8.000 lagun Baionan, etxebizitza eskubidearen alde
Manifestazio honen jatorrian diren 32 eragileek larunbateko hitzordua "hasiera gisa" kokatu dute, espekulazioaren kontra eta etxebizitza eskubidearen alde lanean eta borrokan segitzeko gogoa plazaratuz. "Denei irekia" izanen den lan esparru bat abiatuko dute manifestazio biharamun honetan.
Duela zazpi hilabete plazaratu zuen manifestazio baten xedea EH Bai koalizioak, Euskal Hirigune Elkargoak Bizitegien Tokiko Programa eztabaidagai zuen egunean. Orduz geroztik eragile andana antolaketari lotu eta azaroaren 20 honetan bildu dituzte mobilizazio honen lehen fruituak. 8.000 lagun batu ziren larunbatean Baionan, “Vivre et se loger au pays [Herrian bizi eta aterpetu], espekulazioari ez!” lelopean.
Pozik agertu dira antolatzaileak, eta argi utzi dute hau "hasiera baizik ez dela" eta "denei irekia" izanen den lan esparru bat abiatuko dutela. "Lan kolektibo hori, batasuna eta lankidetza besterik ez daude merkatu libreari eta haren ondorioei aurre egiteko", entzun zitekeen bukaerako hitzartzean. Hautetsiei bideratu zaie deia: "Botere publikoek askoz ere parte hartze handiagoa izan behar dute merkatuan, bereziki epe luzeko lur erreserbak eratuz eta nekazaritzako lurra bermatuz. Etxebizitza bat izateko eskubideak, bi etxebizitza izatea baino lehentasun handiagoa duelako, bigarren etxebizitzen kontra borrokatzen segitu behar dugu. Etxebizitza horiek bertan bizi nahi dutenei lapurtuak zaizkie".
Orotara 32 eragilek eta 2.000 herritarrek deiturik zuten mobilizaziora, aterpetzeko eskubidea bermatuko lukeen “etxebizitza politika ausarta” galdetuz lekuko hautetsiei. Hautetsien interpelazioa helburu zuen ekimen horretan parte hartu zuten hainbat hautetsik, tartean Jean-Rene Etxegarai elkargoko presidenteak. Ikusteke dago orain instituzioaren barnetik zer nolako aterabideak planteatuko dituzten.
Mobilizazio honen harira, "Hautetsien interpelazioa eta protesten biderketa dakarzki arazoaren larriagotzeak" erreportajea atera du ARGIAk, Ipar Euskal Herrian dagoen etxebizitza arazoa xeheki aurkeztuz.
Hemen duzue manifestazioko irudiez osaturiko bideoa:
?? Irudiz berriz bizi ezazue gaurko mobilizazio jendetsua! [EUS] Biztanleen mobilizazio zabal baten hasiera da baita etxebizitza eskubidearen aldeko frente zabal baten abiapuntua! ? Milesker handi bat bihotzetik Sabina Hourcade bideo egileari. **** ?? Retour en images sur cette journée de mobilisation haute en couleur ! [FR] Le 20 novembre marque le début d'une mobilisation large des habitant.es du Pays Basque nord et d'un front collectif pour revendiquer le droit de vivre et se loger au Pays ! Vidéo par la talentueuse Sabina Hourcade ?
Posted by Vivre et se loger au Pays • Espekulazioari ez on Sunday, November 21, 2021
Berakah fundazioa “baliabiderik ez duten pertsonei laguntzeko” sortua bada ere, aurten familia bat baino gehiago kalean utzi du. Urriaren 31n izan da azken etxegabetzea, Gasteizko familia bat kaleratu dute parrokoak etxegabetze demanda firmatu ostean.
Tentsiopean dagoen eremuko 24 udalerritan mugatuko dituzte alokairuen prezioak, Angelun, Baionan, Donibane Lohizunen, Hendaian, Miarritzen, Uztaritzen eta Ziburun, besteak beste.
Plataformak gida bat aurkeztu du maizterrek iruzurrezko kontratuak dituzten ala ez egiaztatu dezaten.
Gobernuak aberriratu ondoren, ia urtebetez bizi behar izan dute aterpetxeetan eta ostatu pribatuetan, eta etengabe lekualdatu dituzte. Gaur egun erabiltzen duten aterpetxea urriaren 31n utzi beharko zutela esan zieten azkenekoz, nahiz eta badirudien beste luzapen bat ezarriko... [+]
Gazteei PFEZa murriztea edota zenbait kasutan deuseztatzea proposatu du Portugalgo Gobernuak, baina momentuz hizpidea baino ez du ipini, ez baitago argi aurrekontuak onartu ahalko dituen, gobernua osatzen duten alderdiek ez baitute-eta gehiengo parlamentariorik. Espainiako... [+]
Euskal Herriko Etxebizitza Sindikatu Sozialistak salatu du etxebizitzaren negozioak eragiten duela etxebizitzaren arazoa. Higiezin-eskasia baino, etxebizitza lortzeko problema dagoela baieztatu du. “Negozioa egiteko erabiltzen dira etxebizitzak, eta ez behar sozialei... [+]
Etxea uzteko agindua zuen gaurko emakume batek Artikaberrin eta momentuz bertan behera gelditzen dela jakinarazi du Iruñerriko Etxebizitza Sindikatu Sozialistak. "Emakumearen abokatuak atzo jaso zuen deia epaitegitik eta ebazpenaren berri eman zioten", azaldu du... [+]
Alfaro kontseilariak “aurreko hamarkadetako politika espekulatiboak” kritikatu ditu eta kolaborazio publiko-pribatuaren aldeko apustua egin du Foru Legebiltzarrean. Helburu gisa jarri du Europa erdialde eta iparraldeko datuetara heltzea. Etxebizitzaren esparruan lan... [+]
Egun alokairuak hipotekak baino 60 euro garestiagoak dira, eta gazte askok euren diru sarreren %40 baino gehiago bideratzen dute errenta ordaintzeko, Jaurlaritzaren azken txostenaren arabera. Honen aurrean, etxebizitza-premia duten gazteen gehiengoek Gobernuak babesturiko... [+]
Geroz eta zailagoa da Errenterian etxebizitza eskuratzea. Etxe gutxi daude, eta garesti, gainera. Horregatik abiatu zuen Udalak gune tentsionatu izateko prozesua, eskaera Eusko Jaurlaritzari luzatuta. Asteazkenean egingo dute ofizial izendapena. Horrek aukera emango du... [+]
Poliziak hiru pertsona etxegabetu ditu asteartean Alde Zaharrean, eta protesta egiten ari zirenen kontra jo du.
Espainiako Estatuan, soilik Bartzelonan da garestiagoa logela bat alokatzea. Kataluniako hiriburuan hilean 623,14 euro ordaindu behar dira jende gehiago bizi den etxebizitzako logela bat alokatzeko. Eta kopurua gora egiten ari da, Pisocompartido.com atariaren datuetatik abiatuta... [+]
Aurreko urtearekin alderatuta %80 igo da etxegabeei arreta emateko aurrekontua.
Zaurgarritasun ekonomikoaren baldintzak betetzen dituzten arren, Santander bankuak ordainketak epe batez etetea ukatu die bi familiei.
EH Bildu, PSN, Geroa Bai eta Zurekin taldeek lege egitasmoa adostu dute, Iruñeko Alde Zaharrean etxe turistikoei lizentzia gehiago ez emateko. Akordioak “izaera prebentiboa” duen “hirigintza-aldaketa” du ardatz, hiru helbururen bueltan oinarrituta:... [+]