226,52 milioiko aurrekontuarekin, Eusko Jaurlaritza arduratuko da Abiadura Handiko Trenaren Bilboko sarrerako eraikuntza proiektua idazteaz.
2019. urtean Eusko Jaurlaritzak aurreikusi zuen 2023rako Abiadura Handiko Trenaren (AHT) obrak amaituta egongo zirela eta 2024an jarriko zela martxan. Baina etengabe luzatu dira epeok. Gobernu Kontseiluak astearte honetan baimendu du Espainiako Trenbide Azpiegituren Aministratzailearekin (Adif) adostutako hitzarmena, eta Jaurlaritzaren esku egongo da Basauri eta Abandoko geltokira arteko tren zatiaren proiektua idaztea, baita zati bereko lanak egitea eta zuzentzea ere. 2026an hasiko dira obrak eta 2033rako amaituko direla aurreikusten du Jaurlaritzak.
6,2 kilometroko tunel bat izango da, dagoeneko amaituta dagoen Galdakao-Basauri zatia eta Bizkaiko hiriburuko geltokia lotuko dituena. 226,52 milioiko aurrekontuarekin gauzatuko da. AHTren geltoki berria egungoaren azpian egin nahi dute, baina hori ere garapen-fasean dagoen beste proiektu baten parte da, eta Idom ingeniaritzari dagokio.
Iñaki Arriola EAEko Garraio Sailburuak adierazi du “pausoz pauso” joango direla eta garrantzia handia emango zaio lehendabizi Adifekin akordioa formalizatzeari. Sailburuaren esanetan, bi urteko beharko dituzte proiektua idazteko eta Jaurlaritzak espero du 2026. urtean ekitea eraikuntzari. Bukatu bitartean, 2027rako Euskal Y-a jar dezaketela uste du Arriolak, behin-behineko geltokiak eraikiz Basaurin eta Gasteizen.
Gipuzkoako zatia
Eusko Jaurlaritzak gogoratu du dagoeneko amaituta daudela lan gehienak Bergara eta Donostia arteko Gizpukoako zatian, eta Hernani eta Astigarraga artekoaz gain, Donostiako geltoki berria eraikitzea ere falta dela. Arriolak dio bi ora horiek 2024an eta 2025ean amaituko direla, hurrenez hurren.
2017an Gaintxurizketan tunela zulatzen hasi zirenetik etengabeak izan dira AHTko obrek Renferen tren zerbitzuan eragindako murrizketak eta kalteak. Orain, Espainiako Garraio Ministerioak iragarri du udaran hainbat astez etenda egongo dela zerbitzu hori Hernani eta Irun artean... [+]
Manifestazio jendetsua egin dute Altsasun AHTren lanak gelditzea eta gaur egungo trenbidea hobetzea eskatzeko.
AHTren kontrako eta trenaren aldeko eragileek deituta, manifestazioa egingo dute Altsasun apirilaren 20an, larunbatarekin, tren-azpiegiturak berritu eta trenen maiztasuna handitzea eskatzeko. Alternatiba bat badagoela gogorarazi dute deitzaileek eta azterketa hori aurrera... [+]
Muru Artederreta herrian, Murugain izeneko muinoan, Burdin Aroko herrixka baten horma agerian geratu da, AHTren lanentzako laginak hartzen ari zirela. Bizilagunen hango elkarteak salatu du trenarentzako tunel baten ahoa eraikitzeak harresiaren zati bat suntsituko lukeela.
Abiadura Handiko Trenaren inguruan mintzatu dira zenbait ekintzaile asteazkenean Iruñeko Zabaldin osatu duten hitzaldian. Italiako Val Susa bailarako adibidea bertatik bertara ezagutzeko aukera ere izan dute han sortutako mugimenduaren ordezkari bat etorri delako... [+]
Eusko Jaurlaritzako Garraio sailburuak onartu du herritarrak "nekatuta eta haserre" daudela obren iraupenarekin. "Euskal Y" deiturikoaren hormigoizko azpiegituraren lanak 2025ean amaituko direla hitz eman du, baina gaineko egitura guztia eta hiriburuetarako... [+]
Nafarroa Trenaren Alde, Araba Trenaren Alde eta Goierriko AHTrik Ez plataformek Altsasun egindako prentsaurrekoan egin dute eskaera: tren lasterrak soilik erabiltzeko trenbide-azpiegitura berriak eraikitzeko proiektuak geldiaraztea, gaur egungo tren-azpiegiturak berritzea eta... [+]
Hamar euroko billeteak zabaldu dituzte Iruñeko Merkatuan, haien mezuarekin.
Aldi baterako irtenbide gisa planteatu du Garraio Ministerioak, eta horrela mantenduko litzateke Castejon eta Zaragoza artean Nafarroako AHTaren plataforma martxan egon arte.
Espainiako Gobernuak ofizialki 2024an erabakiko du Nafarroako AHT zatia eta Euskal Y-a nondik lotuko dituen, Gasteiztik edo Ezkiotik, baina badirudi, hamaika aldiz adierazi duten bezala, Arabako hiriburua lehenetsiko dela lotune gisa.