Israel armaz ez hornitzeko eskatu diote NBEri 52 herrialdek
Turkiaren ekimena babestu dute nazioarteko herrialde ugarik, gehienak arabiarrak edo islamiarrak, baita Hegoafrika, Brasil, Kuba, Errusia, Norvegia eta Vietnamek ere, besteren artean.
Nazioarteko Justizia Auzitegiak uztailean emandako iritziari heldu dio Turkiak: su-eten erreal bat gertatu ahal izateko, Israeli ez zaizkiola armak eta munizioa eman behar. Eta horrez gain, eskakizunaren dokumentuak jasotzen du auzitegi horrek berak emandako ebazpenaren argudioa, Israel Palestinan egiten ari den kolonizazioa nazioarteko legediaren aurkakoa dela.
Turkiako Gobernuak ekimen bat iragarri du, Nazio Batuen Erakundeari –eta bertako kide diren estatukideei– eskatzeko blokea diezaiotela Israeli munizio eta arma hornidura, Gazako zerrendako eta Libanoko erasoak apaldu ditzan. Ekimena Turkiak aurkeztu du, eta beste 51 estaturen babesa jaso; gehienak arabiarrak edota islamiarrak dira, eta hauexek dira gainontzeko batzuk: Hegoafrika, Bolivia, Brasil, Kolonbia, Kuba, Mexiko, Nikaragua, Norvegia, Errusia, Senegal, Txile, Txina, Venezuela, Vietnam edo Zimbabwe.
Hedabideen polarizazioa
"Ez da ezertan geratuko", dio The Times of Israel egunkari sionistak, argudiatuz ez dela Turkiaren azken boladako eskaera bakarra izan. Albistea idatzi duen kazetariaren esanetan, Turkiaren aldetik "israeldarrek espero behar dituzte horrelako esku hartzeak", izan ere, oroitu du Turkiak adierazia duela asmoa Israel noizbait inbaditzeko. Are gehiago, Hamaseko zuzendaritzarekin batzartu izan omen da Recep Tayyip Erdogan presidentea azken urteotan.
Anadolu Ajansi komunikabide turkiarraren arabera, bestalde, Turkia bera ari da "saihestezina dena egiten", Hegoafrikaren bide "erreferentea" jarraituz. Bi estatuen balizko soluzioa aldez edo moldez deuseztatu nahi du Israelek, Erdoganen esanetan, eta, hori horrela izan dadin, gatazka beste lurraldetara hedatzeko lanean ari da, bereziki Libanori eraso eginda.
Presio NBEri
Pasa den astean, Israelgo parlamentuak lege bat onartu zuen NBEren parte den UNRWA agentziari, Palestina barneko laguntza humanitarioaz-eta arduratzen denari, jarduna galarazteko. Palestinatik kanporatzeko legea da, gehiengo zabal batez onartu zuena parlamentuak. Bada, UNRWA Palestinatik ateratzea lortu ez ezik, Al Jazeera hedabidea Israeletik kanporatu du gobernuak.
Palestina kanpotik ari da informatzen orain Al Jazeera. Mohammed Vall kazetariak artikulu honetan seinalatu duenez, "ardura ezbairik gabe NBEren teilatuan dago", Israelen inpunitateari hankak mozteko. "NBEren sinesgarritasuna eta baliozkotasuna jokoan dago", kazetariaren esanetan. "Ekintza zuzen eta neurri zehatzak" eskatu dizkio NBEri.
Israelen erasoek ez dute etenik
Asteburua ere odoltsua izan da, bereziki Gazako zerrendan, baina Zisjordanian hainbat erasoaldi ere egin ditu Israelgo armadak.
Palestinako Osasun Ministerioak emandako datuen arabera, dagoeneko 43.341 dira Israelen erasoaldietan hildakoak. Azken 24 orduotan, 27 palestinar hil eta 86 zauritu ditu estatu sionistak, errefuxiatuen gune bati eraso egin ostean.
Hussam Abu Safiya medikua askatzeko eskatu du Osasunaren Mundu Erakundeak, eta bere aldeko kanpaina ere abiatu dute sareetan. Abu Safiya medikua ez da edonor; nazioartean erreferente bihurtu da, berak zuzentzen zuen ospitalearen aurka egindako erasoak kontatzen zituelako.
Gutxienez 201 dira 2023ko urriaz geroztik Israelek Gazan hildako kazetariak. Abenduaren 26 honetan hildako azken bostak Al-Quds telebista katean zebiltzan lanean.
Ekimena abenduaren 28an egingo da Iruñeko Baluarte plazan. Goizeko 11:00etan ipuin irakurketa antolatu du Yalak La diverxa Cris ipuin kontalariarekin eta, ondoren, 12:00etatik aurrera, BDZ (Boikota, Desinbertsioa eta Zigorra) ekimenak antolatuta egingo da irakurketa.
Israel entitate sionista Palestinan egiten ari den "genozidio eta sarraski terrorista" salatzeko Lekeitioko hainbat eragilek txandakako hamar orduko elkarretaratzea egingo dute abenduaren 28an.
Palestinatik aberriratu eta urtebetera, Espainiako Gobernuak jakinarazi du familien harrera programa ez duela gehiago finantzatuko eta aterpetxe eta hostaletako egonaldia abenduaren 31n etengo diela. Urtarriletik aurrera Gasteizko Udalak Gazako bost familien ostatuaren gastuak... [+]
Israelgo Atzerri Ministerioak igandean iragarri du Dublinen daukaten enbaxada itxiko dutela, Irlandak iragarri eta gero bat egingo duela Hegoafrikak Israelen aurka jarritako salaketarekin.
Palestinarekin Elkartasunak "sionistekin harreman oro etetera" deitu du. Kanpaina bat jarri dute abian Euskal Herriak Israelgo estatu terroristaren bizirautea bermatzen duten harreman militar, diplomatiko eta kulturalak seinalatu eta hauen etetea exijitzeko. Pasa den... [+]
Israelgo lehen ministro Benjamin Netanyahuk "immunitatea", hau da, babes politikoa duela adierazi du Frantziako Kanpoko Aferen ministroak. Israelgo Haaretz eta Maariv komunikabideek jakitera eman dute Libanorekin adosturiko su-etenaren baldintzen artean zuela... [+]
Save the Children erakundearen esanetan, Gaza iparraldeko 130.000 haur artatu gabe daude 50 egunez, gutxienez.
Palestinan genozidio bat burutzen ari den Israelgo estatu eta berarekin batera diharduten enpresa eta erakunde guztiekin eteteko asmoz sortu zen EHU Palestina. Israelen inpunitatea Europan eta Estatu Batuetan dituen harreman politiko, militar, ekonomiko, zientifiko zein... [+]
Egunkariaren editoreak egindako adierazpen batzuen harira hartu du neurria Israelgo Gobernuak. "Netanyahuren erregimena krudela da eta apartheid-a ari da egiten", esan zuen Amos Shocken editoreak Londresen emandako hitzaldi batean, duela hilabete.
Forensic Architecture erakundearen ondorioetakoa da hori, ikusita Israelgo Armadak nola antolatu duen Gazaren egungo kontrola. Suntsiketa maila hori bakarrik litzateke Gazaren kontrola segurtatzeko, zeren eta, berez, txikitze maila askoz handiagoa da lurraldearen gainerako... [+]
Espainiako Defentsa Ministerioaren 6 milioi euroko esleipen publikoak jaso ditu aurten enpresak. Margarita Robles ministroaren arabera, urriaren 7tik ez diote "armarik saldu edo erosi Israelgo Estatuari", baina indarrean zeuden kontratuei eutsi diete. Elbit Systemsek... [+]
Gizateriaren aurkako krimenak eta gerra krimenak egotzi dizkie Hagako auzitegiak bi sionistei. Erabakia "antisemitismotzat" jo du Netanyahuk, eta Hamasek, aldiz, "Justiziarako urrats garrantzitsutzat".
