Abian da EA alderdiaren barruko lehia ebazteko epaiketa
Buruz buru aurkitu dira EAren sektore ofizialeko kideak eta ildo horrekin kritikoak direnak epaitegian. Eztabaidagaia: afiliatuen zerrendarako sarbidea. Alderdi barruko barne-gatazka politikoak azaleratu dira auzi horren inguruan eta soka luzeagoa da: alderdiaren gidaritza bera dago jokoan.
Eusko Alkartasunaren gidaritza lortu nahi duten bi sektoreek asteazken honetan elkar ikusi dute auzitegietan, alderdiko idazkari nagusiaren hautaketa erabakiko duen epaiketaren lehen egunean. Prozesua berez martxoan hastekoa zen arren, bertan behera utzi zuten osasun larrialdiagatik. Atzerapenaren ostean, asteazken honetako saioa eta datorren asterako beste bi ezarri dira; ekainaren 16an eta 17an, zehazki.
Alderdiaren zuzendaritzagaitiko lehia da bi sektoreak epailearen aurrera eraman dituena. Maiorga Ramirezek ordezkatzen duen sektoreak salatzen duenez, zuzendaritzak alderdiko afiliatuen datuak ukatu omen zizkien. Horregatik, Eba Blancok alderdiaren idazkaritzarako hauteskunde primarioak irabazi zituen arren, epaileak kautelarki geldiarazi zuen kargu-hartzea. Dena den, Blanco da gaur gaurkoz alderdiaren buruzagi funtzioa betetzen duena.
Lekukoak
Noticias de Gipuzkoak aditzera eman duenez, hainbat lekuko deitu ditu epaitegiak. Horien artean aurkitzen dira Joseba Gezuraga idazkari nagusi ohi eta EAko Hauteskunde Antolaketarako Batzordeko arduraduna, ildo ofizialeko zuzendaritzako zenbait kide eta horren erabakiekin bat ez datozen Berme Batzordeko bi lagun.
Blancoren aldekoak
Kritikak eta gaitzespenak jaurti dizkiote elkarri bi taldeek. Ildo ofizialaren ustez, Eba Blancok "zilegitasuna ez ezik, idazkari nagusi karguaren zama guztiak ere baditu, hala nola, alderdia zuzentzea, uztailaren 12ko hauteskundeetarako hautagai-zerrendetan parte hartzea edo alderdia bere maila gorenean ordezkatzea". Halaber, prozesu judiziala euskal herritarren "interesen giltzarri diren hauteskundeen atarian" egitea deitoratu dute. "Ez da borrokarako unea. Epaiketara eraman dutena alderdiaren barruan ebatzi behar diren barne araudiak dira, baina ez Euskal Herria berreraikitzeko hain garrantzitsuak diren hauteskundeen bezperan, eta are gutxiago epaitegietan", argudiatu dute Blancoren aldekoek.
Kritikoen kexua
Karlos Garaikoetxearen babesa duen sektore kritikoak, berriz, deitoratu egiten du sektore ofiziala deritzonak “Bermeen Batzordearen ebazpenak urratzen jarraitzea”, eta horren ordez, afiliatuen fitxategia “exekutiba osoaren eskuetan” uztea eskatzen du, bertan bi sektoreen ordezkariak baitaude. Horrez gain, kritikoen ustez EAn erantzukizun gorena izan duten kideek, hots, Pello Urizar, Joseba Gezuraga eta Eba Blancok, “sistematikoki” urratu dituzte Bermeen Batzordearen ebazpenak. Gertaeren "desinformazioa" eta "desitxuratze interesatua" ere egotzi diete ildo ofizialekoei.
Gatazka politikoa
Alderdiaren kontrolaren gaineko lehia EAren baitako gatazka politikoak eragin du. Ofizialek jarrera irmoa mantentzen dute alderdia EH Bildu hauteskunde-koalizioan integratzeko. Kritikoek, berriz, EA koalizio horretan "desagertzeko" arriskua ikusten dute eta alderdi izaerari eutsi nahi diotela azpimarratzen dute.
Zatituta zegoen EA azken urte hauetako uneren batetik aurrera, beharbada 2017an egindako bi kongresuetatik, edo 2019an huts egindako primaria prozesutik, edo honen harira sortutako borroka judizial gupidagabea hasi zenetik, akaso bost buruzagiren azken kanporaketatik... Berdin... [+]
EAko Nazio Batzorde Eragileak erabaki du lau urtez Maiorga Ramirez, Iratxe López de Aberasturi, Mikel Goenaga, Miren Aranoa eta Esther Korresen afiliazioa bertan behera uztea, “eskubide, betebehar eta diziplina Araudiaren urratze larriak egin dituztelako”.
Eva Blanco (Amurrio, 1973) 2019an izendatu zuten EAko idazkari nagusi, Pello Urizarrek dimititu ondoren. Barne giro liskartsuan eraman behar izan du aurrera bere agintaldia. Baina arazoak atzeragotik datoz, gutxienez 2017ko kongresutik. Familia barruko gatazkak dira mingarrienak... [+]
Joseba Elosegi gudaria zenaren omenez Donostiako EAk antolatutako ekitaldian, Carlos Garaikoetxea lehendakariak EH Bilduk koalizio gisa jarraitzearen alde egin du, alderdiko sektore kritikoarekin bat eginez.
Barne gatazka latza bizi dute Eusko Alkartasunako bi sektorek: batean egungo zuzendaritza dago, eta bestean haren kudeaketari kritika zorrotza egiten diona. Azken honetan dago Miren Aranoa (Buenos Aires, 1958), Nafarroako EAko koordinatzailea. Osasun egoera dela-eta,... [+]
Miren Aranoak Nafarroako Parlamentuan EH Bilduren ordezkari gisa duen eserlekuari uko egin dio. Abuztuaren 28an gauzatuko du erabakia. Jarduera instituzionalari uko egiteko arrazoiak "pertsonalak" baino ez direla adierazi du. "Ilusioz egiten diot aurre nire etapa... [+]
EAren sektore kritikoak Eba Blanco idazkari nagusiaren izendapenarekin lotuta epaitegietan jarritako salaketa atzera bota dute, ildo ofizialari arrazoia emanez.
Asteazken honetan EA alderdiko bi sektoreetako ordezkariak aurrez aurre jarriko dira epaitegietan. Alderdiko afiliatuen zerrendetara sarbidea edukitzea da auzi judizialaren muina, baina sakonagoko arazoak ere agerian geratzen ari dira azken hilabeteetan.
EAk idazkari nagusi berria izendatu zuen astelehen goizean, baina ez dirudi horrek alderdi barruko bi sektoreen arteko gatazka apaltzeko balioko duenik.
Eusko Alkartasunaren Hauteskunde Batzordeak astelehen goizean Eba Blanco de Angulo izendatu du alderdiaren idazkari nagusi, burutu berriak diren primarietan hautagai bakarra bera dela argudiatuta. Blancok adierazi du alderdia kohesionatzea izanen duela lehen helburu.
Aurkeztu dituen bermeak ez ditu ontzat eman alderdiko Hauteskunde Antolaketarako Batzordeak. Ramirezek “eskandaluzkotzat” jo du erabakia, eta salatu du batzordeko kide guztiak “sektore ofizialekoak” direla
Eusko Alkartasunaren (EA) batzar nazionalak erabaki du Pello Urizarren ordezkoa aukeratzeko hauteskunde primarioen prozesua abian jartzea. Alderdiko sektore kritikoa ez dago ados erabakiarekin.
Debako EAk joan den igandean egin zion omenaldi batean, Carlos Garaikoetxeak bere alderdiak Pello Urizarren dimisioaren ondoren abian jarritako barne-eztabaidari buruz hitz egin zuen.
Astelehenean aurkeztu du dimisioa, Eusko Alkartasunaren Kontseilu Nagusiaren bilkuran, arrazoi pertsonalak direla eta. Urizar geroz eta kritikatuagoa zen alderdiaren barruan, eta azkenean, 2017ko kongresuaren ostean adierazi bezala, ez du idazkari nagusi izateko epe guztia... [+]