6.000 emakume ari dira prostituzioan Hego Euskal Herrian, gehienak hegoamerikarrak
Araba, Bizkaia eta Gipuzkoan 5.158 emakume eta Nafarroan 817 ari dira prostituzioan, orotara 5.975, Espainiako Gobernuaren Genero Indarkeriaren Aurkako Ordezkaritzak emandako datuen arabera. Espainiako Estatuan, 18 urtetik gorako emakumeen %0,56 ari da prostituzioarekin lotutako jardueraren batean, 10.000 emakumetatik 56. Hegoamerikarrak dira gehienak, eta 18-36 adin tartekoak.
Espainiako Berdintasun ministro Ana Redondok aurkeztu ditu Emakumeen salerosketari, sexu-esplotazioari eta prostituzioari buruzko makroikerketa: hurbilketa kuantitatiboa ikerketako ondorio nagusiak. Besteak beste, Interneten publikatutako 654.000 prostituzio iragarki aztertu dituzte, eta "datuen eta arazoaren dimentsioaren" inguruko lanketa egin, ikerketak "eztabaida soziala eta politikoa zabalduko" duen esperoan, Redondok adierazi duenez. Urrian plazaratuko dute txosten osoa.
Aurreratutako datuen arabera, Espainiako Estatuan gutxienez 114.576 emakume ari dira prostituzioan. Erdia baino gehiago (%51) hegoamerikarrak dira, %16 europarrak eta %29ren jatorria ezezaguna da. Kolonbiarrak (%28,3) eta espainiarrak (%13,5) dira gehienak. Adinari dagokionez, bestalde, %28ak 18 eta 24 urte artean dituzte, %32ak 25 eta 36 artean, %7ak 37 eta 45 artean, %1,6ak 46 eta 55 artean, eta %0,26ak 56 urte baino gehiago.
"Datuen atzean egoera oso zaurgarrian dauden emakumeak daude, giza eta oinarrizko eskubideak urratu zaizkienak; lanean jarraitzera beharturik gaude, indarkeria egoerak errotik desagerrarazteko", azaldu du Redondok. Bere hitzetan, ikerketa lagungarria izango da "esklabotza mota honen" kontrako politika publikoak diseinatzeko. "Aipatzen ez dena ez da existitzen. Beharrezkoa da, hortaz, sexu-esplotazioa jasan edo prostituzioan ari diren emakume eta neskatilen inguruko datuak azaleratzea, arazoaren tamainaz jabetu eta arazoari politika publiko egokien bidez aurre egiteko".
Ertzaintzak bi emakume atxilotu ditu Gasteizen, eta hirugarren bat ikerketapean dago, prostituzio-delituak egotzita. Haien klubean aritzen ziren emakumeek esplotazio-baldintzetan lan egiten zuten, Ertzaintzaren arabera.
Ogibidea eta izatea bereizi ezin bizi da Carolina Clemente (Bartzelona, 1985). Sexu langilea da, eta duela hiru urte Donostiara etorri zen lanera eta bizitzera: «Euskaldunok duzuen indarra gustatzen zait, antolatzeko eta protestarako. Nire estigma borrokatzeko inspirazio... [+]
Haien ia biktima guztiak egoera irregularrean dauden atzerritarrak dira, bizirauteko euren borondatearen kontra prostituitu behar izan direnak.
Irailaren 14tik aurrera, bost gizon eta bi emakume epaituko dituzte, talde espainiar-venezuelar bateko ustezko kideak, ustez egunean 24 orduz, astean zazpi egunetan, Donostiako pisuetan “edozein motatako sexu zerbitzuak” ematera behartzen zituzten Venezuelako zazpi... [+]
Puta zikinak liburua sexu langileen baldintza materialez, burutazioez, antolakuntzaz eta problemez mintzo da. Nerea Fillatek eta Hedoi Etxartek, Katakrak argitaletxeko editoreek, Iruñean aurkeztu dute liburua.
Katakrak argitaletxearen Puta zikinak liburuaren kontra oldartu da CAPP Collectif Abolition Porno Prostitution kolektibo feminista Baionan, Elkar liburudendan. Juno Mac eta Molly Smith idatzi liburuaren azalak urratu eta "Prostituzioa: bezeroak, bortxatzaile... [+]
Prostituzioan aritzen diren emakumeen kezka, behar eta arazoen inguruko azterlana egin dute Irunen, udalak eskatuta. Dagozkien eskubideak eskuratzeko zailtasunak dituztela agerian geratu da, eta eskubiderik ezak diskriminazio ugariren biktima izatera zigortzen dituela... [+]
Sexu-lanaren gaineko eztabaida pil-pilean dago berriro ere mugimendu feministaren barruan. Batzuek iritzi argiak dauzkate, beste batzuek ez dakite oso ondo nola kokatu. Lynzi Armstrong ikertzailea Donostian izan zen azaroan bere azken liburua aurkezten, eta haren azalpenak... [+]
Euskadiko prostituzioari buruz Emakundek argitaratu duen azken txostenak emakumeengan jarri du arreta berriro, eta negozioa mugitzen duten enpresaburuen papera gutxietsi du. La trata de mujeres y niñas con fines de explotación sexual en Euskadi: necesidades y... [+]
Etxeko langileak gainontzeko langileekin parekatzen dituen legea egiteko asmo dagoela txalotu zuten Madrilen, Espainiako Parlamentuan. Han zeuden langileek esan zutenez, urteetako borroka aldarrikatzeko jo zituzten txaloak. Erabakia oraingoz konpromiso bat da, lege bihurtzeko... [+]
300 euroren truke proxeneta bati saldua izan zen Amelia Tiganus (Galati, Errumania, 1984), 18 urte zituela. Bost urtez prostituzioan aritu zen klubez klub eta Gipuzkoako putetxe bat izan zen ibilbide hartako azkena. Tolosaldean bizi da geroztik. Egun, prostituzioaren... [+]
1977ko azaroaren 9an, María Isabel Velasco Gutierrezen gorpua aurkitu zuten Basauriko presondegiko ziega batean, kiskalita. 23 urte zituen. Istripua, arduragabekeria edo hilketa izan ote zen argitzeko dago oraindik. Velascoren kideek
–Bilboko Gorte kaleko... [+]
Proxeneta eta prostituzio kontsumitzaileei isun handiagoak jartzea du helburu legeak.
Askabide elkarteak prostituzioan aritzen diren eta gizarte bazterketa egoeran dauden emakumeak artatzen ditu. Haien egoera ikusgarri egitea, haiek gizarteratzea eta ahalduntzea da diru asmorik gabeko elkartearen asmoa.