Abortua homizidio bilakatu nahi duen lege proiektuaren aurka kalera atera dira Brasilen
Ehunka emakume irten dira manifestatzera ostegunean, Brasilgo Sao Paulo eta Rio de Janeiroko kaleetara. Partidu Liberalak legea proposatu du, abortua 22. astetik aurrera homizidio arrunta bezala epaitua izateko. Lege horren arabera bortxatua izan den emakume batek, denbora epe hori pasa eta gero abortatzen badu, bortxatzaileak baino zigor gogorragoa izango du.
Ehunka emakume atera dira ostegun honetan kaleetara manifestatzera, abortua eta hilketa berdindu nahi dituen lege proiektu bat dela eta. Lege horren arabera, haurdunaldiaren 22. astearen ostean abortatuz gero homizidio delitua izango da. Brasilen homizidio delituagatik zigortuz gero, kartzela zigorra seitik hogei urte bitartekoa izan daiteke, eta sexu-indarkeriagatik aldiz, gehienez 12 urtekoa da. Beraz, bortxatua izan den emakume batek lege proposamenak ezarri nahi duen denbora epe horren ostean abortatuz gero, bera bortxatu duenak baino zigor gogorragoa izango luke.
Lege proposamena Partidu Liberaleko Sóstenes Cavalcante diputatuak egin zuen asteazkenean, kongresuan. Brasilen legezkoa da abortua ondorengo kasuetan: bortxaketa kasuetan, ama hiltzeko arriskuan baldin badago eta fetuaren anentzefalia gertatzen bada. Oraingo legeak ez du eskubide hori erabiltzeko gehieneko eperik ezartzen.
Proposamenak talde progresisten protestak eragin dituzte, Lula da Silvaren gobernua babesten dutenak. Giza Eskubideen ministro Silvio Almeidak proposamena “immorala” dela adierazi du. Gainera, “probokaziotzat” ikusten du bortxatua izan den emakumea bortxatzailea baino gaizkileagoa den ala ez eztabaidatu behar izatea. “Proiektua konstituzioaren aurkakoa da erabat, eta bortxatua izan den emakumearentzat onartezina eta diskriminatzailea da”, gaineratu du Almeidak.
Abortuaren eskubidea Frantziako konstituzioan sartu da aste honetan. Baina abortatzeko eskubidea ez da gaur goizeko afera. Jadanik 1970. hamarkadaren hasieran mugimendu azkarrak izan ziren eskubide horren erdiesteko Ipar Euskal Herrian.
Senatuaren babesa jaso zuen joan den ostegunean, eta Kongresuak berretsi du astelehenean konstituzioaren aldaketa agintzen duen neurria. Frantzia da konstituzioan abortu eskubidea "bermatzen" duen munduko estatu bakarra.
267 senatarik alde bozkatu dute eta 50ek kontra. Frantziako Legebiltzarrak eta Senatuak alde bozkaturik, bi ganberak biltzen dituen Kongresuaren bozketa eskas da: martxoaren 4an eginen da, eta printzipioz aldeko botoa gailendu beharko litzateke.
Abokatu Kristauek "iraingarritzat" jo dituzte Donostian agertutako kartelak. Haien ustez, hiru delitu egin dituzte egileek: gorroto-delitua, erlijioen-sentimenduen aurkakoa eta egoera zibilaren usurpazioa. Ekintza anonimoa izan da, Askabide klinikaren ondoan jarritako... [+]
Espainiako Gotzainen Batzarraren izena daramaten kartelak agertu dira Askabide klinikaren ondoan: "Orain abortatzen baduzu, zer joko dugu larrutan hemendik 5 edo 6 urtetara?".
Askabide klinikako langileen ordezkaritza batek agerraldia egin du Gasteizko Parlamentuan, klinika horretako langileek eta bertara haurdunaldia eteteko joaten diren emakumeek bizi duten egoera azaltzeko: izan ere, abortuaren aurkako 40 días por la vida mugimenduak mehatxu... [+]
PPk aurkezturiko helegitea ez du onartu auzitegiak: zazpi magistratuk babestu dute 2010eko Abortuaren Legea eta lauk eman dute kontrako botoa.
Espainiako Estatuan Abortuaren aurkako lobbyak Abortuaren Legea erausteko beste saiakera bat egiten ari dira Gaztela eta Leonen. Hango gobernukide den Vox-ek iragarri du abortatu nahi duten emakumeei fetuaren taupadak entzunarazi edota ekografiak ikusaraziko dien protokoloa... [+]
Espainiako Ogasun Ministerioak urteroko txostenean jaso ditu datuok.
Hilabete hasieran Donostiako epaile batek hartutako bide beretik, Gasteizko epaile batek ere kautelazko neurriak hartu ditu abortuaren kontrako protesten aurka. Askabidek bi hiriburuetan dituen kliniken ateetan ezingo dira bildu abortuaren aurkakoak, gutxienez 100 metroko... [+]
Washingtonen zein beste hiri ugaritan manifestazioak antolatu dituzte, eta oihukatu “ez dutela atzera egingo” abortu eskubideari babesa kentzeko Gorte Gorenaren epaiaren aurrean.
Abortuaren aurkako jazarpena jasateko arriskua dute beren obulazioari buruzko informazioa plataformetara igotzen duten emakumeek. AEBetako estatu guztietan abortatzeko eskubidea bermatzen zuen aurrekaria bertan behera geratu berri den honetan, App hauek erabiltzeari uzteko deia... [+]
