Barakaldoko kontzertuaz gain, Gasteizen ere joko du taldeak urtarrila hastapenean, formatu "bilduagoan". Urriaren 5ean jarriko dituzte BECeko sarrerak salgai.
Oholtzara itzuliko da Hertzainak taldea, azken bi kontzertu ematera. Bata, abenduaren 16an Barakaldoko BEC erakustazokan eta bestea 2023 hasieran, urtarrilean. Azken asteetan zabaldu den albisteari buruzko zehaztapenak plazaratu dituzte ostegunean emandako prentsaurrekoan. "Azkena gure alde" izena jarri diote birari eta taldeak zehaztu duenez, beste talde batzuk ere arituko dira emanaldietan. Horrez gainera, taldearen lagunak ere igoko dira oholtzara.
Urriaren 5ean jarriko dituzte Barakaldorako sarrerak salgai, eta 29, 40 eta 45 euroan. Gasteizkoari buruzko informazioak geroago jakinen ditugu. Hala ere, jakin formatu "bilduagoan" izanen dela Arabako kontzertua.
Hertzainak taldea 1981ean sortu zen. Hasiera batean Xabier Montoia zen taldeko abeslaria, baina hark 1982an utzi zuen M-ak sortzeko eta mikrofonoa hartu zion Garik. Sei disko argitaratu zituen taldeak:'Hertzainak (1984), Hau dena aldatu nahi nuke (1985), Salda badago (1988), Amets prefabrikatuak (1990), Zuzenean (1991) eta Denboraren orratzak (1992). 1993an eskaini zuten azken kontzertua, Donostiako Anoeta kiroldegian.
Duela hiru urte, Josu Zabalak eta Garik Bilboko Kafe Antzokian lehenik eta Euskalduna jauregian gero bitan eskaini zuten agur kontzertua, eta orduan sortu zitzaien benetako azkena Gasteizen egiteko ideia, taldearen jatorrizko kide gehiago ere gonbidatuz.
Mende batean, Baionako Euskal Museoak izan duen bilakaeraz erakusketa berezia sortu dute. Argazki, tindu edo objektuak ikusgai dira. 1924an William Boissel Bordaleko militarrak bultzatu zuen museoaren sorrera, "euskal herri tradizionalaren" ondarea babesteko... [+]
Egia esan, pena ematen dit kritika honi izenburu hau ipintzea. Bizeten Carmen oso opera ederra da, sentimendu unibertsalak jorratzen dituena, hala nola pasioa, jeloskortasuna, maitatuaren posesioa, independentzia... Eta hori guztia musika-lan bikaina oinarri hartuta. Baina... [+]
ARGIAko erredakzioaren eskutik, sei irakurgai proposamen.
UPNk mozioa aurkeztu du Tafallako udalbatzan gobernu taldeari eskatzeko bertan behera utz dezala Raimundo el Canastero musika taldearekin zuen kontratua jaietan kontzertu bat egiteko. Lizarrako jaietan izandako polemikaren ondoren etorri da zentsura eskaera. PSN batu zaio... [+]
Albenizen Iberia Suite monumentalaren bertsio berri bat egitea meritu handiko lana da, merkatuan dauden grabazio bikainak kontuan hartuta. Hori dela eta, Luis Fernando Pérezek Musika Hamabostaldiko errezitaldian egindako lanak sekulako miresmena sortu zidan.
Orkestra handien eta obra handien kontzertuen ondoren, ezin diegu arreta jarri gabe utzi musika-patxada handiagoko, sosegu handiagoko baina edertasun berdineko proposamenei.
Luxenburgoko Orkestra Filarmonikoaren lehen kontzertuak erromantizismo berantiarraren kutsua izan bazuen ere, bigarren topaketan taldeak bi obra zirraragarri interpretatu zituen, istorioak kontatzen zizkigutenak. Obra exigenteak ziren, batez ere adierazkortasunaren aldetik, eta... [+]
Xabier Zabaltza Perez-Nievas historialaria, idazlea eta EHUko irakasleak 'Euskal Herria heterodoxiatik' izeneko liburua plazaratu berri du. Bertan dio Euskal Herria ezinbestean euskara eta euskal kulturaren bidez eraiki behar dela eta horretarako funtsezkoa dela euskara... [+]
Aspaldidanik Saran bizi den arren, goiza Bidasoaren ibarrean pasa behar zuenez gero, Hondarribiko parte zaharrean zitatu gaitu Ruper Ordorikak (Oñati, 1958). Goiz eguzkitsuan, puntual eta irribarretsu agertu da maldan gora, konsistorioaren parera, turista gazte kuadrilla... [+]
Musika Hamabostaldiak 85. edizioari hasiera eman dio, orkestra handi batekin eta inaugurazio baten mailako programarekin.
Zirrara eta pasioaren eroale da Arantxa Orbegozo Txitxi (Tolosa, 1962). Bizitza darama eskuetan eta hura eskaintzen dio zuzentzen zaion edonori. Atleta izan da, txirrindularia, eta bere buruari proposatu dizkion beste hainbat diziplinatan aritua. Hala eta guztiz ere, benetan... [+]
ARGIAko erredakzioak aurtengo zortzi hilabeteotan kaleratu diren diskoen artean hiru hautatu ditu, gomendatzeko.