Abortuaren aldeko lau ekintzailek Rajoyren hitzaldia eten dute Donostian
Lau ekintzailek Mariano Rajoy Espainiako Gobernuko presidentearen hitzaldia eten zuten Kursaalean joan den larunbatean. Abortuaren alde oihu egin zuten EAEko PPren biltzarrean.
Mariano Rajoy Espainiako Gobernuko presidentearen hitzaldiak eman behar zion amaiera Araba, Bizkaia eta Gipuzkoako popularren bilkurari. Eta hala izan zen. Ez nolanahi, ordea.
Publikoan eserita zeuden lau emakumek abortuaren aldeko kontsignak oihukatu zituzten, Rajoyk bere diskurtsoa hasi zuenean. Presidentearen hitzaldia etetea lortu zuten, Emakume Langilearen Nazioarteko Egunean.
“Abortu librea”, “gure gorputza gure erabakia” eta “aborto ilegal, violencia estatal” (abortu ilegala, estatu indarkeria) bezalako aldarriak oihukatu zituzten, gorriz zikindutako eskuekin aurpegia margotu eta besoak altxatuta sinbolo feminista marrazten zuten bitartean.
PPko jarraitzaileek txistu eta txalo hotsez isilarazi nahi izan zituzten, “sí a la vida” (bizitzari bai) egin zuten garrasi, segurtasuneko langileek emakumeak indarrez atera zituzten arte. Lau ekintzaileek ez zuten erresistentziarik jarri.
Emakumeek akreditazioak zeramatzaten jantzita. PPko bilkurako segurtasun neurriak zorrotzak ziren arren, aretoko bosgarren ilaran zeuden eserita, publiko artean, lau emakumeak. Ertzaintzak identifikatu egin zituen Kursaal kanpoaldean.
Bitartean Rajoyk diskurtsoarekin jarraitu zuen, gertatutakoari aipamenik egin gabe.
Ekimen ugari Euskal Herrian
Martxoaren 8an Euskal Herria emakumearen aldeko keinuz josi zen. Ekimen gehienetan abortatzeko eskubidearen aldeko aldarrikapenak ez ziren falta izan: mobilizazioak, hitzaldiak, konzentrazioak, margoketak... Beheko argazkian Iruñeko Gaztelu Plaza (Argazkia: Ahotsa.info)
Gasteizko Andra Mari Zuriaren plaza. (Arg: Mrafundazioa)
Donostia. Bideoa: Piztu
Datozen egunetarako ere hainbat ekimen antolatu dituzte Larrabetzun, Anoetan, Azpeitian eta Donostian.
Larunbateko eta aste honetako ekimenei buruzko informazio gehiago Topatu.infon.
Ehunka emakume irten dira manifestatzera ostegunean, Brasilgo Sao Paulo eta Rio de Janeiroko kaleetara. Partidu Liberalak legea proposatu du, abortua 22. astetik aurrera homizidio arrunta bezala epaitua izateko. Lege horren arabera bortxatua izan den emakume batek, denbora epe... [+]
Abortuaren eskubidea Frantziako konstituzioan sartu da aste honetan. Baina abortatzeko eskubidea ez da gaur goizeko afera. Jadanik 1970. hamarkadaren hasieran mugimendu azkarrak izan ziren eskubide horren erdiesteko Ipar Euskal Herrian.
Senatuaren babesa jaso zuen joan den ostegunean, eta Kongresuak berretsi du astelehenean konstituzioaren aldaketa agintzen duen neurria. Frantzia da konstituzioan abortu eskubidea "bermatzen" duen munduko estatu bakarra.
267 senatarik alde bozkatu dute eta 50ek kontra. Frantziako Legebiltzarrak eta Senatuak alde bozkaturik, bi ganberak biltzen dituen Kongresuaren bozketa eskas da: martxoaren 4an eginen da, eta printzipioz aldeko botoa gailendu beharko litzateke.
Abokatu Kristauek "iraingarritzat" jo dituzte Donostian agertutako kartelak. Haien ustez, hiru delitu egin dituzte egileek: gorroto-delitua, erlijioen-sentimenduen aurkakoa eta egoera zibilaren usurpazioa. Ekintza anonimoa izan da, Askabide klinikaren ondoan jarritako... [+]
Espainiako Gotzainen Batzarraren izena daramaten kartelak agertu dira Askabide klinikaren ondoan: "Orain abortatzen baduzu, zer joko dugu larrutan hemendik 5 edo 6 urtetara?".
Askabide klinikako langileen ordezkaritza batek agerraldia egin du Gasteizko Parlamentuan, klinika horretako langileek eta bertara haurdunaldia eteteko joaten diren emakumeek bizi duten egoera azaltzeko: izan ere, abortuaren aurkako 40 días por la vida mugimenduak mehatxu... [+]
PPk aurkezturiko helegitea ez du onartu auzitegiak: zazpi magistratuk babestu dute 2010eko Abortuaren Legea eta lauk eman dute kontrako botoa.
Espainiako Estatuan Abortuaren aurkako lobbyak Abortuaren Legea erausteko beste saiakera bat egiten ari dira Gaztela eta Leonen. Hango gobernukide den Vox-ek iragarri du abortatu nahi duten emakumeei fetuaren taupadak entzunarazi edota ekografiak ikusaraziko dien protokoloa... [+]
Espainiako Ogasun Ministerioak urteroko txostenean jaso ditu datuok.
Hilabete hasieran Donostiako epaile batek hartutako bide beretik, Gasteizko epaile batek ere kautelazko neurriak hartu ditu abortuaren kontrako protesten aurka. Askabidek bi hiriburuetan dituen kliniken ateetan ezingo dira bildu abortuaren aurkakoak, gutxienez 100 metroko... [+]
Washingtonen zein beste hiri ugaritan manifestazioak antolatu dituzte, eta oihukatu “ez dutela atzera egingo” abortu eskubideari babesa kentzeko Gorte Gorenaren epaiaren aurrean.