Mehatxuak salatu ditu abortuak egiten dituen Antsoaingo klinikak
Antsoainen abortuak egiten dituen klinikak haurdunaldia eteteko eskubidearen kontrakoen indarkeria, irainak eta instalazioetan kalteak jasaten dituztela salatu du.
Foruzaingoa mehatxuak eta eraikinean agertutako pintadak aztertzen ari da. Besteak beste, zentroko arduraduna hiltzailetzat jotzen dute eta “Abortatzea erailtzea da” gisako margoketak egin dituzte.
Azken bi asteetan erasoak gogortu egin direla ohartarazi du Jose Gurrea klinikaren jabeak. Urritik hona bi salaketa jarri ditu klinikak abortuaren kontrako taldeek zentrora doazen emakumeei eta langileei egindako jazarpen etengabeengatik.
“Klinika honetan haurrak hiltzen dira” edo “gauean lasai lo eginen duzu?” bezalako itaunak entzun behar izaten dituzte bertaratzen direnek.
“Pazienteak irainduta eta beldurtuta sentitzen dira, baina ez dute salaketarik jartzen anonimatua mantendu nahi dutelako”, baieztatu du zentroko ginekologoak.
Mehatxuen atzean “bizitzaren aldeko” gazte erakundeak
Asociación juvenil Alerta Navarra! (Erne Nafarroa! gazte erakundea) taldearen izenean jarduten dira egunero eraikinaren atarira hurbildu eta barrura doazenei “umeak hiltzera joan daitezela” aurpegiratzen dietenak.
Haien blogean biltzen denez “bizitzaren alde gauden gazte nafarrek osatzen dugu taldea, eta abortuak egiten dituen klinika ixteko egiten dugu borroka”. Hilabeteko azken ostiraletan Antsoaingo klinikaren parean biltzen dira “bizitzaren aldeko errosarioa” errezatzeko.
Escuela de Rescates de Navarra (Nafarroako Erreskate Eskola) izeneko bigarren talde bat ere badago. Azken horiek txandak antolatzen dituzte klinikaren aurrean, gazteek Antsoaingo udaltzainei jakinarazi dietenez, Opus Deiren esku dagoen Nafarroako Unibertsitateak kredituak ematen dizkielako. Unibertsitateak ukatu egin du halako ekintzengatik kredituak ematen dituztenik, eta maila pertsonalean jokatzen dutela berretsi du.
Ehunka emakume irten dira manifestatzera ostegunean, Brasilgo Sao Paulo eta Rio de Janeiroko kaleetara. Partidu Liberalak legea proposatu du, abortua 22. astetik aurrera homizidio arrunta bezala epaitua izateko. Lege horren arabera bortxatua izan den emakume batek, denbora epe... [+]
Abortuaren eskubidea Frantziako konstituzioan sartu da aste honetan. Baina abortatzeko eskubidea ez da gaur goizeko afera. Jadanik 1970. hamarkadaren hasieran mugimendu azkarrak izan ziren eskubide horren erdiesteko Ipar Euskal Herrian.
Senatuaren babesa jaso zuen joan den ostegunean, eta Kongresuak berretsi du astelehenean konstituzioaren aldaketa agintzen duen neurria. Frantzia da konstituzioan abortu eskubidea "bermatzen" duen munduko estatu bakarra.
267 senatarik alde bozkatu dute eta 50ek kontra. Frantziako Legebiltzarrak eta Senatuak alde bozkaturik, bi ganberak biltzen dituen Kongresuaren bozketa eskas da: martxoaren 4an eginen da, eta printzipioz aldeko botoa gailendu beharko litzateke.
Abokatu Kristauek "iraingarritzat" jo dituzte Donostian agertutako kartelak. Haien ustez, hiru delitu egin dituzte egileek: gorroto-delitua, erlijioen-sentimenduen aurkakoa eta egoera zibilaren usurpazioa. Ekintza anonimoa izan da, Askabide klinikaren ondoan jarritako... [+]
Espainiako Gotzainen Batzarraren izena daramaten kartelak agertu dira Askabide klinikaren ondoan: "Orain abortatzen baduzu, zer joko dugu larrutan hemendik 5 edo 6 urtetara?".
Askabide klinikako langileen ordezkaritza batek agerraldia egin du Gasteizko Parlamentuan, klinika horretako langileek eta bertara haurdunaldia eteteko joaten diren emakumeek bizi duten egoera azaltzeko: izan ere, abortuaren aurkako 40 días por la vida mugimenduak mehatxu... [+]
PPk aurkezturiko helegitea ez du onartu auzitegiak: zazpi magistratuk babestu dute 2010eko Abortuaren Legea eta lauk eman dute kontrako botoa.
Espainiako Estatuan Abortuaren aurkako lobbyak Abortuaren Legea erausteko beste saiakera bat egiten ari dira Gaztela eta Leonen. Hango gobernukide den Vox-ek iragarri du abortatu nahi duten emakumeei fetuaren taupadak entzunarazi edota ekografiak ikusaraziko dien protokoloa... [+]
Espainiako Ogasun Ministerioak urteroko txostenean jaso ditu datuok.
Hilabete hasieran Donostiako epaile batek hartutako bide beretik, Gasteizko epaile batek ere kautelazko neurriak hartu ditu abortuaren kontrako protesten aurka. Askabidek bi hiriburuetan dituen kliniken ateetan ezingo dira bildu abortuaren aurkakoak, gutxienez 100 metroko... [+]
Washingtonen zein beste hiri ugaritan manifestazioak antolatu dituzte, eta oihukatu “ez dutela atzera egingo” abortu eskubideari babesa kentzeko Gorte Gorenaren epaiaren aurrean.
Abortuaren aurkako jazarpena jasateko arriskua dute beren obulazioari buruzko informazioa plataformetara igotzen duten emakumeek. AEBetako estatu guztietan abortatzeko eskubidea bermatzen zuen aurrekaria bertan behera geratu berri den honetan, App hauek erabiltzeari uzteko deia... [+]