72 urterekin jubilatu? Zergatik Espainiako enpresarien lobbyaren proposamenak ez duen heldulekurik
Espainiako Enpresarien Zirkuluak dio pentsioen sistema publikoak "bost urte barru" kiebra ez jotzeko modua dela 68 eta 72 urte artera luzatzea erretiro adina. AEBetan eta beste zenbait tokitan eskuin muturrak darabilen diskurtso bera erabili du lobby honek.
Espainiako Estatuan enpresarien lobby garrantzitsua den Enpresarien Zirkuluak dekalogo bat kaleratu du ekonomiaren arloan hartu beharreko neurrien hainbat proposamen egiteko, "arautzaile eta agintari berriei". Besteak beste, jubilazio adina 68 eta 72 urte artean atzeratu beharko litzatekeela dio.
Horrez gain beste neurri batzuk ere proposatu ditu: kaleratzeagatik indemnizazioa urteko 20 egunera jaistea, zergak jaistea –batez ere bankuei, energia enpresei eta fortuna handiei ezarritako zerga berezia–, eta beste hainbat kontu.
Manuel Pérez-Sala Zirkulu horretako lehendakariak aurkeztu ditu proposamen horiek, eta defendatu du beste toki batzuetan antzeko neurriekin dabiltzala. "Ez da komeni ikaratzea", adierazi du El Diario Vasco-ren esanetan.
Baina enpresarien lobbyak emandako argudioak beste hainbat tokitan eskuin muturrak emandako berak dira: pentsio sistemaren kiebra. Izan ere, erretiro adina atzeratu ezean "bost urte barru" sistema behera eroriko omen dela diote enpresari horiek.
Euskal Herrian ere pentsiodunen mugimenduak aspaldi ari dira esaten pentsioen sistema mantentzeko nahikoa litzatekeela pentsioak aurrekontuen bidez ordaintzea, osagungintza edo hezkuntza ordaintzen diren moduan
AEBetan diskurtso bera
AEBetako Floridan ere erretiro adina 67 urtetik 70era atzeratzea eskatzen ari dira eta, legegintzaldi erdiko hauteskundeetan adibidez, gai eztabaidatuenetako bat izan zen. Gizarte Segurantzaren "porrota" iragarri dute eskuin muturreko politikariek, horko dirua 2034rako "xahutuko" delakoan.
Baina ezkerreko kazetariek argudio horiek hankaz gora jarri dituzte, besteak beste esanez erretiro adina atzeratu edo pentsiodunei murrizketak egin beharrean, aberatsenei zergak igotzea ere izan daitekeela beste soluzio "polit" bat.
Euskal Herrian ere pentsiodunen mugimenduak aspaldi ari dira esaten pentsioen sistema mantentzeko nahikoa litzatekeela pentsioak aurrekontuen bidez ordaintzea, osagungintza edo hezkuntza ordaintzen diren moduan.
Enpresarien Zirkuluaren proposamenari berehala erantzun die Espainiako Estatuko CCOO sindikatuko idazkari nagusi Unai Sordok: "Baratzetan zuloak egiten edo andamio batera igota jarriko nituzke". Jubilazio adina sektore batzuetan igo ez baizik eta jaitsi egin beharko litzatekeela defendatu du Sordok.
CCOOk eta UGTk pentsioen erreforma adostu zuten Espainiako Gobernuarekin eta 2023ko martxoan onartu zen Espainiako Kongresuan. Sindikatuok diote Gizarte Segurantzari egindako ekarpenak blindatuta geratzen direla, gehinezko kotizazioak igo direlako, besteak beste: "Lehenengo aldiz, pentsioak diru-sarrerak handituta aseguratuko dira, eta ez, soil-soilik, gastuak murriztuta", azaldu zuen Pepe Álvarez UGTko idazkari nagusiak.
Nolanahi ere, euskal sindikatu nagusiak paktu horren kontra azaldu dira, ELA eta LAB esaterako, egiaz "beste murrizketa bat" suposatu duelako eta ez delako nahikoa izango gutxieneko pentsio duinak mantentzeko.
Urtarrilaren 1etik aurrera pentsioak %0,9 handituko ditu Frantziako Gobernuak, hasiera batean iragarri baino lehenago, 2025eko uztailera arte ez baitzuen asmorik pentsioak igotzeko, 4.000 milioi aurreztea helburu.
Espainiako Estatuan egindako ikerketa baten arabera, erretiro-adina atzeratzeak ondorio kaltegarriak dakartza, ez bakarrik lehenago hiltzeko arriskua duen langilearentzat berarentzat, baita diru-kutxa publikoarentzat ere: 8.564 eurotan baloraturiko galera soziala izango luke... [+]
Euskal Herriko Pentsiodunen Mugimenduak bertso lehiaketa berezia jarri du martxan: "Bertsopentsiotan". "Ari garela, ari garela, astelehenero kalean" gaiari bertsoak jartzeko urtarrilaren 15a arte (astelehena) dute epea 60 urtetik gorako Euskal Herriko eta... [+]
1080€ Orain ekimenak, prentsaurreko bidez, larunbatean 17:30ean Baluarte plazatik abiatuko den manifestazioan parte hartzeko deia luzatu du. Eta gainera, dei berezia egin nahi izan diete nafar emakumeei, "pentsioetan ematen den genero arrakala ukaezina delako eta... [+]
Nafarroan 51.000 pertsona dira 1.080 eurotik beherako pentsioa dutenak. Horietatik %66 emakumeak dira. Nafarroako Gobernuak ardura har dezala eta gutxieneko pentsioak ziurta ditzala eskatzen ari dira.
Milaka pentsionista atera dira kalera astelehenean, txistulariekin eta konpartsekin batera, Bilboko Aste Nagusiaren oihartzuna aprobetxatuz. Hainbat erreibindikazio egin dituzte, hala nola 1.080 euroko gutxieneko pentsioa.
Erretreten erreformaren kontrako manifestazioetako batean atxilotu zuten mauletarrak Baionako auzitegian deklaratu beharko du, datorren astean. Elkartasuna adierazi du hainbat herritarrek: “Errepresio gorakada azkartzen ari da”.
Erretreten erreformaren aurkako hamalaugarren greba eguna dute gaur Ipar Euskal Herrian. Frantziako Estatuko 250 bat hiritan egin dute manifestaziorako deia sindikatuek.
Zer pentsa ematen du apirilaren 28an egindako salaketek utzitako arrasto txikiak, eta haren segida bakarra izatea istripuen eta langileen heriotzen kate etengabea. Azkoitian, eraikuntzan beste behin ere, oso ohikoa eta beraz saihesgarria den istripuan hil da 62 urteko langilea... [+]
Astelehenean Bilbotik eta Bergaratik abiatu dira, eta asteartean Agurainetik. Ostegunean Gasteizen batuko dira hiru mobilizazioak.
Ekainaren 8an dute erretreta adina 62 urtetik 64ra pasa duen legea ezeztatzeko ondoko aukera. Hain zuzen, Liot talde independenteak legea ezeztatzeko aurkezturiko lege-proposamena bozkatuko dute egun horretan. Ekainaren 6rako finkatu dute hamalaugarren greba eguna sindikatuek.
Erretretarako adina 62 urtetik 64 urtera atzeratzen duen erreforma pasa arren, aurkako mobilizazioek segitzen dute. Ondoko bideetatik dabiltza testu horren kontrakoak: greba eta manifestazioak; Konstituzio Kontseiluaren ezeztapenaren esperantza mehea; gobernuaren parean postura... [+]
Teorian pobreak egoera horretatik ateratzea helburu duen Diru-Sarrerak Bermatzeko Errentan aldaketak adostu dituzte EAJ, PSE eta Elkarrekin Podemos-IUk, eta indarrean sartu da lege berria. Jende asko kanpoan uzten duela, pobrezia egoeratik ateratzeko ez duela balio eta txiroak... [+]
23.000 lagun batu dira Baionan sindikatuen arabera, eta orokorki, manifestazio guzietan batu da jendetza esanguratsua –Parisen 800.000 dira une honetan, CGTren arabera–. Tonua gogortuz doa manifestarien partetik eta blokeoak eta barrikadak biderkatuz doaz azken... [+]