81 pertsona exekutatu dituzte egun bakarrean Saudi Arabian
Hainbat deliturengatik kondenatutako presoak zeuden Saudi Arabian exekutatutako 81 pertsonen artean. Egun bakarrean –larunbatean– exekutatu dituzte guztiak, SPA albiste agentziak jakinarazi duenez.
"Gizon, emakume eta haur errugabeak hil dituzten pertsonak" exekutatu ditu Gobernuak, baita Al Qaeda eta Estatu Islamiarreko kideak ere. Dioenez, akusatuei aukera eman diete abokatua izateko, eta prozesu judizial osoan bermatu zaizkie legeak jasotzen dituen eskubide guztiak. "Erresumak jarrera irmoarekin egingo die aurre terrorismoari eta mundu osoaren egonkortasuna mehatxatzen duten muturreko ideologiei", azaldu du Gobernuak.
Azkenekoz, 2016an gertatu zen exekuzio masiboa Saudi Arabian. Orduko hartan 47 pertsona hil zituzten.
Ia erdia xiitak izango direnaren susmoa
Hainbat erakundek adierazi dutenez, larunbatean exekutatutako pertsonen erdia inguru xiitak dira, baina Saudi Arabiako gobernuak ez du haien identitateaz informazio askorik eman.
Ali Adubusik, Giza Eskubideen aldeko Erakunde Saudi-Europarreko zuzendariariak, ohartarazi du hildako pertsonetako batzuk torturak jasan zituztela, eta "sekretupean" epaitu dituztela.
Bestetik, hainbat hedabidek nabarmendu du exekuzioak gertatu direla mundua Errusia eta Ukrainari begira dagoenean, argindar edota erregaiaren prezioak arreta-gune nagusietakoa direnean, eta hain justu, Boris Johnson lehen ministro britainiarra adibidez Saudi Arabiara joatekoa dela petrolioaren ingurukoez hitz egitera.
Brasil, Errusia, India, Txina eta Hegoafrikak osatutako aliantzak Johannesburgon egin duten azken goi-bilerako eztabaidagai nagusia izan da partaide gehiago onartzea. Saudi Arabia, Arabiar Emirerri Batuak, Iran, Egipto, Argentina eta Etiopia gonbidatu dituzte.
Yemengo mugan 2022ko maiatzetik 2023ko ekainera bitarte emandako hainbat kasu ikertu ditu gobernuz kanpoko erakundeak. Migratzaile afrikarrak, gehienak etiopiarrak, jazartzen dituelako “gizateriaren aurkako krimenak” gauzatzen ari dela salatu du.
Urteak dira Peak Oil edo Petrolioaren gailurrari buruz hitz egiten ari direla adituak. Oraingoan baina, Arabia Saudiko Mohammed bin Salman printzeak hitzaldi publiko batean adierazi du espero baino lehenago iritsiko dela puntu hori, 2027an.
Hamabost postu berritu ditu Nazio Batuen Erakundeko Batzar Nagusiak. Saudi Arabiak ez du lortu NBEko Giza Eskubideen Kontseiluan sartzeko beharrezko babesa. Bolivia, Txina edo Pakistan sartu dira, besteak beste, kide berrien artean.
Juan Carlos I.a Espainiako errege emerituaren azken eskandalua, Saudi Arabiako AHTren eraikuntzagatik jasotako eskupekoa, monarka espainiarrek aspaldi hasitako zerrenda luze baten enegarrena da. Borboi Etxearen ustelkeria sistematikoa, huts egin duen estatu ahul baten sintoma... [+]
Auzitegi Gorenak hartu du Juan Carlos Borboikoa ikertzeko ardura, Mekara (Saudi Arabia) doan Abiadura Handiko Trenaren eraikuntza lanetan Espainiako estatuko enpresa multzo baten aldeko bitartekari egiteagatik 2011n komisioak kobratu zituen argitzeko. Juan Ignacio Campos Campos... [+]
Adin txikikoek egindako delituengatik heriotza zigorrik egongo ez dela adierazi du Saudi Arabiako Giza Eskubideen Komisioko presidente Awwad Alawwadek. Horren ordez, gehienez jota hamar urtez egon beharko dute adin txikikoen zentroetan.
PSOEk, PPk eta Voxek atzera bota dute Juan Carlos Borboikoa Espainiako errege emerituaren ustezko irregulartasunak eta Suitzan dituen kontuak ikertzeko batzorde bat sortzeko eskaera. Hirugarren aldia da martxoan hori egiten dutena. ERC, EAJ, EH Bildu, Junts per Catalunya, CUP,... [+]