74.000 paneleko zentral fotovoltaiko berri bat eraikitzen hasi dira Nafarroan
GES-Global Energy Services enpresak eguzki bidezko energia sortzeko proiektua hasi du Erriberrin, Euskal Herriko handienetakoa. 50 MWp-ko potentzia izango du, eta 74.000 eguzki panel izango ditu guztira, instalazioak datorren urtea amaitu baino lehen martxan jartzea aurreikusten dute.
Zentralak 85.000 megawatt-ordu argindar sortuko ditu urtean, 24.000 etxe inguruk urte batean kontsumitzen dutenaren baliokidea, Bilbon egoitza duen GES enpresak emandako datuen arabera. Horrekin batera, "20.000 tona CO2 isurtzea saihestea" espero dute. Printzipioz, lanak 2025eko lehen seihilekoan amaitzea aurreikusi dute, eta urtearen amaierarako proiektua martxan jartzea.
50 megawatteko potentzia izango duen eguzki zentrala Erriberriko azpiestaziora lotuta egongo da, eta handik banatuko dute herri horretara eta foru erkidegoko gainerako herrietara instalazio fotovoltaikoan sortutako energia berriztagarria.
2023ko datuei erreparatuz gero, Nafarroan energia fotovoltaikoa laugarren teknologia da energia ahalmenari dagokionean, energia eolikoaren, ziklo konbinatuaren eta energia hidraulikoaren atzetik. Urte horren amaieran potentzia osoaren %5,1 sortu baitzen energia fotovoltaikoaren bidez. Iaz erkidegoan lortutako datuekin alderatuta, GES enpresak azaldu du "eguzki bidezko potentzia %25 inguru handituko" dela.
Esku-hartze falta
Tamaina horretako proiektuek aurkako kritikak ere piztu dituzte. Esaterako, Sustrai Erakuntza Fundazioak kritikatu du enpresa pribatuek mota honetako proiektuetan erabakiak hartzeko duten eskumena. “Enpresa pribatuek erabakitzen dute zer proiektu egin nahi duten, noiz eta zein baldintzatan”, nabarmendu du Nafarroako proiektu jasangaitzei erantzun juridiko-teknikoa emateko taldeak.
Horrez gain, instalazio eolikoak zein fotovoltaikoak ezartzeko lurzoruen arauketa falta leporatu dio Nafarroako Gobernuari. Eragileak adierazitakoaren arabera, gobernuak testu bat idazten du planifikatzen ari dela esanez, baina, errealitatean enpresek egiten dute hori, “beren onurarako”. Arazoei eraginkortasunez aurre egiteko exijitu dio Sustrai Erakuntzak gobernuari, eta auzian inplikatzeko eskatu die herritarrei.
EAEn, energia berriztagarriko instalazioak non jarri daitezkeen biltzen du Energia Berriztagarrien Lurralde Plan Sektorialak (LPS). Plana osatuta dago, eta laster onartuko dute. Alabaina, zenbait adituk hutsuneak dituela ohartarazi dute, tartean, Gorbeialdeko Herri... [+]
Badira bi aste beste behin makroproiektuei kaleetan oposizio argi bat erakutsi geniela. Milaka eta milaka pertsona atera ginen kalera dinamika suntsitzaile honek amaitu behar duela aldarrikatzera. Bada, dirudienez horrek ez du lurraren suntsiketaren aldeko politikarietan inolako... [+]
Energiaren Nazioarteko Agentziak (IEA) astelehenean argitaratutako txostenaren arabera, %2,2 igo da energia eskaria 2024an aurreko urtearekin alderatuta, besteak beste, egiturazko arrazoi hauengatik: beroari aurre egiteko argindar gehiago erabili beharra, industriaren kontsumoa... [+]
Arratzua-Ubarrundiako "Proiektu honi ez!" plataformak adierazpen hau kaleratu du, udalerri horretako EH Bilduko hiru zinegotziek dimisioa aurkeztu berritan. Izenburu hau darama testuak: "EH Bilduren moketako politika edo Iparra nola galdu".
Arratzua-Ubarrundia (Araba) herriko EH Bilduko hiru zinegotziek dimisioa eman dute Solariaren zentral fotovoltaikoagatik. Hau da hiru zinegotziek, Txetxu Zengotitabengoak, Laura Sanchok eta Javier Ruiz de Arkautek, herritarrei zuzendu dieten agur mezua.
Eusko Jaurlaritzak eta Arabako Foru Aldundiak Datu Zentroen instalazioei ateak irekitzen dizkiete horiek arautzeko legedia sortu aurretik. Bilbao-Arasur Dantu Zentroarekin, bere lehen fasea gauzatuta, eta instalatzea amesten duen Solariaren Datu Zentroarekin, 110.000 m2... [+]
Otero jauna, garai honetan artzain honek ez du tarte handirik izaten ezertarako, justuan ibiltzen naiz, baina gaurkoan ezin utzi erantzun gabe zure azken kolaborazioa. Izan ere, sortu didan egonezinak pisua du. Haserrea ere astuna egiten zait. Ez pentsatu, ordea, dela zenbait... [+]
Martxoak 15 goizean elurrak zuritu zuen Arano. Bertako herritarrek eta ingurutik eta ez hain ingurutik bildutakoek bete zuten plaza eta elkartasunaren beroan gozatu zuten eguna: Urumeako mendietan ezarri nahi duten Euskal Herriko zentral eoliko handienaren kontrako protesta izan... [+]
Susmoa dut komunitatea hustuketa prozesu betean dagoela, eta beldur naiz, beste askori gertatu eran, mamirik gabeko bilgarri ez ote den bilakatuko, jada bilakatu ez bada. Ikustea besterik ez dago, komunitatearen izaera holistikoa gero eta modu lausoagoan heltzen da, eta Che... [+]
Herriko EH Bilduko zinegotzi eta legebiltzarkide den Ander Goikoetxeak egindako galdera parlamentario bati Jaurlaritzak emandako erantzunaren bidez jaso informazioa hau. Bi haize sorgailu ezartzeko asmoa dago eta Cluster Hernani izeneko proiektu zabalago baten barruan kokatzen... [+]
Cefiro Holdco enpresak "Domiko" deitu dion eta bederatzi makroeoliko izango lituzkeen proiektua jarri nahi du Lesaka eta Goizuetako lurretan eta ebakuazio-linea Oiartzungo azpiestaziora bideratuko luke. Espainiako Gobernuak du proiektu hau tramitatzeko eskumena.
Bolo-bolo dabil energia berriztagarrien hedapenaren inguruko eztabaida. Sarri askotan, iritsi den proiektu zaparrada desordenatuak eragindako artegatasunak bultzatuta, albiste zein iritzi-artikulu mordoaz gain, hitzaldiak, eztabaidak, mahai inguruak, bideo emanaldiak eta abar... [+]
Komunitatea bildu, pilpilean dauden gaiez hitz egin, informazioa trukatu eta beste herrien esperientziak ezagutzea da herritar kritikoek egiten duten lehen ekintza, makroeoliko bat herrian jarriko diotela jakiten duenean. Halaxe egingo dute martxoaren 13an Andoainen: mendi... [+]
Laudion, Aiaran eta Okondon izango du eragina energia azpiegiturak eta plataformaren aburuz, proiektuak eta ingurumen-inpaktuaren azterketak gabezia garrantzitsuak dituzte.