954 egun bete dituzte greban Novaltiako langileek
Lezama-Zamudioko plantako langileek 2019ko uztailean ekin zioten grebari eta, bi urte eta erdiren ondoren, lan-itun berri bat lortzeko borrokan darraite. Negoziazioetako blokeoa eta haien greba eskubidearen urraketa salatu dituzte kooperatibako beharginek.
Botika produktuak banatzen dituen kooperatiba bat da Novaltia, eta lau planta ditu Espainiako Estatuan; inguruko farmaziak dira planta bakoitzaren jabeak. Bi biltegi ditu Novaltiak Hego Euskal Herrian, Gasteizen (Araba) eta Lezama-Zamudion (Bizkaia), eta bigarrenean piztu zen gatazka duela bi urte eta erdi.
Langileek prentsa oharrean azaldu bezala, hain justu, 2019ko uztailean hasi zen lan-gatazka. Duela zazpi urte haien ordainsariak %30 inguru jaitsi zirela azpimarratzen dute eta, gainera, ondorengo urteetan lan-baldintzek okerrera egin zutela. Hitzarmenaren aurreraeragina jarri zen martxan 2018ko otsailean —hitzarmenen ultraaktibitate bezala ere ezaguna, zeinak hitzarmen kolektibo bat adostu arte, aurrekoaren arauak mantentzen dituen—, baina hura igaro ahala, lan-itun berri baten eskaerak ezeztu zituen Novaltiak.
Hala, enpresak "hitzarmen propioa ordezkatu eta estatu mailakoa alde bakarrez aplikatu zuen, hitzarmenaren aurreraeraginaren epea amaitzean". Une horretan, 2019ko uztailean hain zuzen, kooperatibako langileek grebari ekitea erabaki zuten. Hainbat ziren eskaerak: "hitzarmen propioa, aparteko ordainsariak zein lekualdatzeengatiko plusa berreskuratzea, soldaten maila bikoitza zein kaleratzeak deuseztatzea, lanaldia txikitzea...".
Novaltiako zuzendaritzak, dena den, eskaerak ezetsi eta negoziazioak "birritan apurtu dituela" salatu dute langileek. Antza, nahiz eta gatazkatsuak ziren eskaerak moldatu dituzten eta gatazka eteteak kostu txikiagoa izan, uko egin die zuzendaritzak langileen batzordearen proposamenei.
Hori ez ezik, greba eskubidearen urraketak ugariak izan direla salatu dute langileek eta, ildo horretan, lan-arloko epaitegiak kondenatu izan du enpresa. Besteak beste, zuzendaritzak grebalarien lanpostuak bete ditu, oporretan zeuden langileen kontratuak zabaldu ditu edota merkantziak beste biltegietara bidali ditu, langileen greba ahuldu nahian. Lan-ikuskaritzaren jarduna ere seinalatu dute langileek, haien arabera, "Novaltiaren estrategia berriari lotsagabeki mesede egiten" diolako.
Mobilizatzen jarraituko dute langileek
Grebari eutsi eta mobilizatzera deitzen jarraituko dutela azaldu dute langileek. Lezama-Zamudioko biltegiaren zein farmazien aurrean batzen jarraituko dute, eta ostiralero egingo dituzte kontzentrazioak Bilboko (Bizkaia) Plaza Biribilean, 12:00etan.
Libertimenduzko Jardunaldiak antolatu ditu Gipuzkoako CNT sindikatu anarkistak bere egoitzan (Amara Berriko Olaeta plazan), martxora bitarte. Lehenengo jarduera abenduaren 14an izango da, eta Felix Likiniano anarkista historikoa izango dute hizpide.
Silizearen hautsak sorturiko gaitz eta biriketako minbizi kasuek ez dute etenik azken urteetan. Australian, Ingalaterran edo Espainiako Estatuan alarmak piztu dira, eta kristal-silizea duten kuartzozko sukalderako mahaiak egitea debekatzeko urratsak ematen hasi dira.
Eurostaten arabera, 2013tik 2021era bitartean, 13.530 kasu erregistratu zituzten Europar Batasunean. Teorian 2005ean debekatu zuten amiantoaren erabilera, baina mesoteliomaren sintomak ez dira agertzen hamarkada asko igaro arte. Amiantoagatik 700 pertsona baino gehiago hil dira... [+]
Suhiltzaile Gaindituak Haserre elkarteko kidea da Josu Artetxe Esperanza (Aiara, 1995) dozenaka suhiltzailerekin batera, ziurgabetasun egoera bizi du 2022ko oposizioetako araudian egin nahi duten aldaketa dela eta.
Anbulantzien zerbitzua enpresa batetik bestera aldatzeak ez duela egiturazko arazoa konponduko eta “orain arteko pribatizazioaren bidean atzera egin eta anbulantzia zerbitzuaren publifikazioari” ekiteko eskatu diote langileek Eusko Jaurlaritzari, LABek antolaturiko... [+]
Pasaiako Portuko Agintaritza eta Algeposa taldea lan arriskuen babesa ez bermatzeagatik kondenatuak izan direla adierazi du Amiantoaren Biktimen Euskal Elkarte ASVIAMEk. Osakidetzak laneko gaixotasunak ezkutatu izana salatu dute.
Altsasuko enpresak likidaziorik gabeko hartzekodunen lehiaketa iragarri zuen pasa den asteartean, 48,8 miloi euroko zorra baitu autobusen enpresak. Gaur egun 367 pertsonak egiten duten lan bertan.
Sindikatuen ustez, absentismoa ez da arazoa, “baizik eta lan osasunerako araudia errespetatzen ez duen patronala”. Patronalaren jarrera salatzeko baliatu dituzte azaroaren 7an, Bilbon, Confebaskek gai horren inguruan antolatu dituen jardunaldiak.
Indar armatuek zibersegurtasunari buruzko lehiaketa bat antolatu eta ekimena Nafarroako DBH ikastetxe guztietara heldu da; amaierako fasea Aranjuezeko Guardia Zibilaren akademian ospatuko dute. LAB sindikatuak gogora ekarri ditu duela hainbat urte irakasleen ideologiaren arabera... [+]
Altsasun autobusak egiten dituen enpresako administrazio kontseiluak hartzekodunen konkurtsoa aurkeztu du asteazkenean. Langileen ordezkariek eskatu dute "benetako plan industrial" bat martxan jartzeko eta manifestaziora deitu dute, igandean Altsasun.
Cebek patronalak blokeoa baztertzeko exijitu dute grebalariek, baita eros-ahalmena eta lan-baldintza duinak bermatzen dituen lan-hitzarmena ere, azkenekoa 2009-2011 . urtetakoa baita. Urriaren 30eko greba egunean Ertzaintzak langile bat “inolako justifikaziorik gabe”... [+]
Ikasturteko bigarren greba eguna izan zuten asteartean hezkuntza publikoko irakasleek. Urriaren 29an Nafarroako hezkuntza sektoreko sindikatu nagusiek, hala nola Steilas, ANPE, AFAPNA, LAB, CCOO, ELA eta UGT-k greba eguna egin zuten.
Astearteko manifestazioa bukatuta aldarrikapenak Parlamentu aurrera eraman dituzte. Zenbait bide moztu dituzte eta tentsio uneak izan dira Espainiako Poliziarekin.
Atenasera joan zen master tesia egitera. Ezin izan zuen doktoretza bertan egin: haren espezialitatea desagertu egin zen gobernuaren mozketekin. 2010eko krisiak Grezian harrapatu zuen, ordea, eta ikasi zuen kapitalismo globalak ongizate estatua erraz suntsi dezakeela.