Iruñean 400 lanpostu murriztuko ditu Volskwagenek datozen bi urteetan
Auto elektrikorako bidean egokitu beharra duela iragarri du multinazional alemanaren Nafarroako lantegiak, eta horren ondorioz, datozen bi urteetan 400 lanpostu murriztuko dituela jakinarazi die langileei.
Aspalditik datorren kontua da, baina hasi da zehazten apurka: 2024aren erditik eta 2025 artean bi txanda eta erditan egingo dute lan Iruñeko Volkswageneko lantegian, asteazkenean zuzendaritzak langile batzordeari jakinarazi dionez.
Bileran azaldu dietenez, datorren martxoan jada ez du Polo markako autorik egingo, hura lau hamarkadatan bertako produktu izarra izan ondoren. Orain egiten den Taigo markakoa ere ez da egingo 2026tik aurrera, eta konbustioko motorretan T-Cross marka bakarrik mantenduko dute.
2024an 255.000 auto ekoitziko duela iragarri du zuzendaritzak, 2025ean 215.000 eta 2026an 200.000 bat mila. Azken urte horretarako bi auto elektriko fabrikatuko dira Landabenen: Skodako SUV elektrikoa eta Volkswageneko ID2X izenekoa.
Egoera horiek behin-behinekoak lirateke zuzendaritzaren arabera, 2027 eta 2028rako urtero 350.000 auto ekoiztea aurreikusten baitute, eta orduan, berriz ere egungo lanpostu kopurura iristea espero dute.
Ekoizpenaren gainbehera
Azken urteetako salmenta joera ikusita, baina, pentsa liteke oso gaitza izango dela kopuru horiek egiazkoak izatea. Azken hamarkadako bi data aipatzeagatik, 2016an 296.000 auto ekoitzi ziren Iruñeko Landabeneko poligonoan eta 2022an 288.000. Areago, 40 urteko salmenta errekorra 2011koa da 353.353 autorekin.
Datu horiei erreparatuta, beraz, nekez pentsa daiteke ondorengo urteetan produkzio ahalmen hori eta iragarritako enplegu maila berreskura daitezkeenik. Batetik, automozio sektoreak onartuta du askoz auto elektriko gutxiago ekoitziko duela. Bestetik, auto elektrikoa fabrikatzeko errekuntza motorrak egiteko baino langile gutxiago behar dira; bateria da kotxe elektrikoaren pieza garrantzitsuena eta dagoeneko iragarrita dago ez dela Landabenen egingo.
Azkenik, beste faktore garrantzitsu bat aipatzeagatik, Txinako auto elektrikoa indar handiz sartu da Europako merkatuetara: adituen arabera, kalitatez europarra bezain ona izanik 8.000-10.000 euro merkeago saltzen da.
Ekainean jarri du martxan Bilboko Udalak Emisio Gutxiko Eremua, irailera arte isunak jartzen hasiko ez bada ere. Neurri horrek auto zaharren sarrera mugatuko du Bilboko zabalgune burgesera astelehenetik ostiralera. Hasiera batean 2000. urtea baino lehen matrikulaturiko... [+]
2023ko maiatzean iragarri zuten Volvo multinazionalak inbertsio handia egingo zuela Nafarroako Sakanako autobus enpresan. Orain, ordea, akordioa bertan behera gelditu dela adierazi dute bi enpresek.
"Kutxa beltz" baten modukoa izango da EDR gailua: mikrotxip baten bidez, auto bakoitzaren gidatzeari buruzko datuak gordeko ditu. Derrigorrezkoa izango da uztailetik aurrera.
Auto elektrikoen ekoizlerik handiena den Tesla enpresako Suediako 120 mekanikarik grebari ekin zioten urriaren 27an, hitzarmen kolektiboa negoziatzeko, eta inguruko herrialde eta sindikatu nagusietara zabaldu da Musken aurkako boikota. "Elkartasun greba" deritzonaren... [+]
Europako Batzordeak ezarri nahi zuen Euro 7 araua indarrean jartzeko epea atzeratzea txalotu du Arantxa Tapiak: "Lehenago edo beranduago hartu beharreko erabakia zen".
Euro 7 araua, isuriak murriztea helburu duena, aurreikusitakoa baino beranduago sartuko da indarrean: ibilgailu arinen kasuan 2027an eta 2029an astunen kasuan.
Datu-bilketa masiboari eta pribatutasunaren urraketei buruz hitz egitean mugikorrak, ordenagailuak, telebista eta bozgorailu adimendunak… etortzen zaizkigu burura. Inor gutxik aipatuko ditu autoak. Hala ere, gaur egun sentsore, kamera eta mikrofonoz betetako gurpildun... [+]
2030. urterako autoen %15 erabat elektrikoa izatea aurreikusi badute ere, horiek hornitzea ez dela errentagarria izango nabarmendu du Espainiako Estatuko Gasolina-Zerbitzuguneetako Enpresarien Konfederazioko buru Nacho Rabadánek, Iruñean egindako bilkura batean.
Amazonia, 1928. Ford automobil konpainiak Fordlandia izeneko herria eraiki zuen oihanean, Amazonasen ibaiadar Tapajosen ertzean.
Horren ondorioz, txasisak egiteaz arduratzen den Nafarroako enpresak datozen lau urteetan 400 pertsona kontratatu beharko dituela aurreikusten da.
Iruñean 40 urtez Polo autoa egiten aritu ondoren, 2024an Volkswagenek autoa ekoizteari utziko dio. 2026an ekingo dio auto elektrikoa egiteari Nafarroako hiriburuan, baina trantsizio tarte horretan auto produkzioa asko jaitsiko da Landabeneko plantan, eta horrek lanpostu... [+]
Turin, 1943ko martxoaren 5a. FIAT automobilgintza etxeko Mirafiori fabrikako langileek grebari ekin zioten, “ogia, bakea eta askatasuna” eskatuz.
Multinazionalak iragarria zuen Valentzian (Herrialde Katalanak) bateria elektrikoak egiteko lantegi berri bat egin behar zuela, baina orain zalantzan jarri du proiektua, eta kirioak dantzan jarri dira, bestek beste Nafarroan, non 4.600 pertsonak egiten duen lan Iruñeko... [+]
Hornigaien mundu mailako krisiak txip erdieroaleen eskasiarekin jo du goia. Pandemiaren behin behineko ondorio bat dela diotenen aurrean, badira uste dutenak energiaren krisi globalak azaleratutako arazoa dela honakoa. Txipak dira egungo petrolioa, eta bere gailurra gainditu... [+]
Europako autogintzako industriaren geldialdiaren erdian Margrethe Vestager Lehiakortasunerako europar lehendakariordeak iragarri du Europar Batasuneko lehia-politika errebisatuko dutela estatuek mikrotxipen produkzioa diruz lagundu dezaten.