Etxea, gastuak, aktibismoa eta bizitza partekatzen 40 urte daramatzate, baina legeak ez die loturarik aitortzen. “Aldarrikatzen dugu ez dagoela familia ulertzeko modu bakar bat, eta zoriontsuago egiten gaituen eredua aukeratu behar dugula bakoitzak”.
Petra, Marta, Juana eta Pepa dira Les Noies del Carmel dokumental estreinatu berriaren protagonistak. 1970eko hamarkadan jarri ziren elkarrekin bizitzen (hasieran zortzi ziren) eta batera iritsi dira zahartzarora. Lauetako bat gizon batekin ezkonduta dago, baina hori ez da eragozpena.
Etxeko diru-sarrerak bateratzen dituzte (baita lauetakoren bat langabezian egon denean ere) eta etxe irekia da eurena: ezagunek, errefuxiatuek, lagunen seme-alabek… ateak zabalik izan dituzte, lau hamarkada hauetan.
Lauen izenean enpresa bat sortu behar izan dute, etxea enpresa horretako jabetza nagusi gisa jarriz. Hala, lauetakoren bat hiltzen denean saihestuko dute senideren batek eskua sartu ahal izatea partekatua duten etxebizitzan. “Formula legalak bilatu behar ditugu, familia gisa jokatu ahal izateko”.
Muinean, familia eta bizitzeko modu anitzak defendatzen dituzte. Ez dira komunitatean aterpea partekatuz bizi diren bakarrak, baina 40 urteko ibilbidea ez da hain ohikoa.
Familiaz, azalpenak eman beharraz, topikoez, askatasunaz, kontziliazioaz, sareaz eta komunitateaz, erru sentimenduaz, ekonomiaz, traba legal eta administratiboez, haurraren eskubide urraketez... solastatu gara, hautuz gurasobakar diren Argider, Junkal, Koldo eta Maitanerekin... [+]
Udako oporrak gainean, non dagoen uneoro jakiteko erloju adimenduna erosi diozu seme-alabari? Ez duzu bakarrik uzten, arduraz jokatuko ez duen beldurrez? Egungo belaunaldi gaztea inoizko kontrolatuena dela diote The Guardianen, eta dagoeneko adinez nagusi diren heldu... [+]
DBH 3 eta 4. mailako ikasleek datorren ikasturtean beharko dituzten ikasmaterialak diruz lagunduko ditu Eusko Jaurlaritzak lehenengo aldiz, EHIGE Euskal Herriko Ikasleen Guraso Elkartearen aldarrikapen historikoari erantzunez. Seme-alabak maila horietan dituzten familiek, beraz,... [+]
Irati Mogollon soziologoak (Lezo, 1991) hausnarketa saioa bideratu du asteazkenean Laudioko Lezeaga Aretoan. Zaintzaren antolakuntzari buruz hausnartu eta etorkizunera begira jartzea proposatu du, bai jendarte moduan zein banaka.
Matriarkatuaz doktore tesia egina da Anne-Marie Lagarde eta, gurean, gaiari buruzko espezialista egina da. Batean prima, bestean kadet, gure herrietako matriarkatua zertan zen deskribatu eta interpretatu digu, munduan diren formula matriarkalen berri emanez, eta bere historia... [+]
Gurean ere agerikoa den errealitatea islatzen dute Kataluniako datuek: guraso elkarteetan, eskolako bilera eta zereginetan, gurasoei zuzendutako tailerretan… emakumeak dira gehiengoa. “Haurrak heztearen funtzioa amek hartzen dute eta sentsazioa dute gainezka... [+]
Sare sozialetan etxe barruko egunerokoa erakusten duten familiak eta Interneteko erakusleiho erraldoian jolasten, makillatzen edo dantzan jartzen dituzten haurrak milioiak mugitzen dituen negozio bilakatu dira dagoeneko. Adin txikikoak babestuko dituen legedia eskatzen du batek... [+]
Sakanako pertsona zaharrei babesa emateko proiektu pilotua da Teknoadineko Landab. Bizilagunen parte hartzea “funtsezkoa” dela nabarmendu du Nafarroako Gobernuak.
Izaera berezia duten elkarteak eta behar bereziak dituzten haurren familia-elkarteak biltzen ditu Bizipozak, 38 denera. Familia horien errealitatea ikusarazi eta bertatik bertara ezagutzeko asmoz, jaia egingo dute apirilean. Unitate didaktikoak eta material pedagogiko ugari ere... [+]
Zizurkilen gora da Fraisoro, espositoen etxea. Han da oraindik haur abandonatuak jasotzen zituzten eraikina. Ehun urte baino gehiago dira inklusa eraiki zutenetik, eta hamarkada ere badarama gaia lantzen Eva María García Magriñá ikerlariak. Iraganera... [+]
Gizarte Segurantzak baimendutako hamasei asteen laguntza osagarri gisa planteatu du Eusko Jaurlaritzak bi asteko luzapena. 2019tik sektore publikoko langileek baimena eskuratzeko aukera dute.
Bizitza Zaintzeko izenpean, ekonomia soziala ardatz duen irabazi asmorik gabeko elkarte bat sortu dute etxez etxeko sei langilek, Urola Kostan (Gipuzkoan). Ideia sinplea da: enpresen irabaziak langileen esku uztea. Merkatuaren prezioak mantenduko dituzte; hau da, erabiltzaileek... [+]
Orain arte kudeaketa zeraman enpresa pribatuarekin kontratua eten eta Patronatuko Batzordeak erabaki du Zaintza Lanak SL udal enpresa publikoren esku uztea egoitza. Eraikinean obrak egingo dituzte eta egoiliarrentzako lekua murriztuko dute eraberritze lan horien ondorioz.