A bisfenola susmopeko konposatua elikagai-ontzietatik kanpo nahi du Europako Parlamentuak
Europako Legebiltzarrak eskatu du elikagaiak gordetzeko ontzi guztietan A bisfenol izeneko konposatua debeka dadila. Era berean, elikagaien ontziratzean erabiltzen diren substantzia kimikoak zorrotzago arautzea galdatu dute europarlamentariek.
A bisfenola –ontzi askoren osagai arrunta– kutsatzaile hormonal edo disruptore endokrinoen multzoko substantzia bat da. Gorputzean sartuz gero, kutsatzaileok gure hormonen portaera imitatzen dute, eta organismoa ez da gai benetakoez bereizteko. Luzera, kalte larriak eragin ditzakete osasunean; honezkero gaitz askorekin lotu dituzte azken hamarkadetan egindako ikerketek, batik bat minbizia eta ugalketa-sistemako disfuntzioak.
A bisfenola kutsatzaile hormonal ezagunenetakoa da, eta aspalditik dago mugatuta haren erabilera. Esaterako, 2011n biberoien osagai modura galarazi zuten Europar Batasunean. Frantzian, berriz, 2015etik guztiz debekatuta dago elikagaien ontziak egiteko erabiltzea.
Orain, Europa osoa Frantziako bidetik joatea eskatu du Parlamentuak. Iragan martxoan, Europako Batzordeak bisfenol kantitatea mugatzea proposatu zuen, baina erabat debekatu gabe. Zehazki, ontzi mota batzuetan kilogramoko 0,6 miligramotik 0,5era jaistea izan zen proposamena.
Ofizialki, Europar Batasunak kutsatzaile hormonal izatearen susmagarriak baino ez ditu aitortzen, oraindik onartzeke baitago substantzia bat multzo horretakoa den ala ez ebazteko prozedura ofiziala, aspaldi indarrean behar bazuen ere. Ustez, datozen hilabeteetan onartuko ditu Europako Batzordeak behin betiko irizpideak. Bestetik, Legebiltzarraren azken eskariaren ondorioz Batzordeak araudi berria idatzi beharko du elikagaien ontziratzean erabilitako substantzietarako.
Estrasburgon egindako saioan, Eurolegebiltzarrak ezetz esan dio kutsatzaile hormonalak definitzeko Europako Batzordeak –saiakera askoren ostean– aurkeztutako irizpide sortari. Batzordearen testuak zientzialari ugariren kritikak jaso ditu, hala nola Europa osoko... [+]
Nicolás Olea medikuntza katedradunak hamarkadak daramatza disrupzio endokrinoa aztertzen. Hau da, gure sistema hormonalean eragiten duten eta nonahi ditugun substantziez du ardura. Osasun publikoko arazo handi horri behar bezalako irtenbiderik ez ematea salatzen du, eta... [+]
Irailaren 25etik 28ra egingo da, Bilboko Mediku Zientzia Akademiak antolatuta, Medikuntza Astearen 44. edizioa. Aurtengo goiburua Osasuna eta kutsadura: Epidemia isila da. Lehenbiziko hizlaria Nicolás Olea Granadako Unibertsitateko medikuntza katedraduna eta disrupzio... [+]
Oso mantso, eta populazioaren zati batek baino ez bada ere, badirudi gehiago begiratzen dela zer eramaten den ahora. Elikagaiak non eta nola landu dituzten jakin nahi dugu, sabelean zein osagai sartu ditugun jakitun izan nahi dugu. Aldiz, larruazalaren bidez odoleraino zer... [+]
Hainbat urteko atzerapenez, eta Europako Batzordeak proposamenaren zirriborroa maiz aldatu eta gero, kutsatzaile hormonalak identifikatzeko irizpideak onartu dituzte EBko estatu kideek. Talde ekologistek eta zenbait zientzialari elkartek kritikatu dute araudiak ez dituela behar... [+]
Azken hamarkadan egindako ikerketek azaleratu dute ibaietan aurkitutako sendagai arrastoek animalia eta landareengan dituzten ondorio kaltegarrien arazoa. Ikertzaileak larrituta daude uretan nahastutako kutsatzaileen eta medikamentuen nahasketaren epe luzeko esposizioarekin.
Ekologistak Martxan elkarteak jakinarazi du Espainiako Estatuan herritarrek kontsumitzen dituzten fruitu eta barazkiek beren mamian daramatzatela gutxienez 33 disruptore endokrino, gizakiei gaixotasun larriak eragiten dituztenak. Hamar elikagai kutsatuenen taula ikusgarria ere... [+]
90eko hamarkadaren hasieratik dakigu inguratzen gaituzten konposatu kimiko sintetikoetako asko kutsatzaile hormonalak direla. Gure sistema endokrinoa engainatu eta gaitz ugari eragiten dute: ugalketari lotutako nahasmenak, minbiziak, diabetesa... Zientzialariek aspaldi alarma jo... [+]