“Zorra kitatzearen truke etxea eman nion bankuari 2017an eta eskatu nien bakarra izan zen alokairua ordainduz bertan bizitzen jarraitu ahal izatea”, kontatu zigun Ángel Miguel Medranok. Alokairu sozialean duen errenta 315 eurotik 600era igotzea ere eskaini du, baina ez diote proposamena onartu. Astearte honetan Irungo bere etxea uzten ez badu, bertatik kaleratzeko agindua emango du Promontoria Coliseum putre-funtsak.
Osorik ordainduta duen etxebizitza semearen negoziorako abal bezala jarri zuen Medranok Sabadell bankuarekin, eta semeak hipoteka-mailegua ordaindu ezin izan zuenean, gurasoen etxearekin geratu nahi izan zuen putre-funtsak, Sabadell bankuaren higiezinen agentzia erosi zuenak. Azkenean, hiru urteko alokairu sozialeko kontratua adostu zuten, eta nahiz eta kontratua 2021eko urtarrilean amaitu, urtebete luzatzea lortu zuten, mobilizazioei esker. Hala azaldu du Stop Kaleratzeak plataformak.
“Bankuko zuzendariak agindu zidan ez zela arazorik egongo”
Une kritiko hartan, Medranorekin hitz egin genuen, eta hala azaldu zigun: “Alokairu kontratuan jarri arren hiru urterako zela, bankuko zuzendariak berak agindu zidan kontratu estandarra zela eta lasai egoteko, alokairua berritzeko arazorik ez zela egongo. Orain esan digute ez dutela kontratua berritzeko asmorik. Bankuko zuzendariari konfiantza eman nion, asmo onez ari zelakoan. Hitzez agindutakoari balioa ematen diot nik eta etsita nago. Berrogei urte baino gehiago daramatzat etxe honetan eta eskatzen dudan bakarra da geratzen zaidan denbora, eta ez da asko izango, etxean igaro ahal izatea; hainbeste eskatzea al da? Ez dugu etekinik ez ordainik nahi, etxean segi baino ez. Inoiz ez nuen pentsatu egoera honetan ikusiko nuenik nire burua”.
“Kosta ahala kosta, kaleratzea eragotziko dugu”
Pasa den uztailean, putre-funtsaren burofax bat jaso zuen Ángel Miguelek, ohartaraziz kontratua amaitu zaiola eta etxea utzi ezean bere aurkako kaleratze demanda abiatuko dutela astearte honetan. Putre-funtsaren jabetzak kudeatzen dituen Solvia higiezinen agentziarekin hiru hilabetez negoziatu dute, alokairuaren errenta bikoiztu (315 eurotik 600 eurora) eta kontratua beste zazpi urtez berritzeko, baina errentatzaileak ez du onartu.
“Jakina, Ángel Miguelek bizitza osoko etxebizitza utziko ez duenez, etxegabetze demanda jasoko duela ohartarazten dugu, eta mobilizazio sozialarekin, kosta ahala kosta, eragotzi egingo dugula”, dio Stop Kaleratzeak plataformak.
Alokabidek gutxienez sei etxegabetze prozesu ireki dituela salatu du Gasteizko Etxebizitza Sindikatuak. Horietako bat uztailaren 18an izanen da.
Alokabideri, Gasteizeko Udalari eta Gizarte Zerbitzuei konponbide bat bilatzeko exijitu die Auzoan Bizi Etxebizitza Sareak. Eusko Jaurlaritzarena da etxebizitza.
Fuera Okupas desokupazio-enpresa gutxienez bi aldiz joan da haiek jazartzera. Gaur Bilboko Udaltzaingoa eta Ertzaintza bertaratu dira, eta eraikinetako batean sartu dira: pertsona bat kanporatu eta atxilotu dute.
SAREBek egin nahi zuen etxegabetzea geldiarazteko eta alokairu soziala lortzeko hilabetetan borrokan aritu ondoren, Haritu Elkarlaguntza Sareak iragarri du “mobilizazioari, presio sozialari eta antolakuntzari esker” familiar honentzat alokairu soziala lortu dela.
Auzoan Bizi Etxebizitza Sareak salatu du Berakah programa beste bi familia etxegabetzen saiatzen ari dela, iaz beste familia batekin egin zuen bezala. Dagoeneko salatutako hauetaz gain, Berakahko kasu gehiago ari dira heltzen etxebizitza sarera. Berakah programa Santa... [+]
Babes Ofizialeko Etxebizitzetan bizi dira familiak, eta La Caixak ez dizkie alokairu-kontratuak berritu nahi. Bilboko Etxebizitza Sindikatuak salatu duenez, bizilagunak kaleratuz, "alokairu sozialetatik aberasten da" banketxea. "Etxegabetzeak berehala eta... [+]
EAJren asmoa da legezko aldaketa azkar bati ekitea, 48 orduko epean etxegabetzeak egin ahal izateko etxebizitzak okupatzen diren kasuetan.
Bilatu dituzten beste etxeetako jabeek ez diete etxerik alokatu nahi izan familia ugaria, soldata bakarra eta atzerritar jatorrikoak izateagatik.
Pasaiako portuko langileen familiak bizi diren Trintxerpeko etxebizitza bloke bat bota nahi dute Pasaiako Portu Agintaritzak eta Euskal Trenbide Sareak, 400 metro inguruko trenbide zati bat egiteko. Lau hilabetetan etxea utzi behar dutela ohartarazi diete.
Ostiral goizerako zegoen ezarrita etxegabetzea eta horren kontrako protestara dei egin du Bilboko Etxebizitza Sindikatuak. Protestan ari direnen aurka oldartu da birritan Ertzaintza, eta dagoeneko pertsona bat atxilotu du, Gedar-ek jaso duenez. Etxegabetzea burutu dute.
Ostiral honetarako dago ezarrita etxegabetzea eta horren kontrako protesta egitera deitu du Bilboko Etxebizitza Sindikatuak. Etxegabetze guztien "berehalako eta baldintzarik gabeko etetea" aldarrikatuko dute eta mobilizaziorako deia goizeko 09:00tarako jarri dute... [+]
Etxegabetze estrajudizial bat emateko berehalako arriskuan aurkitzen da Lizarrako Etxebizitza Sindikatuarekin antolatuta dagoen familia bat. Euskal Herriko Etxebizitza Sindikatu Sozialistak salatu duenez, azken urteetan enpresa horien jarduna areagotzen ari da,... [+]
Armentia ikastolan egiten dituzte ikasketak hiru familien haur adingabeak. Gasteizko Alde Zaharrean bizi dira, Eliza katolikoaren Berakah elkarteak kudeatzen dituen etxebizitzetan, eta judizialki etxegabetzeko prozedura abiatu du elkarteak. Ostiralerako etxegabetzeen aurkako... [+]
Ertzaintzaren kargak salatu ditu Gasteizko Kontseilu Sozialistak. Hainbat zauritu eragin dituzte, eta gutxienez bi lagun identifikatu.