49 herrik izenpedu dute euskararen aldeko Tokiko xarta
Martxoaren 11n Itsasun egin dute euskararen aldeko Tokiko xarten izenpetze ekitaldia, ekimenaren sortzaile diren Itsasuko herriak eta Euskal Konfederazioa elkarteak antolaturik. Lurralde hizkuntzen eta hizkuntza gutxituen aldeko Eurokartaren tokiko deklinabidea da Tokiko xarta eta oraingoz Ipar Euskal Herriko 49 herrik izenpetu dute.
Itsasuko Herriko Etxea izan da aitzindaria Xarta Euskal Herrian ezartzen eta herrietara zabaltzen. Izan ere, Mikel Hiribarren auzapezak Itsasuko izenpetze ekitaldian oroitarazi zuenez, Itsasuko Herriari zerrenda izan zen Europako Kontseiluako ordezkariekin harremanetan hasi zen lehena, Tokiko xartari buruzko xehetasunak jakiteko, 2020ko herriko bozen aurretik.
Orain arteko urratsak
Itsasuko Herriko Etxea eta Euskal Konfederazioa 2021. urte hasieratik ari dira Tokiko xarta herriz herri azaltzen eta berau izenpetzea sustatzen. Dagoeneko 70 herritan eta Euskal Elkargoko lurralde poloetan aurkeztu dute. Horrez gain, Itsasuko euskara batzordeko hautetsiek eranskin bat landu dute herriei euskararen aldeko neurriak hautatzen laguntzeko, eta xarta herriko kontseiluetan bozkatzeko deliberazio modeloa proposatu dute.
Hurrengo urratsak
Euskal Konfederazioko ordezkariak eta Itsasuko herriko etxekoek dei egin diete Ipar Euskal Herriko herri guztiei, desmartxan sartzera. Tokiko xarta garatzeko eman nahi dituzten hurrengo urratsak hauek dira: xarten segipenaz arduratuko den aditu batzordea otsatzea eta ibilmoldea finkatzea.
Euskal Elkargoari ere deialdia luzatu diote, alde batetik Tokiko xarta sustatzen lagundu dezan, eta bestetik sortu nahi duten aditu batzordeko kide izan dadin, Euskal Konfederazioa eta hautetsi taldearekin batera.
Tokiko xarta izenpetu duten herriak
1 Ahatsa-Altzieta-Bazkazan
2 Aiherra
3 Ainhize-Monjolose
4 Aiziritze-Gamue-Zuhazti
5 Aldude
6 Aloze-Ziboze-Omize Gaine
7 Amenduze Unaso
8 Anhauze
9 Arrosa
10 Azkaine
11 Baigorri
12 Baiona
13 Banka
14 Behorlegi
15 Bidarrai
16 Donamartiri
17 Donapaule
18 Duzunaritze-Sarasketa
19 Ezpeleta
20 Gabadi
21 Gamarte
22 Getaria
23 Haltsu
24 Hazparne
25 Hiriburu
26 Irulegi
27 Isturitze
28 Itsasu
29 Izpura
30 Lakarra
31 Lasa
32 Lekorne
33 Lekunberri
34 Lexantzü-Zunharre
35 Ligi-Atherei
36 Luhuso
37 Makea
38 Mendibe
39 Miarritze
40 Ortzaize
41 Ozaze-Zühara
42 Sara
43 Senpere
44 Suhuskune
45 Uhart-Hiri
46 Urepele
47 Urruña
48 Uztaritze
49 Ziburu
Plazara, AEK, Uda Leku, Dindaia eta Ebete antolakundeak Baionan elkartu dira Famili'on egonaldi ibiltariaren lehen edizioa aurkezteko. Hizkuntza mailaren arabera eskaintza bat edo beste egongo da eta haur zein gurasoentzat izango da udaberrian.
Hizkuntzarako ere gurasoak haurrentzako eredu direla kontuan hartuta, euskararen erabilera eta irakaskuntzari buruz sentsibilizatzeko helburua duen hamabostaldia antolatu dute Hendaia, Urruña, Donibane Lohizune eta Ziburuko herriek. Martxoaren 15etik 30era guraso... [+]
Nafarroa Beherean, Aiherrako 'Beltzegitea' etxean kokatuko da Eguzkilore haurtzain-etxe berria. Euskara, natura eta motrizitate librea oinarri harturik, heldu den apirilean hasiko dira zerbitzua eskaintzen.
Euskarazko murgiltze eredua eta eredu elebiduna duten ikastetxeak gutxiengo izatetik gehiengo izatera pasa dira Ipar Euskal Herrian hogei urteotan, Euskararen Erakunde Publikoaren azterketak erakutsi duenez.
Lehenengo aldiz “euskararen aldarriak hedatzeko” azoka antolatu dute euskararen biziberritzean lan egiten duten zortzi elkartek. Euskararen egunean irekiko da azoka eta abenduko beste hiru egunetan ere egongo da zabalik.
Bankan bizi den Literatura irakasle, ikerlari eta idazlea da. Irailaren hondarrean Itsasun egin zen Irailekoak poesia jaialdiaren baitan Ipar Euskal Herriko Poesiaz eman zuen hitzaldia. Besteak beste, bertan errandakoak hona ekarri nahian hasi gara harekin solasean.
Euskal Herriko lekuen izenen frantsestearen arazoa ez da bakarrik seinale paneletan hizkuntza ez kontutan hartzearengatik izaten, duela zenbait urte hartu helbideratzeari buruzko erabaki baten gauzatzearen ondorioa ere bada.
Azal dezagun, administrazioko hainbat arlo... [+]
Larunbatean ospatu dituzte Ttinka mikro haurtzaindegiaren bost urteak Lakarran. Baxe Nafarroko euskara hutsezko egitura bakarra da, Euskararen Erakunde Publikoaren B ziurtagiriduna.
Maddi Kintanak ekainean aurkeztu du Master Amaierako Lana Bordeleko Unibertsitatearen eta Iker ikerketa-zentroaren laguntzarekin. Gazteen hizkera BAM eta inguruan du izenburu eta Biarritz, Baiona eta Angeluko 18 eta 24 urte bitarteko gazteen hizkera aztertu du. Horretarako,... [+]
“Geldi euskara zapaltzea” lema berriz hartu du Euskal Herrian Euskaraz taldeak larunbatean egin duen prentsaurrekoan. Maiatzaren 17an, esaldi hori Baionako suprefeturan tindatzeaz akusaturik, irailaren 10ean epaituko dute Gorka Roca Torre.
Ikasturte honetan, lehen mailako ehun eskola elebidunetan 5.700 ikaslek ikasiko dute. Bigarren mailan hamasei kolegio eta lau lizeotan 1.600 dira. Zailtasun nagusia aurten ere kolegioan euskararen eta frantsesaren arteko oren parekotasuna erdiestea da.
Uda hasiera. EHZ festibalaren biharamuna (atx, buruko mina). Ikasturte kargatu baten ondotik, hatsa hartzeko gogoa. Burua hustu. Funtsezko elementuei berriz konektatu. Familian denbora hartu, aspaldiko lagunak berriz ikusi eta eguneroko borrokak (pixka bat) pausan eman... [+]