Otsailaren 23an egin dute bozketa Frantziako Parlamentuan: 135 diputatuk alde bozkatu dute, 47k kontra eta bederatzi abstenitu dira.
Hamalau asteko epea ukanen dute Ipar Euskal Herriko emakumeek abortatzeko –orain arte hamabi astekoa zuten–. Aldaketa horren alde agertu dira Frantziako Parlamentuko 135 diputatu, beste 47k aurka bozkaturik eta bederatzi absteniturik. Emmanuel Macronen alderdiko batek aurkezturiko lege proposamena zen otsailaren 23an bozkaturikoa.
Beste aldaketa batzuk ere dakarzki legeak: erremedio bidez abortatzeko epea bost astetik zazpi astera luzatzea; aborto instrumentala –hau da kirurgikoa– egiteko aukera emaginei zabaltzea; elkarrizketa psikosozialaren ondotik den bi eguneko hausnarketa-epea kentzea, eta beste. Abortoa praktikatzen duten profesionalen eta egituren errepertorio bat osatzeko bidea ere ireki du bozketak, beti ere hauek bertan agertu nahi badute.
Ezkerrean denak agertu dira legearen alde, eskuinean haatik bi posturak agertu dira eta eskuin-muturrak aurka bozkatu du. Zehaztekoa da "modu pertsonalean" Macron aurka kokatu zela, abortatzeko epea zabaltzeak "are traumatikoagoa" bilakatzen duelakoan abortoa.
Frantziako Parlamentuak bozkaturiko aldaketa txalotu dute feministek, tartean Planning Familial elkarte historikoak:
VICTOIRE HISTORIQUE: la #PPLIVG a été adoptée !
Après des années de mobilisation pour le droit à l’avortement, nous sommes fièr.e.s de célebrer l’adoption de la loi visant à renforcer le droit à l’IVG !
C'est une avancée importante pour les droits des femmes !
— Le Planning Familial (@leplanning) February 23, 2022
Ehunka emakume irten dira manifestatzera ostegunean, Brasilgo Sao Paulo eta Rio de Janeiroko kaleetara. Partidu Liberalak legea proposatu du, abortua 22. astetik aurrera homizidio arrunta bezala epaitua izateko. Lege horren arabera bortxatua izan den emakume batek, denbora epe... [+]
Abortuaren eskubidea Frantziako konstituzioan sartu da aste honetan. Baina abortatzeko eskubidea ez da gaur goizeko afera. Jadanik 1970. hamarkadaren hasieran mugimendu azkarrak izan ziren eskubide horren erdiesteko Ipar Euskal Herrian.
Senatuaren babesa jaso zuen joan den ostegunean, eta Kongresuak berretsi du astelehenean konstituzioaren aldaketa agintzen duen neurria. Frantzia da konstituzioan abortu eskubidea "bermatzen" duen munduko estatu bakarra.
267 senatarik alde bozkatu dute eta 50ek kontra. Frantziako Legebiltzarrak eta Senatuak alde bozkaturik, bi ganberak biltzen dituen Kongresuaren bozketa eskas da: martxoaren 4an eginen da, eta printzipioz aldeko botoa gailendu beharko litzateke.
Abokatu Kristauek "iraingarritzat" jo dituzte Donostian agertutako kartelak. Haien ustez, hiru delitu egin dituzte egileek: gorroto-delitua, erlijioen-sentimenduen aurkakoa eta egoera zibilaren usurpazioa. Ekintza anonimoa izan da, Askabide klinikaren ondoan jarritako... [+]
Espainiako Gotzainen Batzarraren izena daramaten kartelak agertu dira Askabide klinikaren ondoan: "Orain abortatzen baduzu, zer joko dugu larrutan hemendik 5 edo 6 urtetara?".
Askabide klinikako langileen ordezkaritza batek agerraldia egin du Gasteizko Parlamentuan, klinika horretako langileek eta bertara haurdunaldia eteteko joaten diren emakumeek bizi duten egoera azaltzeko: izan ere, abortuaren aurkako 40 días por la vida mugimenduak mehatxu... [+]
PPk aurkezturiko helegitea ez du onartu auzitegiak: zazpi magistratuk babestu dute 2010eko Abortuaren Legea eta lauk eman dute kontrako botoa.
Espainiako Estatuan Abortuaren aurkako lobbyak Abortuaren Legea erausteko beste saiakera bat egiten ari dira Gaztela eta Leonen. Hango gobernukide den Vox-ek iragarri du abortatu nahi duten emakumeei fetuaren taupadak entzunarazi edota ekografiak ikusaraziko dien protokoloa... [+]
Espainiako Ogasun Ministerioak urteroko txostenean jaso ditu datuok.
Hilabete hasieran Donostiako epaile batek hartutako bide beretik, Gasteizko epaile batek ere kautelazko neurriak hartu ditu abortuaren kontrako protesten aurka. Askabidek bi hiriburuetan dituen kliniken ateetan ezingo dira bildu abortuaren aurkakoak, gutxienez 100 metroko... [+]
Washingtonen zein beste hiri ugaritan manifestazioak antolatu dituzte, eta oihukatu “ez dutela atzera egingo” abortu eskubideari babesa kentzeko Gorte Gorenaren epaiaren aurrean.
Abortuaren aurkako jazarpena jasateko arriskua dute beren obulazioari buruzko informazioa plataformetara igotzen duten emakumeek. AEBetako estatu guztietan abortatzeko eskubidea bermatzen zuen aurrekaria bertan behera geratu berri den honetan, App hauek erabiltzeari uzteko deia... [+]