700 bertso saio baino gehiago galdu dira 2020an
Iazko datuekin alderatuta, hamarretik sei saio ez dira egin, eta 735.000 euro ingurukoa da galera ekonomikoa. Bertso-eskola edota bertsozale talde bat dagoen herrietan eutsi zaie, bereziki, bertso saioei, eta Bertsozale Elkarteak herriz herriko bertso-eskolen eta antolatzaileen lana balioan jarri nahi du.
Urtearen amaiera aurreko hamabi hilabeteetako irakurketa egiteko baliatu ohi da. Aurtengoan, gainera, esanahi berezia hartzen du, pandemiak eragin handia izan baitu bertso saioen kopuruetan eta ezaugarrietan, besteak beste.
Xenpelar Dokumentazio Zentroko datuen arabera, 2019an, bertsolaritza ardatz zuten 1.121 ekitaldi egin ziren; aurtengoa amaitzerako iragarrita daudenak aintzat hartuta, aldiz, 2020an, 435 egingo direla aurreikusten da. Bestela esanda, bi urteak erkatuta, hamarretik sei saio ez dira egin. Horrek 735.000 euroko galera ekonomikoa ekarri du berekin.
Eragin handiena, libreko saioetan
Segurtasun arauen neurrira egokitutako saioak gauzatu ahal izan dituzte antolatzaileek, eta, ondorioz, bertso saio mota jakin batzuengan ondorioak handiagoak izan dira.
Lagunarteko eta libreko saioen kasua da hori. Saio hauek osatzen dute multzorik handiena urteroko bertso plazan: alegia, otorduetan edo mahai-inguruan egiten direnak eta gai jartzailerik gabe bertsolariek ikus-entzuleengandik hurbil kalean egiten dituzten librekoak. Aurten, %58 jaitsi dira otorduetakoak, eta %86 librekoak.
Jaialdiak, hau da, bertsolariak oholtzan eta haien aurrean ikus-entzuleak egoten direnak, izan dira egoerari ondoen eutsi diotenak, nahiz eta iaz baino gutxiago izan diren: 138 egin dira, %37 gutxiago. Kasu batzuetan, lagunartekoen eta librekoen ordezko ere izan dira, hauek egiteko baldintzak ez zegoelako.
2020ko abenduan egindako saioetan, 52tik 41 jaialdiak izan dira (iaz baino gehiago, iaz 23 egin baitziren). Lagunartekoak 0 (iaz 15), plaza libreak 2 (iaz 20) eta bat-bateko bereziak 9 (iaz16).
Berregituraketa urtea dugu aurten Bertsozale Elkartean: martxoan lehendakaritza taldea berritzearekin bat, koordinatzaile lanpostua sortzeko erabakia hartu zuten bazkideek Batzar Nagusian. Lanpostu horretara heldu berri da Oier Iurramendi Etxeberria (Donostia, 1990), baina ez da... [+]
Ainhoa Urien, Onintza Enbeita, Sustrai Colina eta Xabi Igoa izango dira taldean, Batzar Nagusian bazkideek bozkatu eta onetsi ondoren.
Bertsozale Elkarteak bertso plazen eta saioen inguruan txostena argitaratu du. Bertsolari emakume eta gizonen arteko desoreka eta belaunaldiartekotasuna aztertu ditu, besteak beste.
Anttonmari Aldekoa-Otalorak jantzi dio txapela bertsolari lapurtarrari. 180 lagun bildu dira ekainaren 3an Iurretako Kepa Arroitajauregi frontoian, saioa bertatik bertara jarraitzeko. Hamar bertsolari aritu dira guztira kantuan, lurraldeetako ordezkari. Eki Mateorena izan da... [+]
Maddi Soroaren "Bertsolariaren formazioan bertsoa sortzeko eta interpretatzeko konpetentzia arloak" gradu amaierako lanak eta Iñaki Viñasprek, Izar Mendigurenek, Oihane Pereak eta Ruben Sanchezek taldean aurkeztutako "Bertso-eskola Zaballako... [+]
Bertso munduan egindako ageriko zein isilpeko lan handia eskertu nahi dizkio Bertsozale Elkarteak.
Irailaren 24an Getxon abiatuko da Bertsolari Txapelketa Nagusia eta abenduaren 18an Iruñean jokatuko da finala, lehen aldiz. 41 bertsolarik zazpi lurraldeetako kanporaketetan kantatuko dute eta egungo txapeldun Maialen Lujanbio Nafarroa Arenan izango dute zain... [+]
Bertsozale Elkarteak erabaki du izena aldatzea 60 urteren ondoren. Halere, ariketa berbera izango da: bertsolari guztiei gai bera eman eta bakarka kantatzea, besteak entzun gabe.
Jaietan erabiltzen den Erasotzaileak kanpora! lema nahikoa al da erasoaren egilea norbere kolektiboko kidea edota laguna denean? Emagin Elkarteak protokolo propio bat proposatu du talde barneko eraso matxistak kudeatzeko, eraldaketa eta minaren erreparazioa ardatz dituena... [+]
Sei finalista ekainaren 11n arituko dira txapela lortu nahian.
Bertsozale Elkarteak Bertsolaritza ikastetxean programaren bidez lantzen du Euskal Herriko zazpi lurraldeetako ikastetxeetan bertsolaritza: 50 irakasle aritu dira ikasturte honetan, ikastetxeetarako berariaz prestatutako materialarekin gela barruetan bertsolaritza irakasten... [+]
Modu honetan, bertsolaritzak Nafarroan eragiten duen ondarea biltzeko eta ikertzaileen esku jartzeko Nafarroako Bertsozale Elkarteak urteetan egindako lanak erakundeen aitortza eta finantziazioa jasoko du lehendabizikoz.
Nafarroako Bertsolari Txapelketa udazkenean jokatzeak Bertsoaroa zikloa egutegian mugitzea ekarri du. Hiriari egiten zaion bertsolaritza eskaintza orekatu nahi izan dute horrela antolatzaileek, Nafarroako Bertsozale Elkarteak eta Iruñeko Udalak. Otsailaren 10etik 24ra... [+]
Aurtengo Binakako Bertsolari Txapelketa apirilaren 17an hasiko da Izarran eta maiatzaren 22an Legutioko kiroldegian bukatuko da.
Bertsozale Elkartea sorreratik kokatzen da ESE ekonomia sozial eraldatzailearen balioetan eta oinarrietan, eta horietatik egin ditu pauso estrategiko guztiak. Aritz Zerain Miner Bertsozale Elkarteko koordinatzaile ohiak ikuspegi honetatik aztertu du elkartea eta