8.000 lagunetik gora bildu dira erabakitze eskubidearen alde Oarsoaldean eginiko giza katean
Igandean, 8.000 lagunetik gora elkartu ziren, Lezo, Oiartzun eta Errenteriatik igarota, Pasai San Pedro eta Pasai Donibane lotu zituen giza katean. Demoarso talde eragileak antolaturiko ekitaldiak 8,5 kilometro hartu zituen martxoaren 19an Oarsoaldean egingo duten galdeketa animatzeko.
Eguerdiko hamabiak pasa abiatu zen ekitaldia. Hautetsontzi eta boto paper bana itsasoz iritsi ziren Pasai San Pedro eta Pasai Donibanera, aurten galdeketak egin dituzten Debagoiena eta Goierriko Gure Esku Dago plataformako kideen eskuetan. Ondoren 120 esku baino gehiagotatik igaro ziren Errenteriako zumardira iristeko.
Ekitaldi nagusia Errenterian kokaturiko karpa batean egin zen. Bertan azken lekukoa bi gaztek eta bi adinekok eman zuten. Gazte horiek lehen aldiz izango dute Euskal Herriaren etorkizunaz erabakitzeko eskubidea. Adinekoek, berriz, Euskal Estatutuaren inguruko erreferenduma ezagutu zuten. Lekukoa eman ostean laurek oholtza gainean hartu zuten hitza. “Guk gutariko bakoitzak, gure eskuekin, denon eskuekin erabaki behar dugu gure etorkizuna”, azaldu zuten karpan eginiko hitzaldian.
Igandean bertan, 83 urte bete ziren erreferendum hori ospatu zela, baita emakumeek sufragio eskubidea lortu zutela ere.
Martxoaren 19an gauzatuko dute galdeketa Oiartzunaldean, baina ez dira helburu hori duten bakarrak. Busturialdea eta Urola Kostako hainbat herrik 2017ko udaberrian galdeketak antolatuko dituztela aurreratu dute.
Ekitaldiaren amaieran Beira taldeak Demoarso plataformarentzat hainbat musikarirekin sorturiko abestia aurkeztu zuen:
.jpg)
Datozen bi urteetako erronken berri eman du erabakitze eskubidearen aldeko ekimenak larunbatean Bilboko Kafe Antzokian. “Herri libre bat nahi dugu, mugimendua sortu nahi dugu, herria martxan jarri eta elkarlana bultzatu nahi dugu”, adierazi dute.
"Nafarroa defendatu" manifestua kaleratu eta sinatu duten 120 alkateek egindako deialdiari erantzunez, Iruñeko Sarasate Pasealekuan elkarretaratzea izan da larunbat arratsaldean. Auzitegi Gorenak Trafikoaren eskumena Nafarroari transferitzea baliogabetzea... [+]
Gure Esku eta Nafarroa Berriz Altxa elkarteek ekimenak antolatu dituzte lasterketa Euskal Herritik igarotzen denerako. "Euskal Herriaren erabakitzeko eskubidea" aldarrikatu eta "muga artifizialak" auzitan jarri nahi dituzte, besteak beste.
Urkullu lehendakariak konbentzio konstituzionalaren proposamena egin du Espainiako Estatuan autogobernuaren eztabaidan sakontzeko eta estatu plurinazionalaren egiazko aitortza egin dadin.
Hiru emakume euskaraz zuzendu zitzaizkien ertzain batzuei, jatetxe batengatik galdezka. Polizietako batek erantzun zien euskaraz bazekiela baina ez zuela erabiliko, eta "popatik hartzera" bidali zituen. Ertzainari plaka eskatu zioten orduan, eta poliziak erdiko hatza... [+]
Lasterketaren lehen hiru etapak Euskal Herrian egingo dituztela baliatuz bi estatuetan banatutako herri bat dagoela erakutsi nahi dute alderdi politiko independentistek. Hendaian bildu dira bozeramaileak horren berri emateko.
Trebiñuko herritarrek bizi duten egoera "anakronikoa" salatu zuten igandean.
Frantziako itzuliak duen nazioarteko oihartzuna baliatuko du Gure Eskuk, 'Euskal Herria mundura' izeneko ekimenarekin. Tourreko lehen hiru etapak osoki Euskal Herritik pasako direla baliatuta, "inoiz egin den ikurrinik erraldoiena" zabalduko dute, eta 4.000... [+]
Legealdiz legealdi, estatus politikoaren inguruko eztabaida edo bidea jorratzeko urratsak atzeratzen ari direla azpimarratu du Josu Etxaburu eledunak Eusko Legebiltzarreko batzorde batean: "Konpromisoak eskatzen ditugu hitzetatik harago ekintzak nagusitu daitezen eta herri... [+]
