Abian dira Abiadura Handiko Trenaren Donostiako geltokia eraikitzeko lanak
Asteazkenean hasi dira AHTren Donostiako geltokia eraikitzeko obrak. Hala iragarri du Donostiako Udalak. Momentuz, topografia-lanak abian dira, eta okupatu beharreko eremu batean hesiak jarri dituzte.
Obrak 42 hilabete iraungo du guztira, eta udalak esan duenez, trenbide zerbitzuak martxan jarraituko du uneoro, lanak hainbat fasetan egingo direlako. Ondo bidean, azarotik aurrera geltoki gainetik pasatzen den behin behineko oinezkoen pasabide berri bat eraikiko dute, Frantziako pasealekua eta Blas de Otero plazako etxebizitzak lotzen dituena. Pasabide honek igogailuak izango ditu, irisgarritasuna bermatzeko, eta egun dagoena ordezkatuko du. Geltoki gainetik pasatzen den egungo pasabidea, baita Egiako trenbide azpikoa ere zabalik izango dira bestea eraiki bitartean, eta 2021eko udaberritik aurrera itxi eta botako dituzte.
Lan horrekin amaitu ondoren, behin-behineko geltoki bat eraikiko dute, Nestor Basterretxea plazatik sarbidea izango duena. Alegia, geltoki hori Egiako aldean izango da, eta 2022. urte hasieran martxan izango dela aurreikusten da.
Eraikiko den terminal berriak 7.400 metro karratuko azalera edukiko du.
2024ko otsailean Astigarraga-Hernani tartea amaitu zutenean Abiadura Handiko Trena 2027an prest egongo zela aurreikusten zuen Eusko Jaurlaritzak. Orain Arkautiko lotunearen obren lizitazioari ekin dio Jaurlaritzak; Euskal Trenbide Sarea enpresaren esku utzi du, eta 2027an hasiko... [+]
Informaziorik helarazi gabe eta baimen eskaerarik gabe hasi dituzte Abiadura Handiko Trena eraikitzeko asmoz lehenago egin beharrak diren zundaketa lanak Otsobi kontzejuaren lurretan. Stop Zundaketak plataformak jakinarazi du egoera: "Izako Udalari edo Otsobiko kontzejuari... [+]
Lapurdi zeharkatuko lukeen AHT egitasmoa aitzina doala salatu du ingurumenaren alde dabiltzan elkarteen artean osaturiko CADE kolektiboak. Urriaren 12 eta 13rako jarri du hitzordua, Gironda eskualdean Lurraren Altxamenduak sareak antolaturiko protestari sostengua erakutsiz.
Oscar Puente Espainiako Garraio ministroaren esanetan, Nafarroarekin lotura egiteko aukerarik "onargarriena" Gasteizkoa da, Ezkio-Itsasoko ibilbideak "konplexutasun teknikoak" dituelako.
2017an Gaintxurizketan tunela zulatzen hasi zirenetik etengabeak izan dira AHTko obrek Renferen tren zerbitzuan eragindako murrizketak eta kalteak. Orain, Espainiako Garraio Ministerioak iragarri du udaran hainbat astez etenda egongo dela zerbitzu hori Hernani eta Irun artean... [+]
Manifestazio jendetsua egin dute Altsasun AHTren lanak gelditzea eta gaur egungo trenbidea hobetzea eskatzeko.
AHTren kontrako eta trenaren aldeko eragileek deituta, manifestazioa egingo dute Altsasun apirilaren 20an, larunbatarekin, tren-azpiegiturak berritu eta trenen maiztasuna handitzea eskatzeko. Alternatiba bat badagoela gogorarazi dute deitzaileek eta azterketa hori aurrera... [+]
Muru Artederreta herrian, Murugain izeneko muinoan, Burdin Aroko herrixka baten horma agerian geratu da, AHTren lanentzako laginak hartzen ari zirela. Bizilagunen hango elkarteak salatu du trenarentzako tunel baten ahoa eraikitzeak harresiaren zati bat suntsituko lukeela.
Abiadura Handiko Trenaren inguruan mintzatu dira zenbait ekintzaile asteazkenean Iruñeko Zabaldin osatu duten hitzaldian. Italiako Val Susa bailarako adibidea bertatik bertara ezagutzeko aukera ere izan dute han sortutako mugimenduaren ordezkari bat etorri delako... [+]