Abortua legeztatu dute Zeelanda Berrian
68 diputatuk alde eta 51ak kontra bozkaturik, ez da gehiago Zeelanda Berriko Krimenen Legean kausitzen abortuarena. Garaipen handia, hamarkada luzeetan eskubide horren alde aritu diren feministentzako.
Zeelanda Berriko herritarrentzako bozketa historiko bat gertatu da 2020ko martxoaren 18ko gauean: abortua Krimenen Legetik ateratzearen alde agertu da Parlamentua. Zehazki, 68k alde eta 51k kontra bozkatu dute. Ordura arte, hamalau urte arteko kartzela zigorra arriskatzen zuten abortatzen zuten emakumeek. Hori horrela, abortua krimen gisa kontsideratzen zuen 70. hamarkadako legea ezeztatu eta eskubide bihurtu da abortua zeelandaberritarrentzat.
Haurdunaldiaren lehen hogei asteetan emakumeek ez dute justifikaziorik eman beharko hori egiteko. Epe hori bukatu ondoren, abortatzeko beharra duenak galdeketa bat pasatu beharko du eta ondotik bi medikuren oniritzia ere eskatuko zaio egin ahal izateko.
Hitzemandakoa gauzatu du Ardernek
Martxoaren 18ko bozketak ekarri du beraz abortatzeko eskubidea. Hain zuzen, ordura arte abortatu zitekeen bi medikuren oniritziarekin eta soilik "emakumearen osasun fisikoa ala mentala lanjerrean" bazeuden.
Jacinda Ardern Lehen Ministroak kanpainan zehar hitz emandakoen artean zen abortua legeztatzearena. Luzea izan da aldaketa bideratzeko prozesu legala. Lehen irakurketa 2019ko abuztuan egin zuten, zeinetan orain baino diputatu gehiago ziren alde agertu (94 alde 23 kontra); bigarren irakurketa, berriz, martxo hastapenean egin zuten (81 alde eta 39 kontra). Azken bozketako emaitzak tinkoagoak izan badira ere, gehiengoa alde agertu da. Azken urrats bat falta da lege berria indarrean sartzeko: Patsy Reddy gobernadorearen izenpedura.
Ehunka emakume irten dira manifestatzera ostegunean, Brasilgo Sao Paulo eta Rio de Janeiroko kaleetara. Partidu Liberalak legea proposatu du, abortua 22. astetik aurrera homizidio arrunta bezala epaitua izateko. Lege horren arabera bortxatua izan den emakume batek, denbora epe... [+]
Abortuaren eskubidea Frantziako konstituzioan sartu da aste honetan. Baina abortatzeko eskubidea ez da gaur goizeko afera. Jadanik 1970. hamarkadaren hasieran mugimendu azkarrak izan ziren eskubide horren erdiesteko Ipar Euskal Herrian.
Senatuaren babesa jaso zuen joan den ostegunean, eta Kongresuak berretsi du astelehenean konstituzioaren aldaketa agintzen duen neurria. Frantzia da konstituzioan abortu eskubidea "bermatzen" duen munduko estatu bakarra.
267 senatarik alde bozkatu dute eta 50ek kontra. Frantziako Legebiltzarrak eta Senatuak alde bozkaturik, bi ganberak biltzen dituen Kongresuaren bozketa eskas da: martxoaren 4an eginen da, eta printzipioz aldeko botoa gailendu beharko litzateke.
Abokatu Kristauek "iraingarritzat" jo dituzte Donostian agertutako kartelak. Haien ustez, hiru delitu egin dituzte egileek: gorroto-delitua, erlijioen-sentimenduen aurkakoa eta egoera zibilaren usurpazioa. Ekintza anonimoa izan da, Askabide klinikaren ondoan jarritako... [+]
Espainiako Gotzainen Batzarraren izena daramaten kartelak agertu dira Askabide klinikaren ondoan: "Orain abortatzen baduzu, zer joko dugu larrutan hemendik 5 edo 6 urtetara?".
Askabide klinikako langileen ordezkaritza batek agerraldia egin du Gasteizko Parlamentuan, klinika horretako langileek eta bertara haurdunaldia eteteko joaten diren emakumeek bizi duten egoera azaltzeko: izan ere, abortuaren aurkako 40 días por la vida mugimenduak mehatxu... [+]
PPk aurkezturiko helegitea ez du onartu auzitegiak: zazpi magistratuk babestu dute 2010eko Abortuaren Legea eta lauk eman dute kontrako botoa.
Espainiako Estatuan Abortuaren aurkako lobbyak Abortuaren Legea erausteko beste saiakera bat egiten ari dira Gaztela eta Leonen. Hango gobernukide den Vox-ek iragarri du abortatu nahi duten emakumeei fetuaren taupadak entzunarazi edota ekografiak ikusaraziko dien protokoloa... [+]
Espainiako Ogasun Ministerioak urteroko txostenean jaso ditu datuok.
Hilabete hasieran Donostiako epaile batek hartutako bide beretik, Gasteizko epaile batek ere kautelazko neurriak hartu ditu abortuaren kontrako protesten aurka. Askabidek bi hiriburuetan dituen kliniken ateetan ezingo dira bildu abortuaren aurkakoak, gutxienez 100 metroko... [+]
Washingtonen zein beste hiri ugaritan manifestazioak antolatu dituzte, eta oihukatu “ez dutela atzera egingo” abortu eskubideari babesa kentzeko Gorte Gorenaren epaiaren aurrean.