55.000 lagunek babesa eskaini diete berriz Altsasuko gazteei
Euskal Herritik eta Espainiako Estatutik etorritako dozenaka milaka pertsonak Altsasu kolapsatu zuten igandean, Espainiako Auzitegi Nazionalak berretsitako gazteen epaiari arbuioa erakutsi eta Altsasuko gazteei elkartasuna adierazteko. Altsasuk inoiz bizi izandako manifestaziorik handienean, gazteen askatasuna ere eskatu zen.
Larunbatean zehar ikusten zen hurrengo eguneko mobilizazioa oso jendetsua izango zela eta iragarpena bete zen. Iragan udaberrian Iruñean egindako mobilizazio erraldoian 50.000 pertsona izan baziren, oraingoan Guaixek dioenez 55.000 bat izan ziren eta Altsasuko Gurasoen hitzetan 60.000. Euskal Herritik kanpo etorritakoen artean nabarmendu ziren katalanak, baina Espainiako Estatu osoko jendea zegoen. Ondorengo lerroetan Altsasuko Gurasoek manifestazioaren amaieran luzatutako mezua, Euskalerria irratiak jaso duen gisan:
“Duela egun batzuk, Auzitegi Nazionalak erakutsi zigun Franco garaiko “Tribunal de Orden Público”-aren oinordekoa dela”, esan dute. Altsasuko gazteen aurkako zigorrak berretsi ditu Auzitegi Nazionalak eta horrela “erakutsi du egia arbuiatzen duela, justizia arbuiatzen duela, eskubide zibilak eta berme prozesalak arbuiatzen dituela”, salatu dute.
Auzitegi Nazionalak “Salbuespen Auzitegiaren” papera egin eta Nafarroako auzitegiari zegokion kasua bereganatu duela ere gogoratu dute. “Irregulartasunez beteriko epaiketa batean, Goardia Zibila non-nahi agertzen da: epaimahaiarekin harremana, akusazio partikular gisa aurkeztua, perito gisa aritua, testigantzak jaso aurretik txosten egile bezala…” Era berean, ez herriak jasan duen okupazio militarra salatu dute.
Epaiketaren kutsu politikoa ez dute ahaztu nahi izan. “Argi dago epaia interes politikoen ondorioa dela. Komunikabide batzuek lagundurik, fikziozko errealitatea asmatu zuten, zeinak, sorturiko sufrimenduaz gain, giza ondorio larriak eragiten ari dituen: epai eredugarriak, 6 urtetako kartzelaldi prebentiboak, diskriminazio ideologikoen ondoriozko kalteak…”.
Altsasukoak Aske plataformaren hitzetan “gero eta argiagoa da” epaiketan horren atzean “zer dagoen”. “Krudelak dira, min eragiten digute eta sufrimenduan sakondu egiten dute, baina irabazten ari gara eta gaur, hemen, ikusten eta entzuten ari gara ozen eta argi berriz ere. Oraingoan duintasuna, egia eta askatasuna gailentzen ari dira”, azpimarratu dute.
Altsasutik 50 kilometrora preso aurkitzen diren gazteei “besarkada eta txalo-zaparrada” bidali diete. “Maite zaituztegu!” ohiukatu dute.
Dena den, Altsasukoak konsziente dira ez dela soilik gazte hauen askatasuna jokoan dagoena. “Badakigu muntaia honek interes hedakorrak ezkutatzen dituela eta beste muntaia batzuk elikatu nahi dituela. Badakigu ere, lanean eta mobilizazioan bi urte baino gehiago eman eta gero, zailagoa dutela. Nolakoak diren ikustarazten ari gara. Beraien joko zikina desegiten ari gara”, ziurtatu dute.
“Hala ere, ezin gara lasaitu. Ezinbestekoa da justizia aldarrikatzen jarraitzea, ezinbestekoa da erne egotea, ezinbestekoa elkartasuna, ezinbestekoa mugitzen jarraitzea”, esan dute.
Mobilizazioaren ondorengo bideoak Ahotsa.info-k egin ditu:
Guaixeko ondorengo argazkietan manifestazioaren amaiera ikus liteke:
.JPG)
Ostegun honetan estreinatu da Madrilen 2016ko Altsasuko gazteen atxiloketa eta auzipetzea ardatz dituen antzezlana La Abadia antzokian, Voxek zentsura kanpaina handia egin ondoren.
Giza Eskubideen Europako Auzitegiak ez du aintzat hartu Altsasuko gazteek epaiketa bidezkoa izan zuten aztertzeko eskakizuna. Auzipetutako gazteetako batek, Iñaki Abadek, eman du jakitera berria.
Espainiako Auzitegi Nazionalaren ebazpenean dago oinarritua erabakia eta dioenez, Altsasuko gazteak zigortu zituen ebazpenean ez zen terrorismorik aipatzen, beraz, ez administrazioak ez Auzitegi Nazionalak ezin dute terrorismoaren biktimen kalte ordainik onartu.
Estrasburgoko Auzitegiak onartu egin ditu Altsasuko kasuan kondenatu zituzten zortzi gazteetatik biren defentsek aurkeztu zituzten errekurtsoetako batzuk eta aztertuko du ea epaiketa justu bat izateko eskubidea urratu zitzaien.
Asteartean onartu diete hirugarren gradua Altsasu auzian auziperatutako Jon Ander Cob eta Julen Goikoetxeari.
Duela lau urte “batzuek” erabaki zuten lehen lerro politiko eta mediatikora eramatea, azken hamarkadetan Euskal Herriko leku ugaritan gertatu izan diren liskar horietako bat. Zazpi gazte eta herri oso bat deabru bilakatuta. Zurrunbiloaren erdian harrapatu zuen... [+]
Duela lau urte “batzuek” erabaki zuten lehen lerro politiko eta mediatikora eramatea Altsasu, azken hamarkadetan Euskal Herriko leku ugaritan gertatu izan diren liskar horietako bat. Zazpi gazte eta herri oso bat deabru bilakatuta. Zurrunbiloaren erdian harrapatu... [+]
2019ko urriaren 17an, Ertzaintzak 21 gazte atxilotu zituen Altsasuko gazteen eta Kataluniako independentziaren aurkako sententziak salatzeko Ernaik deitutako mobilizazioetan. Atxilotuetako hamabost deklaratzera deitu dituzte orain.
Altsasuko gazteak, haien gurasoak eta Altsasukoak Aske herri plataformako kideak hedabideen aurrean agertu dira lau urteko ibilbidean gazteen auzian elkartasuna azaldu duten guztiei eskerrak emateko. Etapa bat ixteko garaia dela adierazi dute.
Giza Eskubideen Europako Auzitegian helegiteak aurkeztu dituzte auzipetuen abokatuek. Tramiterako onartzeko zain daude.
Auzipetuen egoera nabarmen aldatu delako, Altsasu Gurasoak taldeak eta Altsasukoak Aske herri plataformak ostiralero elkarretaratzeak egiteari utziko diote. Kontzentrazioei amaiera emateko ekitaldi berezia antolatu dute ostiralean.
Irteerak egiteko baimenik ez zuten Altsasu auziko bi gazte bakarrak ziren. Auzitegi Nazionaleko Espetxe Zaintza Epaitegiak hirugarren gradua ukatu die, baina 100.2 artikulua onartu.
