43.000 urte dituen silex tailer bat aurkitu dute Barrikako aire zabaleko aztarnategian
Meñakotz hondartzaren gainean iaz ikertzen hasi zuten aztarnategia duela 43.000 urteko silex tailerra dela ondorioztatu dute arkeologokoek, EHUko Historiaurreko katedradun Alvaro Arrizabalagaren eta Maria Jose Iriarte doktorearen zuzendaritzapean, Barrikako eta Plentziako udalen eta Edestiaurre Arkeologia Elkartearen babesagaz. Iaz egin zuten lehenengo kanpaina Barrikako Zabalatxe 22 aztarnategi horretan, eta, aurten, indusketa-lanak zabaldu dituzte. Hala, azkenengo neandertalen eta lehenengo gizaki modernoen arteko trantsizio-frogak izan daitezkeen aztarna ugari topatu dituzte, Châtelperron aldikoak, hain zuzen ere. Hala, garai hartako ehiztari-biltzaileen tresnak egiteko tailer bat dela ondorioztatu dute, eta, momentuz, 1.000 aztarnatik gora topatu dituzte.
EHUko Historiaurreko katedradun Alvaro Arrizabalagaren arabera, egun hauetan 1,30 metrora arte jaitsi dira indusketa lanak egiteko, baina sei metrotara iristea dute helburu, "arroka-amara heldu arte". Pasa den urtean egindako kanpainan 250 aztarna topatu zituzten, baina aurten askoz informazio gehiago biltzen ari dira: "Indusketa lanekin hasi berri gara, eta jada 1.000 aztarnatik gora topatu ditugu", azaldu du Arrizabalagak. Hala, etorkizunerako bost kanpaina gehiago egiteko asmoa dute, aurkitutako aztarna guztiek informazio baliotsu eta berria ematen dutelako: "Hau da mundu osoan hoberen kontserbatutako Châtelperron aldiko tailerra".
Momentuz, Barrikako flyscheko silexez egindako 20 bat harri-tresna biltzea lortu dute; "iraganean oso preziatua zen material hori, oso kalitate onekoa baita ehiztari-biltzaileek tresnak egiteko". Hala, Arrizabalagak zehaztu du indusketa eta ikerketa lan honegaz neandertalen eta Homo Sapiensen arteko trantsizio-etapa den Châtelperron aldiaren potentziala baloratu ahalko dutela.
Iñaki Libano Edestiaurre Arkeologi Elkarteko presidenteak aurkitu zuen orain 40 urte Zabaletxe 22 aztarnategia, Meñakotzeko inguruetan hodi batzuk sartzeko lanak abiatu zituztenean. Ordutik, impasse batean mantendu dute hori aztertzeko proiektua, 2022ra arte.
Iaz egindako lehenengo fasean, lau metro koadroko zundaketa arkeologikoa egin zuten, eta baieztatu zuten inguru horretan Erdi eta Goi Paleolitoko materialak zeudela, bereziki Châtelperron aldikoak.
Adituek diotenez, eskualde eta Bizkaia mailan garrantzi handiko aztarnategia da hau, eta baliteke Europa mailan ere, eta horregatik dago sartuta ikerketa-lanetan EHU. Izan ere, Arrizabalagak aipatu bezala, Châtelperron aldiko aztarnategi oso gutxi daude inguruotan, eta oso esanguratsua da garai hori neandertalen eta Homo Sapiensen arteko trantsizioa ezagutzeko
Hala, uneotan, Châtelperron kultura jasotzen dituen aztarnategi bi ditu Barrikak, "eta izugarria da hori".
Nafarroako Erriberako Andosilla herrian, sorpresa ugari ematen ari den indusketa arkeologikoa egiten ari dira Aranzadiko arkeologoak eta herritar boluntario taldeak. Resako aztarnategian orain arte oso ezezaguna zaigun Goi Erdi Aroko gizarteak hobeto ulertzeko aztarnak aurkitu... [+]
Aranzadi Zientzia Elkarteko Etnografia Sailaren zuzendari berria da Maite Errarte Zurutuza (Beasain, 1995), urrian Fermin Leizaolaren lekukoa hartu ondoren. Kultura materiala aztertzen jarraitzeko beharra azpimarratu du, gizartearen memoria eta bizimodu aldaketak erregistratzeko... [+]
Atapuercako aztarnategian hominido zahar baten aurpegi-hezur zatiak aurkitu dituzte. Homo affinis erectus bezala sailkatu dute giza-espezieen artean, eta gure arbasoek Afrikatik kanpora egindako lehen migrazioei buruzko teoriak irauli ditzake, adituen arabera.
Martxoaren 30erako Iruña-Veleia martxan, SOS Iruña-Veleia eta Euskeraren jatorria elkarteek manifestaziora deitu dute, Aski da! Argitu, ez suntsitu lelopean. Azken bi urteetan "hondeatzaileak sistematikoki eremu arkeologiko oso aberatsak suntsitzeko modu... [+]
Etiopia, 1974ko azaroaren 24a. Lucy-ren hezurdura aurkitu zuten Hadarren, giza arbasoen arrasto zaharrenetakoa. Australopithecus afarensis espezieko hominidoak 3,2 eta 3,5 milioi urteren artean ditu.
Homo espezieen arbasotzat jo zuten orduan, gu guztion amatzat. Mende erdi... [+]
Normandiako erromatar garaiko aztarnategi batean lanean ari zirela, arkeologia ikasle batzuek aurkikuntza bitxia egin dute berriki: buztinezko eltze baten barruan kristalezko flasko txiki bat topatu zuten, XIX. mendean emakumeek lurrina eramateko erabili ohi zuten... [+]
Yamagata unibertsitateko Masato Sakai arkeologo japoniarra buru duen ikerlari talde batek geoglifo ugari aurkitu berri ditu Nazcako basamortuan (Peru). Guztira 303 geoglifo topatu dituzte, orain arte ezagutzen zen geoglifo kopurua ia bikoiztuta. Horretarako adimen artifiziala... [+]
Trebiñu, VI. mendea. Eremita talde bat Las Gobas kobazuloetan bizitzen hasi zen, eta historiaurretik okupatutako Laño ibaiaren haitzarte hartan kobazulo berriak hondeatu zituzten. Hurrengo mendean kobazuloetako bat nekropoli modura erabiltzen hasi zen bertako... [+]
Arkaiako erromatarren eremu termalean San Tomas ibaiari loturiko azpiegitura hidrauliko handi bat aurkitu dute, baita lur azpian 3.000 metro koadroko eraikin bat ere, garai hartako etxalde batenak izan daitezkeen arrastoekin.
Mexikoko Coahuila basamortuan, Bilbaoko dunak izeneko parajean, giza eskeleto baten arrastoak topatu dituzte. Arkeologoek aztertu ondoren, ondorioztatu dute 950-1250 urte artekoak direla eta Candelariako kulturarekin lotuta daudela.
Aurkikuntza berri pozgarria izan da... [+]
Arabako aztarnategi arkeologikoaren ondoan 280 metro luze eta 72 metro zabal dituen egitura ezkutatzen da soroen azpian. Arkikus enpresak drone bidezko kartografia teknika bereziak erabilita egin du aurkikuntza. Euskal Herrian ez da halako besterik eta Tarraco edo Calagurris... [+]
Aurtengo neguan INRAPeko (Ikerketa Arkeologiko Prebentiboen Institutu Nazionala) arkeologoek nekropoli berezia aurkitu dute Auxerreko (Frantziako Estatua) erdigune historikoan: haur jaioberrientzako edo hilda jaiotako haurrentzako erromatar garaiko hilerria. K.o. I. eta... [+]
El Villar aztarnategian 2017an aurkituriko mosaiko erromatar handia zaharberritu eta ikusgai jarri dute Ablitasko kultur etxean. IV. mendeko villa edo etxaldeak 40.000 metro koadro ditu eta oso-osorik dagoela uste dute arkeologoek, nahiz eta zati txiki bat baino ez duten... [+]