatzea posible izan dezaten” baieztatu du PFyVko bozeramaileak.
“Familien ahotsa” europar instituzioetara eramango dutela baieztatu du koalizioak. “Bizitza sorkuntzatik amaiera naturalera arte” defendituko dutela eta horretarako “promozio, laguntza eta babes politikak” –gay eta lesbianek lekurik ez duten politikak– zabalduko dituztela iragarri dute.
Bizi garen mundu frenetiko zein zorabiagarri honetan, pixkanaka gertatzen diren gizarte-aldaketak batzuetan antzemanezinak, garrantzirik gabekoak edo hutsalak direla iruditzen zaigu. Hala ere, ez da horrela, eta jakitun izan behar dugu tentuz jokatzeko. Horren adibide, azken... [+]
Euskal Herriko Unibertsitateak jakinarazi duenez, gutxienez astebetez ez du eskolarik emango Zuzenbide Fakultateko irakasleak. Astelehen goizean Leioako campuseko ehunka ikaslek sare sozialetan frankismoa goraipatzea eta mezu xenofobo, matxista eta homofoboak hedatu izana salatu... [+]
Antena3 telebista kate espainiarreko Espejo Público saioak erreportaje sentsazionalista bat eman zuen asteazkenean, Donostiako ustezko segurtasun faltaren inguruan eta fokua gazte magrebtarretan jarriz. Erreportajea publikoki salatu du Kaleko Afari Solidarioak (KAS)... [+]
Iturramako taberna herritarrari eraso egin zioten egunean bertan Iruñean ziren arren, salatutakoan parte hartu zutenik ezin dela frogatu dio epaileak. 2022ko azaroan Ezpala taberna txikitu eta bertan ziren bezeroak jipoitu zituzten Bartzelonako ultrek.
Otavio da Silva ertzaina irakasle aritzen da Desokupan, eta emakume gisa dago erregistratuta. Bestalde, badirudi udan bere bikotekidea erailtzen saiatu zen ertzaina ez dutela Poliziatik bota.
Boto gutxi tarteko gailendu zaio Olaf Scholz lehen ministroaren SPD alderdia eskuin muturrari Alemania ekialdeko Brandenburgoko hauteskundeetan. Turingia eta Saxoniako porroten ostean Brandenburgoko emaitzak arnasa eman dio Scholzek zuzentzen duen “semaforoaren”... [+]
Larunbat honetan aurkeztu du Frantziako gobernu berriaren osaketa Michel Barnier lehen ministroak. Eskuin muturreko RN alderdiak defendaturiko ideiak dituzten hainbat politikari eskuindar jarri ditu gobernuko karguetan. "Legetimitaterik gabeko gobernua" dela salatu du,... [+]
Faxisten aurka protesta egiteagatik auzipetu zituzten Lizarrako bi kideak. Asteazkenean, epaiketaren egunean, Lizarraldeko Kontseilu Sozialistak elkarretaratzea egin zuen epaitegi aurrean. Voxeko faxistak jarrera probokatzailearekin agertu ziren bertara, eta Guardia Zibilak... [+]
Mendebaldeko herrialde aberats gehienetan ultraeskuina etengabe eztenka ari da migratzaileekiko gorrotoa eta arrazismoa akuilatzen. Deportazio planei ekitea izan da gobernu askoren erantzuna, izan afganiarrak talibandarren eskutan uzteko, Alemania pentsatzen ari den moduan, edo... [+]
Badira zenbait pertsona aztertzekoak direnak, euren artean Elon Musk. Duten askatasunaren ideiak dena kontrolatzeko beharretik datorrela dirudi, botere guztia izatetik, botere guztia izanda negozioak sortzea errazagoa delako, eztabaidarik ez baitago; eredu hegemonikoak indartsu... [+]
Taldea ezagutzera ematea, gerrarako dirua biltzea eta soldaduak errekrutatzea da faxisten asmoa. Hainbat geldialdi egingo dituzte, hala nola Alemanian, Polonian, Txekian, Lituanian, Herbehereetan eta Belgikan.
Gobernuak argudiatu du "migrazioaren karga handia" eta "terrorismo islamistaren arriskua" areagotu direla.
Emmanuel Macron Frantziako presidenteak, ororen buru, badu bere lehen ministro berria. LR Errepublikanoen alderdiko Michel Barnier eskuindar kontserbadorea izendatu du. Fronte Herritar Berriko alderdiek «gobernu kolpea» salatu, eta Barnierren gobernua... [+]