Otsailean jakinarazi zen emakume batek Bilboko Ormaetxe tabernako nagusiaren aurka salaketa jarri zuela, drogatu eta bortxatu izana leporatuz. Abiatutako salaketa dinamikaren ondotik, auzoko mugimendu feministak errepresioa jasan du: gutxienez 20 pertsona identifikatu dituzte, eta bi pertsonak isun bana jaso dute, guztira 2.500 euroko zorra pilatuz. Isun horiek Bilboko Udaltzaingoaren gezurretan oinarrituta daudela defendatuz, epaitegietara jo du mugimendu feministak; urtarrilaren 10ean dute epaiketa.
Ostegunean agerraldi publikoa egin zuen Bilboko Alde Zaharreko Mugimendu Feministak San Frantziskoko Auzo Etxean. Erasoen aurrean auzodefentsa feminista lelopean, taberna batean jasotako ustezko bortxaketa salatzeagatik jasandako errepresioaren berri eman zuten: gutxienez 20 pertsona identifikatu dituzte, eta bi pertsonak 2.500 euroko isun bana jaso dute.
Otsailean egin ziren publiko gertakariak: emakume batek Ormaetxe tabernako nagusia salatu zuen, drogatu eta bortxatu zuela adieraziz. Emakumearen kontakizuna ezagututakoan, auzoko mugimendu feministak salaketa dinamika abiatu zuen, hainbat herritar dinamikara batzea eraginez. Aurretiaz salatu izan dutenez, bortxaketa egin izanaz akusatutako gizonak jarrera erasokorra adierazi du seinalamendu publikoaren aurrean, eta Poliziarengana jo izan du; ondorioz, gutxienez 20 pertsona identifikatu dituzte "Polizia gorpu ezberdinek", eta bi pertsona isun banarekin zigortu dituzte, guztira 2.500 euroko zorra pilatuz.
Poliziaren jarrera ere salatu dute agerraldian. Jakinarazi dutenez, indarkeriazko tratua eman diete behin baino gehiagotan: "Inguratu gaituzte, mehatxuekin beldurtzen saiatu dira, eta kalez jantzitako Poliziek jarraitu gaituzte modu erasokorrean identifikatzeko". Horrez gain, jasotako bi isunak "Bilboko udaltzainek asmatutako gezurretan" oinarritzen direla adierazi dute.
Emakumeen aurkako indarkeria ahalbidetzen eta zigorgabe uzten duen duen sistema oso baten baitan kokatu dute Poliziaren jarrera: "Kriminalizatzen bagaituzte ahal dutelako da. Drogatzen bagaituzte ahal dutelako da. Ahal dutelako bortxatzen gaituzte. Eta ahal dutelako jarraitzen dute bortxatzaileek eroso eta lasai. Sistema oso batek babesten ditu. Epaitegietan, komisaldegietan, komunikabideetan baita kalean eta tabernetan ere".
Gertakizunen bilakaerak epaitegietarainoko bidea egin du. Mugimendu feminista bera izan da epaitegietara jo duena, bi kidek isuna jaso ondotik. Ondorioz, urtarrilaren 10ean epaiketa egingo da Bilboko epaitegietan.
"Auzodefentsa feminista" eta "justizia feminista" aldarrikatuz, jakinarazi dute erasoen aurrean beren arteko babesa antolatzen jarraituko dutela. Isunak ordaintzeko erresistentzia kutxa sortu dute, eta dirua biltzeko Uka artistak sortutako lamina bat jarri dute salgai. Hil bukaerara arte Bilboko Zirika!-n egongo den herri dendan eskuratu ahalko da, baita Kalamiak eta Akelarre talde feministen sare sozialetan ere.
Horrez gainera, epaiketaren harira mobilizazioak egingo dituztela aurreratu dute.
Laura Macayaren liburua ekarri du euskarara Katakrakek. Amaia Astobizak itzuli du, feminismoaren baitako eztabaidak ireki eta beste begirada batzuetatik ekiteko helburuarekin.
Indartsua, irribarretsua eta oso langilea. Helburu pila bat ditu esku artean, eta ideia bat okurritzen zaionean buru-belarri aritzen da horretan. Horiek dira Ainhoa Jungitu (Urduña, Bizkaia, 1998) deskribatzen duten zenbait ezaugarri. 2023an esklerosi anizkoitza... [+]
Pippi Kaltzaluzeren istorioak lehenengoz kaleratu zirenetik 80 urte bete direla-eta, leku berezia eskaini diote Boloniako Nazioarteko Haur eta Gazte Liburu Azokan. Azkarra, independentea, errebeldea, lotsagabea, menderakaitza, apur bat basatia, sormen handikoa, ausarta eta... [+]
Gozamen aparta bezain deskribatzeko zaila dakar, norbaiten hitzak irakurri edo entzun ostean, zera pentsatzeak: “Horixe zen neu aurreko hartan azaltzen saiatu nintzena!”. Idazlea eta itzultzailea da María Reimóndez, eta galegoz aritzen da, hizkuntza... [+]
Bai ikastetxeek antolaturiko eskolaz kanpoko jarduerek, bai aisialdiari loturiko ekintzek eta udalekuek desgaitasunen bat duten haurrak kanpoan uzten dituzte maiz, eta hain justu, jarduera horiek bereziki onuragarriak dira premia bereziak dituzten haurrentzat. Hala dio... [+]
Orain arte desgaituak ez diren pertsonekin lehiatu da Uharteko Ipar Eski Taldeko Eneko Leyun eskiatzailea (Iruñea, 1998). 2024-2025 denboraldian, lehenengo aldiz parte hartu du Adimen Urritasuna duten Pertsonentzako Iraupeneko Eskiko Espainiako Txapelketan. Urrezko... [+]
Joan den urte hondarrean atera da L'affaire Ange Soleil, le dépeceur d'Aubervilliers (Ange Soleil afera, Aubervilliers-ko puskatzailea) eleberria, Christelle Lozère-k idatzia. Lozère da artearen historiako irakasle bakarra Antilletako... [+]
Endometriosiaren Nazioarteko Eguna izan zen, martxoak 14a. AINTZANE CUADRA MARIGORTAri (Amurrio, 1995) gaixotasun hori diagnostikatu zioten urtarrilean, lehen sintomak duela lau urte nabaritzen hasi zen arren. Gaitz horri ikusgarritasuna ematearen beharraz mintzatu da.
Duela aste batzuk, gurean egon ziren El Salvadorko eta Kanarietako emakumeen eskubideen aldeko hainbat aktibista. Sexu- eta ugalketa-eskubideez eta eskubide horiek urratzeak emakumeengan dituen ondorioez aritu gara; hala nola El Salvadorren berezko abortuak izanda homizidio... [+]
Zuberoako ohiturei buruzko bi liburu ditut gogoan. Batek XX. mendean aritu izan diren 180 dantzari eta soinulari aipatzen ditu. Haien artean, emakumezkorik ez da agertzen. Besteak, pastoralei egiten die errepasoa eta hor emakumeak aipatu aipatzen dira, baina omisio esanguratsuak... [+]
1984an ‘Bizitza Nola Badoan’ lehen poema liburua (Maiatz) argitaratu zuenetik hainbat poema-liburu, narrazio eta eleberri argitaratu ditu Itxaro Borda idazleak. 2024an argitaratu zuen azken lana, ‘Itzalen tektonika’ (SUSA), eta egunero zutabea idazten du... [+]
Donostiako Tabakaleran, beste urte batez, hitza eta irudia elkar nahasi eta lotu dituzte Zinea eta literatura jardunaldietan. Aurten, Chantal Akerman zinegile belgikarraren obra izan dute aztergai; haren film bana hautatu eta aztertu dute Itxaro Bordak, Karmele Jaiok eta Danele... [+]
Antifaxismoari buruz idatzi nahiko nuke, hori baita aurten mugimendu feministaren gaia. Alabaina, eskratxea egin diote Martxoaren 8ko bezperan euskal kazetari antifaxista eta profeminista bati.
Gizonak bere lehenengo liburua aurkeztu du Madrilen bi kazetari ospetsuk... [+]
Pertsona lodiek lodiak izateagatik bizi izan duten eta bizi duten indarkeriaren inguruan teorizatzeko espazio bat sortzea du helburu ‘Nadie hablará de nosotras’ podcastak. Cristina de Tena (Madril, 1990) eta Lara Gil (Fuenlabrada, Espainia, 1988) aktibista... [+]
