A ereduko eskola D ereduko bihurtuko dute Gasteizko Judimendi auzoan, familia erdaldunen seme-alabei euskaraz ikasteko aukera emateko eta familia euskaradunak erakartzeko. "Estigmatizatuta dagoen eskola da eta buelta eman nahi diogu, auzo-eskolaren izaera berreskuratu nahi dugu, auzotarrek senti dezatela Judimendi haien eskola ere badela".
Haur eta Lehen hezkuntza eskaintzen dituen ikastetxe txikia da Judimendi, eta A eredukoa izanik, ikasle guztiak jatorri atzerritarreko familien seme-alabak edo etxean erdaraz bizi diren ijitoak dira, guraso euskaldunik ez baitago seme-alabak A ereduan matrikulatu nahi dituenik. Batzuetan, guraso erdaldunek uste dute euskarazko ereduan ez direla gai izango seme-alaba behar bezala laguntzeko (maiz damutu egiten dira ondoren, haurra euskaraz eskolatu ez izanagatik), eta beste asko, behin ikasturtea hasita iritsi direnak, zuzenean A ereduko ikastetxera bidali ditu Hezkuntza sailak, beste alternatibarik eman gabe.
Badira urte batzuk D eredura igarotzeko asmoa eztabaidatu dutela ikastetxean, Hezkuntza sailera ere deitu zuten, eta esan zieten klaustroak ezin zuela halako erabakirik hartu, informazioa ez zen garbia… eta iaz, aukera zabaldu zitzaien: orain arte 3 urtetik aurrerako haurrak hartu ditu eskolak eta 2 urteko gela irekitzea eskatu zioten Eusko Jaurlaritzari. 2 urteko gela irekitzeko, D eredua ezarri behar zuen ikastetxeak, “eta ametsa zena aukera erreal bihurtu zitzaigula ikusi genuen, justu nahi genuena eskaintzen zitzaigula; bozkatu eta erabaki genuen 2 urteko gelaren alde eta beraz D ereduaren alde egitea”, kontatu digu Olarizu Lopez de Briñas irakasleak. D eredua 2 urteko mailan hasiko da, eta pixkanaka, urte batzuen buruan, maila guztiak hartuko ditu euskarazko murgiltze ereduak.
Auzoan lanketa egiten ari dira eta familia euskaradun batzuek Judimendin matrikulatuko dituzte haurrak; “familia militanteak dira, auzoko eskolaren alde egingo dutenak, eta uneotan hori behar dugu, gero beste familia batzuk motibatzeko”. Gasteizko alde zaharrean, Ramón Bajo ikastetxe publikoak ere D eredurako aldaketa egin zuen duela urte batzuk eta garai hartan eskola horretako guraso zen Amelia Barquínen hitzak gogoan ditu Lopez de Briñasek: “Ez espero lehenengo urtean familia euskaradun pila batek izena ematea, astiro dator aldaketa, ‘halako baldin badoa’, ‘zein lan ona egiten duten eskola horretan’… eta ahoz aho pixkanaka zabalduz doa aldeko giroa”.
Ramon Bajoko esperiantziaren arabera, aurrez ikastetxean zegoen ikasle profilak ez zuen alde egin eta euskaradun familiak pixkanaka-pixkanaka batzen joan ziren proiektura. Gakoa? Harremanak eta harrera asko zaintzea
Ramón Bajoko esperientziatik zer jaso duten? “Batez ere transmititu digute posible dela –dio Olarizu Lopez de Briñasek–. Aurrez ikastetxean zegoen ikasle profilak ez zuen alde egin, euskara ez zekitenak ez ziren baztertuak sentitu, eta euskaradun familiak pixkanaka-pixkanaka batzen joan ziren proiektura. Gakoa? Harremanak eta harrera asko zaintzea, urrats bakoitza ondo azaltzea”.
Judimendi eskolak abantaila ugari dituela nabarmendu du irakasleak: ikastetxe txikia da (hainbat mailatan lerro bakarra du, ratio txikiak ditu eta harremana eta arreta pertsonalizatuagoa bermatzen du horrek), belaunaldi arteko pedagogia dute txertatuta, auzoaren erdigunean kokatuta daude, auzoko zerbitzuak hurbil dituzte, parke handi bat dute ikastetxe ondoan, eta jolastokia ere berriki eraldatu dute, natura eta hezkidetza oinarri hartuta.
Lanketa egiten ari dira auzoan
Judimendi euskara batzordearekin eta Batuta auzo elkartearekin lanean ari da eskola eta laguntzeko prest agertu dira hasieratik; “Judimendi auzo inplikatua eta borrokalaria da, eta auzotarrak buru-belarri ari dira, ikastetxeko klaustroa ere berdin”.
Trantsizio prozesua jakinarazteko, hainbat ekimen egiten ari dira. Asteazken arratsaldero, ikastetxeko motrizitate gela irekitzen dute, 0-2 urteko familien topagune izan dadin.
Astearte honetan, arratsaldeko 18:00etan mahai-ingurua antolatu dute eskolan bertan. Amelia Barquín eta Ana Garcíak Ramon Bajo eskolako esperientzia kontatuko dute; Idoia Molinuevo, Josu Ramos eta Marije Kortabitartek erantzungo diote “zer eskatzen dio auzoak eskolari?” galderari; eta Maite Berriozabal eta Emaldi Cereijok berriz, “zer eskaintzen du eskolak?” argituko dute. Zaintza zerbitzua bermatuko dute, topaketak iraun bitartean.
Ingurumena, bioaniztasuna, uraren gestioa eta haurren beharrak oinarri hartuta, ikastetxeetako patioak aldatzeko proiektu kolektiboa jarri dute martxan Pirinio Atlantikoetan; Euskal Herriko lau herrik hartuko dute parte. Iruñean ere, itzal eta landare gehiago izango... [+]
Barañaingo Alaitz institutuko 26 ikasle batxilergoko zerrendatik kanpo gelditu dira, Nafarroako Hezkuntza Sailak gela bat murriztu duelako. Murrizketa salatzeko mobilizazioa egin dute.
Euskararen Defentsarako Sareak Nafarroako Gobernuak D ereduari jartzen dizkion trabak salatu nahi ditu. Argi dute Nafarroako Gobernua “edozertarako prest” dagoela “euskararen kontra” jotzeko. Horregatik, elkarretaratzea deitu dute uztailaren 2an,... [+]
Irakaslea zara eta lanordutan nahiz lanorduz kanpo, berehala erantzun beharreko mezuz josten zaituzte ikasleek, haien gurasoek, ikastetxeko zuzendaritzak, lankideek? Deskonexio digitalaren beharraz gogoetatu dugu, Aitor Idigoras irakaslearekin: "Ateak ixten eta mugak... [+]
Aspaldiko aldarrikapena onartu du Frantziako Gobernuak: laborantza lizeo pribatuetan formakuntza elebidunak eskaini ahal izango dira, “esperimentazio pedagogiko” gisa, alegia frantsesez bakarrik ez, euskaraz ere irakatsi ahalko da. Donapaleun eta Hazparnen baliatuko... [+]
Irakurtzen al dute –eta irakurritakoa ongi ulertzen al dute– haur eta gazteek? Eta helduok? Eskolan zein tarte eskaintzen zaio irakurketari eta literaturari? Nola prestatzen da ikasleei eskaintzen zaien liburu zerrenda eta nolako liburutegiak dituzte ikastetxeek,... [+]
Haur eta gazteek duten pantaila kontsumoarekiko kezka nagusi den garaiotan, fokua helduongan jarri eta familia guztiarentzako gomendio baliagarriak bidali dituzte Zurriola ikastolatik, pantailek ez ditzaten udako oporrak baldintzatu.
Botoen %55 lortu du Pascal Jocouk Beskoitzeko hauteskundeen bigarren itzulian. Fabienne Etchegaray aurkariak bozen %44 atera du. Hemezortzi kontseilari izango ditu gehiengoak, eta bost oposizioak. Berriako Ekhi Erremundegik eginiko elkarrizketan, ikastolaren aldeko konpromisoa... [+]
“Nafarroako Gobernuak duela lau urte eginiko promesari huts egingo dio beste behin ere”, salatu du Lizarraldeako Lokiz eskolako guraso elkarteak. Orain 7 urte D ereduaren aldeko apustua egin zuen hezkuntza komunitateak, eta desagertzeko zorian zegoen eskola txiki... [+]
Irakasleek baxoko ahozkoa euskaraz egiten laguntzeko ekintza egingo dute. Soinean ahobizi eta belarriprest txapak eramango dituzte, ikasleei adierazteko “babes osoa” dutela euskaraz mintzatzeko azterketan.
Hainbat lagun elkartu da ekainaren 19ko goizean EHUko Gipuzkoako errektoreordetzaren egoitzan, Ibaetan EHUk CAFekin dituen harremanak eten ditzala eskatzeko. Gipuzkoako campuseko errektoreorde Agustin Erkizia Olaizolak adierazi die EHUk ez duela akordio berririk sinatuko... [+]