50 talde batuko dira Donostian Euskal Herriko Dantzari Eguna ospatzeko
Urriaren 7an, Donostian, izango da Euskal Dantzarien Biltzarrak urriko lehen larunbatean antolatu ohi duen Euskal Herriko Dantzari Eguna. 50 dantza taldek hartuko dute parte eta bi donostiar omenduko dituzte: Gipuzkoako dantzen maisua izan den Juanma Oronoz eta EDBren logoa diseinatu zuen Tomas Hernandez artista.
Aurtengo edizioak Donostiako Goizaldi dantza taldearen 75. urteurreneko ospakizunekin bat egin du. Horrela larunbateko dantzarien elkargune eta festaz gain astean zehar hainbat ekintza antolatu dira. Gaur astelehena, urriak 2, "Gipuzkoako Dantza maisuak" Hitzaldia eskainiko dute Angel Muruak eta Mikel Sarriegik; eta ostegunean, urriak 5, "Goizaldi 75. urteurrena" dokumentalaren aurkezpena izango da. Horrez gain, irailaren 8tik urriaren 11ra "Goizaldi dantzari taldearen 75. urteurrena” erakusketa zabalik da Okendo Kultur etxean.
Egitaraua
Urriak 2 astelehena
-
19:00 "Gipuzkoako Dantza maisuak" hitzaldia. Lekua: San Jeronimo kaleko kripta. Hizlariak: Angel Murua eta Mikel Sarriegi. Hizkuntza: Gaztelera /Euskara.
Urriak 5 osteguna
-
18:00 "Goizaldi 75. urteurrena" dokumentalaren aurkezpena. Lekua: Okendo Kultur etxea.
Urriak 7 larunbata, Euskal Herriko Dantzari Eguna
-
11:30-18:00 Folklore Azoka, Boulevardean.
-
12:00 Dantza Plaza, Donostiako Herridantza dantza taldearen eskutik, Boulevardeko kioskoan.
-
17:30 Desfilea, Parte Zaharreko kaleetan zehar.
-
18:00 Euskal Herriko Dantza taldeen emanaldia, Zuloaga plazan.
-
20:00-21:00 Kale animazioa
-
21:00 Afaria, Trinitate plazan. Euria egingo balu, Orixe ikastolan.
-
22:00-1:00 Erromeria, Iratzar taldearen eskutik, Boulevardeko kioskoan.
Erakusketa: "Goizaldi dantzari taldearen 75. urteurrena” Erakusketa irailaren 8tik urriaren 11ra Okendo Kultur etxean. Ordutegia: Astelehenetik Ostiralera: 10:00etatik 14:00etara eta 16:00etatik 20:30etara. Larunbata eta zubiak: 10:00etatik 14:00etara eta 16:30etatik 20:00etara.
Iurretan 1995ean andreek soka-dantza nola plazaratu zuten idatziz jasoa du Jon Irazabalek. Izan ere, 1837ko San Migel jaietan emakumeek osatutako aurreskua dantzatu zela ikusita, arrasto haiei jarraika, kopla doinuz lagundutako soka-dantza ikasi eta kaleratu zuten Iurretako... [+]
Dantzaren munduan gabiltzanok askotan errepikatzen dugun ideia da dantza efimeroa dela. Elhuyar hiztegiak espainoleko "efímero"-ren ordaintzat ematen ditu honakoak: efimero, suntsikor, galkor, iragankor, iraungikor, ilaun. Ez dut gogoan nori irakurri nion... [+]
Azken urteetan Lapurdiko kontserbatorioan euskararen eta diziplina tradizionalen presentzia handitu da eta euskal dantzako ibilbideari forma ematen ari dira; irailean hasi da lehen zikloa. “Herri Elkargoa sortu zen Iparraldean eta nahi zuten herri musika eta herri... [+]
Lesakako ezpata-dantzariak San Fermin egunerako ezpata-dantzako entseguetan dabiltza azken hilabetean. Hamabost atera ohi dira dantzara, eta besteak titularren batek hurrengo urteetarako lekua utzi zain daude.
Transmisioa eta dantza taldeetako erreleboa aztertu nahi izan dugu Dantzan Ikasi topaketetan, eta gazte belaunaldiek lan egiteko ereduak ezagutu nahi izan ditugu “Gazteen parte-hartzea euskal dantzan” mahai inguruan: Eder Niño Barakaldoko... [+]
Iruñeko alkate Joseba Asironek prentsaurrekoan iragarri duenez, Duguna dantza taldeak jaurtiko du 2024ko Sanferminetako txupinazoa. Duguna izan da Iruñeko herritarren boto gehien jaso duen hautagaitza. Hain zuzen dantza taldearen sorreraren 75. urteurrena ospatzen... [+]
Gerratik ihesi 1937ko ekainean Donibane Garazin Bilbo eta inguruetako 600 haur jaso zituzten. Hiriburuko Ziudadelan Eusko Jaurlaritzaren menpeko eskola kolonia bihurtu zuten, eta bi urtean 8-14 urteko 800 bat haur igaro ziren bertatik. Haurrekin 80 bat heldu ere iritsi ziren:... [+]
Aste hondar honetan euskal dantzen hiriburu bilakatu da Hendaia. Akelarre dantza talde hendaiarraren 50. urtemugaren testuinguruan, Lapurdi, Baxe Nafarroa eta Xiberoako hamasei dantza talde elkartu ditu bertan Iparraldeko Dantzarien Biltzarrak.
Iazko azaroko Sansaturnino eguneko ospakizunak gibelean utzita, Iruñeko Duguna dantza taldeak 75. urteurreneko ekitaldiekin aitzina eginen du martxo hondar eta apiril hastapenean. Ondorengo lerroetan taldeak berak azaltzen ditu ospakizunok.
Kaskarotak eta maskaradak kasik urtearekin batera hasi dira eta jarraian etorri dira beste zenbait inauteri festa. Goiztiarrenak urtarrilean ari dira ospatzen, baina aurten inauteri gehienak datoz oso goiz. Otsailaren 8an izango da Ostegun gizena eta 13an Inaute asteartea. Hadi!... [+]
Urtarrileko lehen asteburuarekin atera dira kaskarot goiztiarrenak. Beskoitzekoak izan dira lehenak eta otsail hasierara arte larunbatez eta igandez astero ibiliko dira herriko auzoetan etxez etxe dantzan eta festan. Goiztiarrenak eta irteera gehiena egiten dituztenak dira... [+]
Dantzaria, koreografoa, abesbatzako zuzendaria, idazlea… 102 urterekin zendu da Filipe Oihanburu (Argeles-Gazost-Miarritze, 1921-2023) Miarritzeko bere etxean. Hain zuzen Miarritzeko Urrezko Domina jasoa zuen euskal dantzan eta musikan egindako lan guztiagatik. Segundo de... [+]
