69 pertsona hil ziren lanean iaz, 23 lan istripu ez-traumatikoetan
Lan istripu ez-traumatikoak izan daitezke, besteak beste, bihotzekoak jota hildako langileak, iktusak edota konortea galdutakoak. Iaztik igo egin da horien gisako heriotzen ehunekoa. LABek salatu du lan istripu guztien atzean lan baldintzak eta lanaren ezaugarriak daudela: "Erritmo azkarrak, presioak, lan zamak…". Heriotza traumatiko gehienak eraikuntza sektorean gertatu dira, ia denak altueratik erorita.
69 langile hil dira lanean 2022an, 2021ean baino bat gehiago. Gehienak lan istripuen ondorioz izan baziren ere, 23 heriotza ez-traumatikoak izan dira.
LAB sindikatuak hildako langileen zerrenda eta kasuistika argitaratu du, urtero bezala. Euskal Herrian hildakoak zein behin-behinean atzerrian lanean zihardutela hil direnak hartzen ditu aintzat. Nafarroan hil dira hogei langile, Gipuzkoan hemeretzi, Bizkaian hamabost, Araban bederatzi, Lapurdin bat, eta beste bat Nafarroa Beherean. Euskal Herritik kanpo behin-behinean lanean ari ziren lau langile hil dira, gainera.
Heriotzak sektoreka
69 heriotzetatik hamabost industria lanetan izan dira: horietako hamar istripuz, eta bost arrazoi ez-traumatikoengatik. Eraikuntza sektorean gertatu dira, bestalde, heriotza traumatiko gehien: hamahiru, eta horietatik 11 altueratik erorita.
Garraio lanetan hamar langile hil dira: bost trafiko istripuen ondorioz, eta beste bost arrazoi ez-traumatikoengatik.
Lehen sektoreko zortzi langile hil dira, halaber: horien erdiak, basolanetan istripua izan zutelako. Gainontzeko heriotzak, hirugarren sektorean gertatu dira.
Orotara, sei langile hil diralanerako joan-etorriko bidaietan.
LABen zerrendan hamabi kasutan adina zehaztu gabe badago ere, hildako gehienak 40 eta 60 urte bitartekoak ziren (37). Bostek 30 urte baino gutxiago zituzten, eta beste bostek 60 baino gehiago.
Betsaide enpresan gertatu da, 08:00ak aldera. Urtea hasi denetik gutxienez bederatzi behargin hil dira.
2024ko laneko ezbeharren txostena aurkeztu dute LAB • ESK • STEILAS • EHNE-etxalde eta HIRU sindikatuek aurtengo otsailean. Emaitza larriak bildu dituzte: geroz eta behargin gehiago hiltzen dira haien lanpostuetan.
Eguerdian gertatu da istripua, 25. kilometroan, Nafarroako Martzilla herriaren inguruan. 2025ean hil den zazpigarren lagilea da.
LAB, ESK, STEILAS, EHNE-etxalde eta HIRU sindikatuek osatzen duten lan osasuneko intersindikalak agerraldi publikoa egin du Bilbon, 2024ko ezbeharren txostenaren harira. Azken hamar urteetan 612 langile hil dira istripuz Euskal Herrian, 64 pasa den urtean.
52 urteko altsasuar bat hil da ostegunean Arbizun lan istripua izan ostean, Nafarroako Foruzaingoak jakinarazi duenez. Urtea hasi zenetik Euskal Herrian lan istripu batean hildako laugarren langilea da. Ezbeharra herriko erdigunean dagoen etxebizitza bat zaharberritzeko lanetan... [+]
Beharginak Excavaciones Mendiola enpresarako ari zen lanean, Construcciones Urrutia enpresaren azpikontrata. Langilearen lehenengo eguna zen sektorean lanean.
Boroa industrialdean hil zen 41 urteko I.P.C langilea, abenduaren 30ean biltegiko inbentarioa egiten ari zenean. ELA eta LAB sindikatuek, eta Jaurlaritzako Segurtasun Sailak eman dute istripuaren berri.
Garraio sektorean aritzen diren hamabi behargin hil dira aurten. LABek azaldu du garraio sektorean gertatzen diren heriotzak “erabat saihesteko modukoak” direla, eta horretarako borondate politikoa “besterik ez” dela behar, bai erakunde publikoen eta bai... [+]
Azken astean sindikatuak 5 heriotzaren berri izan du eta dagoeneko 26 dira Nafarroan lanean hil egin diren edo beste erkidegotan beharrean zendu diren nafarrak. Alarma gorria pizteko moduko datuak LAB sindikatuaren iritziz.
Astelehen honetan zendu da langilea Muskizeko enpresan, mantentze lanak egiten zituen bitartean. Zerbitzu medikuek berehala esku hartu bazuten ere, ez zuten lortu suspertzea. UGT sindikatuak lan istripu honen arrazoiak ikertzea exijitu du.
56 urteko garraiolari lesakarra hil zen lanean Irunen, kamioia kargatzen ari zela. Transportes Etxetrans enpresako langilea zen. Aurten 11 garraiolari hil dira lanean, horietariko asko, azken hau bezala, bihotzekoak jota LAB sindikatuak ohar batean jakinarazi duen bezala... [+]
Geltokiko kafetegi bateko kristalak garbitzen ari zela, hiru metroko altueratik erorita zendu da 55 urteko gizona. Aurten Euskal Herrian lan istrupuengatik hil den 54. langilea izan da.
Langilea eskualdekoa zen eta Zamalloa enpresa azpi-kontratatuarentzat egiten zuen lan.
Ezbeharretatik egun gutxitara zendu dira langile biak. LAB, ESK, STEILAS, EHNE-etxalde eta HIRU sindikatuek osatutako intersindikalak kontzentrazioa egingo du urriaren 31an Bilbon Confebask patronalaren egoitzaren aurrean heriotza biak salatzearren. Aurten 50 dira jada... [+]