Abenduaren 28an aterako da kartzelatik 18/98 sumarioko azkenaurreko presoa: Txema Matanzas
10 urte eta 9 hilabeteko kondena beteko du Matanzasek espetxean, 18/98 auzia dela medio. Egun, Puerto III espetxean dago, Euskal Herritik 1.050 kilometrotara.
Txema Matanzas gasteiztarrari azken egunak geratzen zaizkio espetxean. Abenduaren 28an, ostegunean, gaur egun dagoen Puerto III espetxea atzean utziko du preso gasteiztarrak. Etxetik 1.050 kilometrora dago Matanzas.
2007ko azarotik dago espetxean. Izan ere, 18/98 auziaren baitan, Ekin atalean zigortu zuten Matanzas eta hamar urte eta bederatzi hilabeteko zigorra ezarri zioten.
Baltasar Garzon Espainiako Auzitegi Nazionaleko epaileak aginduta abiatu zuten 18/98 sumarioa, zeinean ezker abertzaleko hainbat egitura eta herri mugimendu ugari jarri ziren jo-puntuan, ETAren parte zirelakoan –gerora "dena ETA da" gisa ezagun egin zen teoriaren abiapuntu judiziala izan zen–.
1998ko uztailaren 15ean Egin egunkaria itxiz hasitako operazioan hainbat lagun atxilotu zituzten eta sumario beraren barruan beste zenbait operazio polizial ere egin zituzten hurrengo urteetan. Zazpi urte geroago hasi zen epaiketa, baina behin betiko sententzia 2009an eman zuen epaileak: 38 lagun zigortu zituen –Txema Matanzas tartean– eta bederatzi absolbitu, KAS, Ekin eta Xaki legez kanpo uztearekin batera.
Gabonak, elkartasun ekimenez beteta Araban
Kalera Kalera!-k antolatuta, Zaballako kartzelara martxa egingo dute abenduaren 23an. Dinamikak antolatutako mobilizazio ezberdinen baitan, Arabakoa izango da lehenengo deialdia. 11:00etan izango da hitzordua Subijanako herrian; baina herrira hurbiltzeko, 10:30etan Mendizorrotzako parkingean geratu dira.
Gaur egun, ez dago Arabako euskal preso politikorik Zaballako espetxean. Bertan dagoen eukal preso politiko bakarra larriki gaixorik dagoen Txus Martin bizkaitarra da.
Eta urtarrilaren 13an, Bilbon, Sare herritarrak deitutako manifestazio nazionala. Aurtengo kanpaina ‘Prest gaude’ da eta Gasteizen, jada, busak antolatzen ari dira. Tiketak non egongo diren zehaztu gabe dago oraindik, baina aurreratu dutenez, goizetik bertaratzeko deia indartuko dute. Izan ere, egun osoko egitaraua egongo da urtarrilaren 13an Bilbon.
Horren aurretik, Gasteizen, ekimen ezberdinak antolatu ditu Sarek: abenduaren 16an Umeen Eguna Herri Dendan, abenduaren 29an eskutitzak idazteko eguna leku berean eta abenduaren 30ean ‘Preparadas listas ya! Prest gaude!’ izeneko ekimena 13:00etan Gasteizko Plaza Berrian.
Abenduaren 31n, ohikoa den legez, San Silvestre lasterketan parte hartzeko deia egin dute. Euskal preso, iheslari eta deportatuen etxeratzea eskatuko dute hamaika korrikalarik. 18:00etan jarri dute hitzordua Farmazia fakultatean, Gasteizko Kanpusean bertan.
Horretaz gain, Herri Denda zabalik dago. Bertan, besteak beste, euskal errepresaliatu politikoei elkartasuna adierazteko modu ezberdinak daude, tartean, elkartasun tonbola edo elkartasun saskia.
Albiste hau Hala Bedik argitaratu du eta CC-by-sa lizentziari esker ekarri dugu ARGIAra.
1998ra arte izan zen zuzendaria Egin egunkarian, Baltasar Garzonek ixteko agindua eman zuen arte. Zazpi urteko espetxealdia bete zuen Burgosko kartzelan, 2015 aske geratu zen. 73 urterekin hil da Donostiako bere etxean, azken hilabeteetan pairatu duen gaixotasun baten ondorioz.
Gaur, otsailak 14, izan da Auzitegi Nazionalaren Zigor arloko Aretoan, bere abokatu Iñigo Iruinekin batera. 1999an 18/98 makroepaiketaren barruan atxilotua eta torturatua izan zen, eta gaur eman dio amaiera epaiketa politiko hari: Suitzan bi karnet faltsu edukitzeagatik... [+]
Pepe Rei kazetaria 73 urterekin hil da, astearte honetan, Donostian. Egin egunkariko ikerketa taldea martxan jarri eta Ardi Beltza aldizkaria sortu zuen, besteak beste. Euskal Herriko eta Espainiako estolderia politikoez, gerra zikinak ustelkeriarekin eta narkotrafikoarekin zuen... [+]
Azaroaren 16an zabaldu zuen Txapartegiren abokatuak sare sozialetan albistea, Espainiako Gobernuak Txapartegi atxilotzeko nazioarteko eskaera egina duela. Geroztik hainbat mobilizazio egin dira: 16an bertan Zurichen 150 lagun atera ziren kalera eta azaroaren 18 eguerdian Bernako... [+]
Astelehen honetan 21 urte betetzen dira Aznarrek Egin egunkaria indarrez itxi zuenetik. 1998ko uztailaren 15eko goizean Baltasar Garzón epaileak Egin egunkaria eta irratia ixtea agindu zuen, eta zuzendaritzako zein administrazio-kontseiluko hainbat kide atxilotu zituzten.
Orain arteko bidea ez da erreza izan Nekane Txapartegirentzat. 18/98 sumarioaren epaiketaren harira, 2007an, torturapean egindako testigantzetan oinarrituz 11 urteko espetxe zigorrera kondenatua izan zen. Gauzak horrela, Euskal Herritik alde egitera behartuta ikusi zuen bere... [+]
Iragan larunbatean zendu zen Isidro Murga. Gaur arratsaldean omenaldi jendetsua egin diote Egin egunkariko sustatzaile eta herri mugimendu ugaritako kidea izan zenari. Laudioko Lamuza parkean egin dute ekitaldia, eta ehunka herritar bertaratu dira zitara, gizarte eta politika... [+]
“Goizero-goizero amosal bonba txiki batek, 50 bat gramokoa, eztanda egiten du Euskadin: Egin egunkaria”. Hala zioen Eusko Jaurlaritzako Barne Sailburu Juan Mari Atutxak 1996an, gaur egun arte luzatu den ‘Dena da ETA’ teoriari ateak irekiz.
'Egin' egunkariaren dokumentu-funtsak Hernanin zeukan egoitzatik Euskadiko Artxibo Historikora mugitzeari ekin dio Eusko Jaurlaritzako Kultura Ondarearen Zuzendaritzak. 1.000-1.500 kaxatan aterako dute materiala, argazkiz beteak gehienak.
Hamabi urte espetxean igaro ondoren, goizeko zortziak aldera atera da Soriako espetxetik. Arratsaldean Oiartzunen egingo diote ongi etorria.
“Badira egun batez borrokatu eta on direnak. Badira urtebetez borrokatzen direnak, eta horiek hobeak dira. Baina badira bizitza osoan zehar borrokatzen direnak, horiek ezinbestekoak dira”. Horietan da Teresa Toda.
Egin egunkaria zuzentzeagatik zigortu zuten 18/98 makrosumarioan. Europan espetxeratuta dagoen hedabide bateko zuzendari bakarra aske geratu da gaur goizean espetxealdia hiru alditan bete ostean. Ean (Bizkaia) egingo diote harrera 19:00etan.
18/98 sumarioan epaitu zuten Jexuxmari Zalakain irakasle eta kazetaria, Egin egunkariko administrazio kontseiluko kide izateagatik. Zortzi urtez preso egon ostean, igandean berreskuratuko du askatasuna tolosarrak.
8 urte preso egon ostean, ostegunean gelditu ziren aske Isidro eta Patxo Murga anaiak. 18/98 sumarioan auzipetuak, Egineko langileak izateagatik atxilotu zituzten 2007ko azaroan, eta 69 eta 70 urteko adinarekin utzi dute Leongo espetxea.