6.000 lagunetik gora elkartu dira Lurraman “lur elikatzailea” defendatzeko
Urriaren 24an 6.000 pertsona baino gehiago elkartu dira Arbonan, "lur elikatzailea defendatzeko". Izan ere, urtero elikagaietarako 650 hektarea lur desagertzen direla nabarmendu dute antolatzaileek. 120 egunez lurrak ez saltzeko egindako borrokari Lurrama festara etorritako herritarren babesarekin eman diote amaiera.
Lurramako antolakuntza taldeak plazaratu duen balorazioan azaldu duenez, "goizeko 10etatik goiti jende anitz hurbildu da Berroeta bidera. Leku horretan 120 egunez laborantza munduak lurraren inguruan dituen kezkak adiezi dira, elikatzeko baliatu behar genukeen lurra etengabean laborantzatik eskapatzen dira".
Iñaki Berhocoirigoin lehendakariak oroitarazi duenez, urtero elikagaietarako 650 hektarea lur desagertzen dira (SAFERen xifreen arabera) jendea elikatzeko sekulan baliatzen ahalko direnak. Horietan 250 hektarea artifizializatuak dira, besteak edo sasitzen edo aisialdirako baliatuak.
Lurramak eta EHLGko arduradunek, lurraren problematikan "aterabide iraunkor bat plantan ezartzeko presa" oroitarazi diete hautetsieri. "Lurra behin saldua, betiko galdua" erran zaharrak oihartzun handia izan zuen egunean zehar.
Egitarau oparoa gozatu dute bertaratutako familiek: baratzea, kabala eta jokoak izan dira goizean eta arratsalde guzian kontzertuak, festibal giroan. Antolakuntzak partaide guztiak eskertu ditu komunikabideetara igorritako oharrean, "izan pribatuak publikoak bezala, eta partikulazki, hain fite mobilizatu diren 500 laguntzaileak".
Posted by Lurzaindia on Sunday, October 24, 2021
Emazteek laborantzan leku garrantzitsua izanik ere, ainitzetan gizonen itzalean izan dira. Hori aldatu nahian, emazteak erdigunean ezarriko dituzte aurten Lurraman.
Azaroaren 10, 11 eta 12an, Biarritzeko Irati gelan iraganen den Lurramaren 2023ko edizioaren kari, emazte laborariak argitan ezartzea erabaki du Lurrama elkarteak, «Emazte laborariak argitan» tematikarekin.
"Emazte Laborariak Argitan" izanen da aurtengo Lurramaren leloa. 27 emazte laborari agertzen dira afixan. Haien rolak, engaiamenduak, eskumenak eta berezitasunak azpimarratuko dituzte heldu den azaroaren 10, 11 eta 12an, Miarritzeko Irati gelan.
Lurrama, laborantzaren saloina Miarritzeko Irati gelara itzuliko da aurten baina kasu, ostegunetik larunbatera iraganen da 17. edizioa. "Mendiguneak bizirik!" hautatu dute lema gisa eta Pirinio inguruko laborariak gomitatuak dira.
Miarritzeko Irati aretoan iraganen da laborantza herrikoiaren besta. Besta eta hausnarketa uztartuko dituzte hiru egunez, laborantza industrialaren parean garaturiko eredu herrikoia ezagutarazteko xedez.
Lurzaindiak eta ELBk jakinarazi dute Arbonaren okupazioa urriaren 24ean amaituko dela, eroslea erretiratzea lortu baitute. Urriaren 24ak, okupazioaren 120garren eta azken eguna markatuko du eta bertan egingo da 2021eko Lurrama berezia.
Erosleak azkenean ez ditu Arbonako etxe eta lursaila erosiko. ELB eta Lurzaindiako kideen eta hauei juntaturiko herritarren aitzinean amore eman behar izan du. Okupazioak oraindik segitzen du, saltzaileak 3 milioi euroren gose segitzen duelako eta negoziaketa fasean okupaziotik... [+]
Ekimen gehienak bezala, Lurrama ere ezeztatu behar izan dute aurten. Baina zer nolako ondorioak utziko ditu horrek Lurrama elkartean eta Euskal Herriko Laborantza Ganberan?
Azaroaren 13tik 15era egitekoa zen 2020ko Lurrama bertan behera uztea erabaki du Euskal Herriko Laborantza Ganbarak: "Apiriletik formula desberdinak landu ditugu, suprefeturaren gomendioen arabera egokituz, bainan ezin dugu bururaino joan. Hamaboskarren edizioa berezia... [+]
"Biharko mundua, gaurko hautua" lemapean egingo dute Lurrama aurten, azaroaren 12tik 15era, Miarritzetik atera eta Ipar Euskal Herriko xoko ezberdinetan ekimen ezberdinak eskainiz.
Abiatu da Lurrama Miarritzen, igande gauera arte iraunen duen laborantza herrikoiaren festa. Klima aldaketaren gaiari begira jarri dira, soluzio indibidual zein kolektiboetan arreta jarriz.
Hamar mila jende hurbildu da asteburuan zehar Miarritzen burutu den Lurrama feriatik, antolatzaileek astelehenean azaldu dutenez. Azokako parte hartzaile eta bisitarien zerbitzuak bermatzen 900 boluntario aritu omen dira.