53 subjekturen artean 292 milioi euro zor dizkiote Gipuzkoari
Gipuzkoako foru Ogasunak milioi bat eurotik gora zor duten zergadunen zerrenda argitaratu du. Aurreko urtearekin alderatuta, 55 milioi euro gehiago da 2019an Ogasunak kobratu gabe duen zorra. 2019an itxi zen Lagilur SL enpresa da (Yeregui zena, Kutxak abiatutako etxegintza operazioa), alde handiz, zorrik handiena duena, 80 milioi eurotik gorakoa. Osinalde Etxaniz anaiak dira hurrengo handienak zerrendan, bakoitza 31 milioi euroko zorrarekin.
Gipuzkoako Ogasunak milioi bat eurotik gora zor dutenen zerrenda argitaratu du (hemen ikus daiteke osorik). 2019an 53 pertsona fisiko eta juridiko dira kopuru horretatik gora zor dutenak, eta denen artean 292 milioi euroko zorra osatzen dute. Aurreko urtean baino 13 subjektu gutxiago dira, baina zorra, aldiz, 55 milioi euro handiagoa da.
Lagilur SL nor da?
2015ean izena aldatu zuen, ordura arte Yeregui Desarrollo SL baitzuen izena. Yeregui Desarrollo SL-k 2008an Proinsa Desarrollo Siglo XXI SL egin zuen administrari bakar, baina ordura arte bertako lehendakaria Javier Artetxe Tarascon zen, idazkaria Jose Antonio Agirre Retegi eta kontseilaria Luis Maria Maya Galarraga (hemen kontsultatu daitezke enpresa hauen ibilbideak). Berria hedabideak azaldu duenez, Kutxak 2004an eraikuntza sektoreko enpresaburu batzuekin abiatutako eta huts egindako etxegintza operazio batekin zerikusia du zor horrek.
Zordun nagusiak
Hauek dira zor kopuruaren arabera, zerrendako lehenak:
Lagilur SL. 80 milioi eurotik gora.
Jose Ramon Osinalde Etxaniz. 31 milioi eurotik gora.
Juan Migel Osinalde Etxaniz. 31 milioi eurotik gora.
LH Commodities & Investments SL. 21 milioi eurotik gora.
Fagor Etxetresnak Koop. 8 milioi eurotik gora.
El Rincón del Ebanista. 6 milioi eurotik gora.
Tecfrindus SA. 6 milioi eurotik gora.
Gedi SL eraikuntzak eta kontratak. 5 milioi eurotik gora.
Aretxabaleta laminatuak SA. 5 milioi eurotik gora.
Lumen Pacis SL. 5 milioi eurotik gora.
Araxes papelera. 5 milioi eurotik gora.
Ramon Vizcaino refrigerazioa. 5 milioi eurotik gora.
Elizaldeko Finkak. 4 milioi eurotik gora.
Lagun Artea industriak. 4 milioi eurotik gora.
Bilore SA (Likidazioan). 3,7 milioi.
Henco eraikuntzak eta kontratak. 3 milioi eurotik gora.
Amarozko papelera. 3 milioi eurotik gora.
EAEko hiru hiriburuetan udako jaiak ospatzearekin batera, etorri dira, berriz ere, ostalaritzako patronalaren kexuak jai herrikoien aurka. Gipuzkoako Ostalaritzaren elkarteak Gipuzkoako Foru Aldundiari eskatu dio Arabakoaren bidea jarraitzeko, eta txosnei eta kale saltzaileei... [+]
Atera berri dituzte zerga bilketaren datuak Araba, Bizkaia eta Gipuzkoako foru ogasunek, eta ikusi dugu inoiz baino diru gehiago jaso dutela. Berehala iragarri dute erreforma fiskalari buruzko gogoetarako beharrezko tartea hartuko dutela, ez dagoelako presarik, ezta premia... [+]
"Irabazi-asmoa" dutela iritzita, "Ogasunean izena ematera" beharko dituztela iragarri du Eider Mendoza Gipuzkoako Ahaldun Nagusiak.
Bi alderdiek azaldu dutenez "elkarrizketak" abiatu dituzte zerga sistemaren inguruko erreforma egiteko. Helburuetako bat "progresibitatea handitzea" izango dela diote, baina prozesua udal eta foru hauteskundeen ondoren amaituko dela ohartarazi dute.
Pertsona Fisikoen Errenten Zerga deflaktatuko du beste behin Eusko Jaurlaritzak urtarrilaren 1etik aurrera, oraingo honetan %5,5, Iñigo Urkulluk Eusko Legebiltzarrean iragarri duenez. Aditu eta ekonomialari askoren aburuz, baina, neurri horrek desberdintasun sozialak... [+]
Pertsona Fisikoen Errenten Zerga deflaktatuko du beste behin Eusko Jaurlaritzak urtarrilaren 1etik aurrera, oraingo honetan %5,5, Iñigo Urkulluk Eusko Legebiltzarrean iragarri duenez. Aditu eta ekonomialari askoren aburuz, baina, neurri horrek desberdintasun sozialak... [+]
Eragozpen fiskalaren aldeko plataformak ekintza burutu zuen larunbatean Bilboko kuartel militarrean. Gastu militarra salatzearekin batera, aurtengo eragozpen fiskalaren kanpaina abiatu dute ekintzaren bidez.
Mezenasgoaren gaia ez da berria ARGIAn, mahai gainean askotan egondakoa da. Errenta aitorpenean hobari fiskala lortzen du mezenasgoaren figurak eta ezaguna da kultur elkarteetako bazkideen artean, esaterako. 2021ean eman du ARGIAk pausoa eta Hego Euskal Herriko ARGIAko kideek... [+]
Asteazkenean argitaratu dituzte EAEko ogasunek zordun handien izenak jasotzen dituzten zerrendak. 242 izen ageri dira horietan, 850 milioi euroko zorra pilatuz. Nafarroako ogasunak asteartean argitaratu zuen zerrenda. Lurralde guztietako zerrendetan, higizezinen eta eraikuntza... [+]
ELA sindikatuak enpresa nagusien kontu ofizialak aztertu ditu, baita horien ikuskaritza txostenak ere. 2019ko kontu ofizialen arabera (informazioa dagoen azken urtea), EAEko 22 enpresek 1.295 milioi euroko irabaziak izan zituzten. Hala ere, enpresa horien guztien artean 98,7... [+]