40 film eskainiko ditu 19. Donostiako Giza Eskubideen Zinemaldiak
Apirilaren 1etik 8ra egingo da 19. Donostiako Giza Eskubideen Zinemaldia, eta Ukraina, memoria historikoa eta babes-eskubidea izango dira gai nagusietako batzuk. Aurten, 24 nazionalitateko 40 film (24 film luze eta 16 labur) proiektatuko dira, Viktoria Eugenia Antzokian gehienak. Bestetik, bi emanaldi izango dira Antzoki Zaharrean, bi pelikula Tabakaleran, eta baita ohiko kolaborazioa Kresala Zineklubarekin ere. Apirilaren 8an ospatuko den galan sari berezia jasoko du EFA Abidin Kaid Saleh – Mendebaldeko Saharako Ikus-entzunezkoen Prestakuntza Eskolak.
Gaur goizean egin dute aurkezpena, eta bertan izan dira Eneko Goia alkatea; Ion Gambra, Gipuzkoako Foru Aldundiko Giza Eskubideetako zuzendari nagusia; Javier Galparsoro, Zehar-Errefuxiatuekin elkarteko lehendakaria; Ainhoa Type, Amnesty International Euskadiko ordezkaria eta Josemi Beltran, Donostia Kulturako zinema programazioko arduraduna.
Beltranek jakinarazi duenez, aurtengo Sail Ofizialean hemezortzi film luzek hartuko dute parte. Munduko bazter guztietatik datozen filmak dira, askotariko gaiei heltzen dietenak: Ali & Ava (interkulturalismoa), Among us women (Afrikan erditzea), Behind the headlines (kontrol-kazetaritza), The breadwinner (Afganistan), Casablanca beats (Maroko eta gazteen rap protesta), Debout les femmes! (emakume zaintzaileen lan-sektorearen zaurgarritasuna), El hombre que vendió su piel (Errefuxiatuak Europa), Fadia’s tree (Palestinako ekuazioa), In search of monsters (Guantanamoko espetxea), Les insulaires (gentrifikazioa), Lingui, les liens sacrés (Ugalketa-osasuna eta abortua), Mali twist (Mali eta Frantziarekiko bere independentzia), Matrioskas. Las niñas de la guerra (Erbestea eta erresilientzia), Matxitxako. Apuntes sobre la marina de guerra auxiliar de Euzkadi (Matxitxakoko gudua), Norte salvaje (Iparraldeko mugak), Nuestra libertad (Abortuaren kriminalizazioa), Trenches (Ukraina-Errusia gatazkaren sustraiak) eta Vaca (Bioetika).
Tabakaleran Arantza Santestebanen 918 gau filma proiektatuko da apirilaren 3an, 17:00etan, eta hurrengo egunean, Sergei Loznitsaren Babi Yar. Context pelikula, 19:00etan. Kresala Zineklubak (Trueba zinema-aretoak) aldiz, Jonas Poher Rasmussen-en Flee pelikula hartuko du martxoaren 29an, 19:30ean.
Urtero bezala, hiru film labur eskainiko dira Donostiako ikastetxeetako ikasleentzat. Aurten, bi pelikula (Zutik! eta Tximinoen izarra) ikusi ahal izango dituzte online ikastetxean bertan; hirugarrena, Maixabel, Viktoria Eugenia Antzokian proiektatuko da eta bertan izango da Maixabel Lasa bera ere. Gainera, sei erakusketa eskaintzen dira zinemaldiaren programazioan, eta apirilaren 2an, Viktoria Eugenia Antzokian, Giza Eskubideen aldeko Pedagogia-Baliabideen laugarren azoka egingo da.
Sarrerak gaur jarri dira salgai (5 euro) Antzoki Zaharreko eta Victoria Eugenia Antzokiko leihatiletan, eta internet bidez. Ikusi hemen 19. Donostiako Giza Eskubideen Zinemaldiari buruzko informazio guztia.
Inguruan dituen emakume sortzaileek halakorik izateak harritu egiten du, baina berak urte askotan izan du iruzurtiaren sindromea. Irauteak erakutsi dio, ordea, gauza asko ondo ere egin dituela. 2021ean Espainiako Estatuko Goya saria irabazi zuen
Maite Arroitajauregirekin... [+]
Irungo ospitale zaharrean jaio zen Fermin 1963an, Muguruza Ugartetarrenean. Azken hamarkadetan euskal musikan eragin nabarmena izan duen artista da. Ez alferrik, bera izan da Kortatu eta Negu Gorriak taldeetako abeslaria eta alma mater-a, Esan Ozenki zigilu independentearen... [+]
Bizkarsoro filma (Josu Martinez, 2023) Donostiako zinema aretoetan proiektatuko dute ostiral honetatik aurrera (hilak 22); SADEko Iñaki Elorzak azaldu duenez, bi aste inguruz proiektatuko dute printzipioz, eta, arrakasta baldin badu, denbora gehiagoz. Hala azaldu dute... [+]
Bizitegi elkarteak 2016a geroztik antolatzen duen duen film eta antzerki jaialdia jada abian da Bilbon.
Azaroaren 8tik 15era egingo dute zine jaialdia. Euskal Herriko zinema lanak ere izango dira pantaila aurrean, besteak beste Tasio filmaren bertsio zaharberritua eta La Muerte de Mikel, filmaren estreinalditik 40 urtera.
Jone Arriolaren “Dena asmatuta dago” filma izan da Urrezko Antzararen irabazlea larunbat honetan ospatutako sari banaketa ekitaldian. Euskal Zinemaren Begiradak Itziar Ituño aktorearen ibilbidea omendu du.
Aurtengoa hirugarren edizioa izango da, eta memoriaren gaia hartuko da ardatz, Kulturarteko Plaza Feministan.
47 urte beteko ditu zine jaialdiak, eta urriaren 16tik 21era, solasaldi eta tailerren bidez euskal zinemagintzaren alor ugari landuko dituzte. “Beti berria den zinema” lelopean, aurtengo jaialdiak zine berria eta istorio berriak kontatu nahi dituzten gazteei keinu... [+]
Urriaren 10etik 17ra garrantzi eta gaurkotasun handiko gai sozialen inguruko hausnarketa era kontzientzia kritikoa sustatzen duten 81 film erakutsiko ditu Bilbon Zinema Ikusezinak. “KDC” (Kultura, Komunikazioa eta Garapena) Garapenerako Gobernuz Kanpoko Erakundeak... [+]
Joan den astean bete ziren 35 urte Son Gokuk euskaraz lehen aldiz egin zuenekoa. 1989ko urriaren 4an izan zen ETB1n Dragoi Bola ematen hasi zirela (1984an abiatu zen anime hau Japonian) eta hura gogoratzeko ekitaldia egingo da Donostian urriaren 20an, igandearekin, lehenbiziko... [+]
Donostiako Zinemaldiak euskal zinemaren ospakizun ekitaldian euskal zinemak euskara gutxi duela esan zuen Edurne Azkaratek eszenatokiaren mikrotik, ozen. Esaldiak burrunba egiten du egiazkotasunagatik. Arkitekturaren eszenan antzerako lema errepika daiteke eta ziur naiz beste... [+]
.jpg)
Euskarazko film batek inoiz zineman izan duen ikusle kopururik handiena du Irati filmak: 160.000 pertsona.
