90eko hamarkadako musikara itzuliko da Hondarribia Amua festibalaren urteko lehen ekitaldian
1990eko musika eta irudietara itzulera proposatu du Hondarribiko Amua festibalak asteburu honetarako: High Fidelity filma emango dute Itsas Etxean eta ondoren 90eko hamarkadako bideoklipen maratoia egingo dute.
Hondarribiko Amua festibalaren urteko lehen ekitaldia larunbat honetan izango da, Itsas Etxea auditorioan. Saio bikoitza prestatu dute antolatzaileek: 18:00etan Stephen Frearsek zuzendutako High Fidelity filma emango dute lehenbizi –jatorrizko bertsioan, azpidatziekin– eta ondoren, 20:00etan, 90eko hamarkadako bideoklipen maratoia ikusi ahalko dute bertaratzen direnek.
Nick Hornbyren izen bereko nobelan oinarrituta dago High Fidelity eta aktore ezagunak ditu protagonista: John Cusack, Jack Black, Lisa Bonet edo Joelle Carter, besteak beste. Filmaren trama edozein musikazale erakartzeko modukoa da: Rob Gordon disko denda bat daukan tipo arrunta da, eta musikari buruzko ezagutza entziklopedikoa eduki arren, giza-harremanetan aginako zero bat da. Orduak pasatzen ditu apenas irabazirik ematen ez dion negozio horretan sartuta, bera bezain musikazaleak diren Dick eta Barryrekin halako edo halako gairi buruzko kanten “top bost” zerrendak egiten. Protagonistaren bizitza sentimentalari dagokionez, desastre hutsa da, batere konturatu gabe kabroi bat bezala jokatzen duelako beraren bikotekidearekin, honek “aski da” esaten dion arte. Bikote-harremanak, heldu izaten hasteko erronka eta musika, musika pila bat dira 2000. urtean estreinatu zen film honen osagaiak.
Bideoklipak pantaila handian
High Fidelity-ko protagonistak Marvin Gayeren Let’s Get It On dantzatzen ikusi ondoren, 1990eko hamarkadako bideoklipen txanda izango da. Proposamenak interes bikoitza du: batetik, ez da erraza izaten bideoklipak pantaila handian ikustea, garai batean telebistan eta gaur egun tamaina ugaritako tresnetan ikusteko pentsatutako irudiak baitira; bestetik, 1990eko hamarkada espezialki aberatsa izan zen genero horrentzat, gerora zinema munduan ibilbide oparoa egin duten zuzendarien lehen urratsen lekuko izan baitzen.
Besteak beste, Spike Jonze, Michel Gondry eta Chris Cunningham zuzendarien lanak ikusi ahal izango dira Itsas Etxean.
Ikus-entzunezko emanaldi horien ondoren, 90eko hamarkadako hit-ak entzun ahal izango dira Uxoa tabernan Amua DJ set-aren eskutik; eta DJ Erimaya gazte hondarribiarrak gauerdiraino luzatuko du festa, disco, funk, soul eta house estiloen arteko nahastura inspiratua eskainiz.
Pelikulak eta bideoklipak ikusteko sarrerak doan eskuratu ahal izango dira Itsas Etxea auditorioan larunbatean bertan, 16:00etatik aurrera.
Egia esan, pena ematen dit kritika honi izenburu hau ipintzea. Bizeten Carmen oso opera ederra da, sentimendu unibertsalak jorratzen dituena, hala nola pasioa, jeloskortasuna, maitatuaren posesioa, independentzia... Eta hori guztia musika-lan bikaina oinarri hartuta. Baina... [+]
UPNk mozioa aurkeztu du Tafallako udalbatzan gobernu taldeari eskatzeko bertan behera utz dezala Raimundo el Canastero musika taldearekin zuen kontratua jaietan kontzertu bat egiteko. Lizarrako jaietan izandako polemikaren ondoren etorri da zentsura eskaera. PSN batu zaio... [+]
Albenizen Iberia Suite monumentalaren bertsio berri bat egitea meritu handiko lana da, merkatuan dauden grabazio bikainak kontuan hartuta. Hori dela eta, Luis Fernando Pérezek Musika Hamabostaldiko errezitaldian egindako lanak sekulako miresmena sortu zidan.
Orkestra handien eta obra handien kontzertuen ondoren, ezin diegu arreta jarri gabe utzi musika-patxada handiagoko, sosegu handiagoko baina edertasun berdineko proposamenei.
Luxenburgoko Orkestra Filarmonikoaren lehen kontzertuak erromantizismo berantiarraren kutsua izan bazuen ere, bigarren topaketan taldeak bi obra zirraragarri interpretatu zituen, istorioak kontatzen zizkigutenak. Obra exigenteak ziren, batez ere adierazkortasunaren aldetik, eta... [+]
Aspaldidanik Saran bizi den arren, goiza Bidasoaren ibarrean pasa behar zuenez gero, Hondarribiko parte zaharrean zitatu gaitu Ruper Ordorikak (Oñati, 1958). Goiz eguzkitsuan, puntual eta irribarretsu agertu da maldan gora, konsistorioaren parera, turista gazte kuadrilla... [+]
Musika Hamabostaldiak 85. edizioari hasiera eman dio, orkestra handi batekin eta inaugurazio baten mailako programarekin.
ARGIAko erredakzioak aurtengo zortzi hilabeteotan kaleratu diren diskoen artean hiru hautatu ditu, gomendatzeko.
Ruper Ordorikak jasoko du Abadia Saria aurten. Gipuzkoako Foru Aldundiak euskararen normalizazioaren aldeko lanetan nabarmendutako pertsona edo elkarteen jarduna saritzeko sortu zen Abadia saria. Irailaren 12an Hendaian egingo da ekitaldia, Abadia Jauregian hain zuzen, eta sari... [+]
Punka. Punka bueltan da, edo hobe esanda, ez da inoiz joan. Lekitxotik (eta ez Lekeitiotik) datoz Zikinekoak, Mendeku Diskak-ekin argitaratu berri duten Bala Galdua Zure Buru Galduan elegantearekin.
“Eixu Zeuk” filosofia. Hori da oinarria eta helburua... [+]
1959. urtea mugarri izan zen jazzaren bilakaeran: Miles Davisek A Kind Of Blue grabatu zuen martxoan eta apirilean; disko horretan parte hartu zuen John Coltranek Giant Steps plazaratu zuen maiatzean; eta, azkenik, Ornette Colemanek The Shape Of Jazz To Come argitaratu zuen,... [+]
OCU kontsumitzaileen Elkarteak hiru arrazoi zehaztu ditu, horien artean kanpoko janaria eta edaria Kobetamendiko esparruan sartzeko debekua, eta eskudirutan edo banku-txartelaren bitartez ordaintzeko ezintasuna. Facuak aurreko urtean egindako salaketan zehazturiko arazoak... [+]
Bere sorterri Ataunen hil da Maximo Aierbe Muxika, 74 urterekin. Euskaldunon Egunkariaren sortu aurreko eta ondoreneko urte malkartsuetako eginahaletan parte hartu zutenek gogoratuko dute proiektu berriaren akziodun bila hainbeste lan egindako gizon hura. Disziplina eta... [+]