65 milioi errefuxiatu: errekor tristea Siriako gerraren ondorioz
65,3 milioi errefuxiatu zeuden 2015ean munduan ACNUR Nazio Batuen Erakundearen errefuxiatuen agentziak argitaratu berri duen txostenaren arabera. Lehenengoz 60 milioiren langa gainditu da.
Geroz eta gehiago dira gerra eta jazarpenetatik ihesi euren etxea edota herrialdea utzi behar duten pertsonak. ACNURrek ohartarazi du errefuxiatuen zifrak gorantz egin duela “modu esanguratsuan eta sistematikoki”, azkeneko lau urteetan. 2014an 59,5 milioi errefuxiatu zeuden; bost milioi gehiago ziren pasa den urtean.
Gorakada honen arrazoi nagusia Siriako gerra da. Errefuxiatuen jatorriko lehenengo herrialde bihurtu da, bost milioi errefuxiaturekin. 2010ean 20.000 pertsona baino gutxiago ziren herrialdetik irten zirenak. Orain arte Afganistan izan da errefuxiatuen jatorriko lehen herrialdea, 2,7 milioirekin. Somaliatik joan behar izan duen jende kopurua ere handia da, 1,12 milioi iheslari.
ACNURrek salatu du errefuxiatuei babesa ematen dieten herrialdeak garapen bidean daudenak direla. Saharaz hegoaldeko Afrika da hain justu errefuxiatu gehien jasotzen dituen inguru geografikoa: 44 milioi pertsona. Somaliako, Sudango eta Afrika Erdiko Errepublikako iheslariak dira. Europak 4,39 milioi pertsonari eskaini die babesa eta %58 Turkiak hartu ditu. Gehienak siriarrak dira, 2,54 milioi hain justu.
Errefuxiatuen Nazioarteko Eguna
Espainiako Estatuko eta Euskal Herriko hiri eta herri askotan izango dira mobilizazioak ekainaren 20an, Errefuxiatuen Nazioarteko Egunean. Bilbon, esaterako, arratsaldean egingo da manifestazioa, Ongi Etorri Errefuxiatuak plataformak deiturik. Donostian ekainaren 19an antolatu zuen elkarretaratzea Gipuzkoako Harreraren Aldeko plataformak. Hiru bizikleta martxa egin ziren gainera, Zarauztik, Irundik eta Hernanitik abiatuta Donostiako Bulebarreraino, errefuxiatuekin elkartasuna adierazteko.
Hainbat aldarrikapen daude mobilizazioetan. Alde batetik, Europar Batasunaren babes eta asilo neurriak salatu nahi dira, giza eskubideak urratzen dituztelako. EBk Turkiarekin martxoan sinatutako hitzarmena gaitzetsi nahi da, “ilegala eta lotsagarria” dela argudiatuta. Aldebakarreko erabakiak hartzeak Europako herrialdeek jasotzen dituzten asilo eskaerak oztopatzea dakarrela salatzen dute. Gainera, hitzarmen honen ondorioz Europara ailegatzeko migrazio bide berriak abian jarri dira, arriskutsuagoak, eta jada 25.000 pertsona hil dira Mediterraneo itsasoa zeharkatzeko ahaleginetan.
Gauzak horrela, elkarretaratzera deitu duten erakunde, sindikatu eta alderdi politikoek EBk asilo neurri hauek baztertzea eta giza eskubideak errespetatuko dituztenak martxan jartzea eskatzen dute, babes egoera bermatzeko eta iheslari den orok harrera duina izateko.
Kazetaria eta giza eskubideen defendatzaile sutsua. Munduko Medikuak, Apoyo Mutuo edota SHM gobernuz kanpoko erakundeekin lan egin izan du boluntario eta kazetari moduan. Hainbat komunikabidetan hamaika erreportaje plazaratu ditu Greziako Chios irlatik, hala nola Mediterraneoko... [+]
Igandean egin du erreskatea Aita Mari salbamendu ontziak. Azaldu dute Siriatik etorritakoak direla gehienak, baina badaudela haien artean Egiptotik, Nigeriatik eta Bangladeshtik etorritakoak ere. Aita Mari ontziari Ravennako portuan lehorreratzea agindu dio Italiako... [+]
Calabriako (Italia) kostaldetik 120 miliatara hondoratu da astelehenean ontzi bat eta erreskate lanetan, haurdun zegoen emakume bat hil da. Libiatik gertu beste ontzi batean, ura sartu eta hamar pertsona hil dira sotoan. Desagertuen artean gutxienez 26 ume daude.
Ekainaren 16an Britainia Handiko BBC telebista kateak publiko egin duenez, Greziatik Europara joan nahi zuten pertsonak modu basatian hil izan dituztela frogatzen duten lekukotasunak bildu dituzte. Greziako uretatik irten eta brankatik behera itsasora bota dituzten bederatzi... [+]
Europar Batasunean berriki onartu den Migrazio Itunak, asko zaildu dizkie gauzak euren herrialdetik ihesi doazen eta asiloa eskatzen duten pertsonei. Eskuin muturraren tesiak ogi tartean irentsita, migratzaileentzako kontrol neurri zorrotzagoak onartu dituzte Estrasburgon,... [+]
Europar Batasunean migrazio politika gogorragoa ezartzeko ituna onartu du euroganberak, zortzi urtetako negoziazioen ondoren. Hala, eskuin-muturraren ideiei men egin eta arau baztertzaileak erabili ahal izango dituzte hemendik aurrera herrialdeek, kontrola areagotzeko eta... [+]
Migratzaileen kopurua anitz emendatu da Irun eta Hendaia arteko pasabidean. Irungo Harrera Sareak ohartarazi duenez, otsailean 600 pertsona lagundu dituzte, iaz, urte osoan 2.700 izan zirelarik. Iragan urtarrilean, 2.700 etorkin heldu dira Kanariar Uharteetara, egunero 80... [+]
Caminando Fronteras gobernuz kanpoko erakundeak “Monitoreo Derecho a la Vida” txostenaren edizio berrian egindako balantzea da: 6.618 hildako izan dira mendebaldeko Muga Euroafrikarrean; horien artean, 384 haur.
Europako Justizia Auzitegiak (EBJA) erabakia hartu du mugako barne-kontrolak berrezartzeko Frantziako Gobernuaren politikari buruz. Bidasoaren mugan ohikoak diren zenbait praktika. hala nola muga igarotzeko debekuak eta berehalako itzulketak, ez direla legearen araberakoak... [+]
2021eko abuztuaren 15ean, talibanek Kabul mendean hartu zutenean, milaka afganiar ihes egiten saiatu ziren. Soilik hilabete hartan, 35.000 pertsona baino gehiagok zeharkatu zuten Pakistango muga, eta 2022. urtea hasi orduko 145.000 ziren beste aldean. Aldiz, gertakari horien... [+]
Ongi Etorri Errefuxiatuak plataformak urteroko Marea Horia izeneko mobilizazioa egin du zapatuan, Plentzia eta Gorlizko hondartzetan. Horietan bildutako lagunek salatu dute mundu osoko milioika pertsonak, euren jatorrizko herrialdeak utzi eta Europara iritsi nahian,... [+]
Zalaparta sortu du Libia eta Tunisiako mugako basamortuan hilik ikus zitezkeen ama alaba batzuen argazkiak. Migratzaileak zenbaki gisa tratatu arren, Fati eta Marie izena zuten pertsonak ziren.