3.753 ala 37.000: Covid-19 kasuak ofizialki aitortuak bider 10 balira bezala joka dezagun
"Espainiako Estatuan jada 500.000 egon daitezke kutsatuta, dio Oriol Mitjà adituak" plazaratu dugu martxoaren 25 goizean ARGIAk izurriaren albiste laburrentzako daukan Jarraipena atalean. Ordu batzuk lehenago, berriz, beste hau: "Italian kutsatutakoen kopuru erreala izan daiteke ofizialki erabilia bider 10". Iturri fidagarri eta oso kontuan hartzekotik iritsitako informazioak dira. Kontuan hartu beharko genituzke, bai agintariei larritasunaren neurrian jokatzeko eskatzeko baina baita herritarrok ere gure neurri pertsonalak zorrotz betetzeko: inor ez inongo komertzio eta hurbileko harremanetan eskuak eta aurpegia babestu gabe!
Eritasun infekziosoetan erreferentzia errespetatua den Oriol Mitjà ikerlari ezagunak ohartarazi du Espainian dagoeneko 560.000 pertsona egon daitezkeela Covid-19z kutsatuta. Horrek azalduko luke zergatik erakusten duen izurriak hain hilkortasun tasa handia Espainian. Twitterrez zabaldutako txio kate batean dioenez, Alemaniak dauzkan kasu guztien %69 testeatu dituela kalkulatu dute eta, aldiz, Espainiak %5 baino ez. Horregatik, esatea Espainian birusak %6ko hilkortasuna duela gain-estimazio bat da, "positibo errealen proportzio oso txiki bat baizik ez baita diagnostikatu. Kasu errealen kopurua izugarria da, milioi erditik gorakoa".
"Herrialde batzuek beste batzuek baino hobeto jokatu dute Covid-19aren kontra" tituluz abiatu duen txio hari batean, Oriol Mitjàk esan du: "Alemania oso ondo aritu da. Kasu errealen totala apala da han goiz hasi zirelako probak egiten sintoma arinak dauzkaten pertsonei eta horrela frenatu zuten zabaltzea. Heriotza kopurua da benetako kutsatuen %0,3, Espainikoaren berdintsua, benetakoen %0,3 (...) Egon naiteke oker, baina nik dauzkadan datuen arabera alemanak astero 160.000 proba ari ziren egiten sintomak zeuzkaten gaixo guztiei (horren aldean 15.000 Espainian, orain horiek bider 10 biderkatu ditugu".
Konfinamendu neurriak zorroztea eskatzen du Mitjàk izurria frenatu ahal izateko.
𝗛𝗮𝘆 𝗽𝗮𝗶́𝘀𝗲𝘀 𝗾𝘂𝗲 𝗵𝗮𝗻 𝗮𝗰𝘁𝘂𝗮𝗱𝗼 𝗺𝗲𝗷𝗼𝗿 𝗾𝘂𝗲 𝗼𝘁𝗿𝗼𝘀 𝗳𝗿𝗲𝗻𝘁𝗲 𝗮𝗹 𝗖𝗢𝗩𝗜𝗗-𝟭𝟵
— Oriol Mitja (@oriolmitja) March 24, 2020
(Se estima que) Alemania ha diagnosticado al 69% de 36.000 casos, España sólo a 5% de 560.000 casos. (hilo) pic.twitter.com/3seUroEGA9
El confinamiento parcial está funcionando, pero NO es suficiente para evitar el colapso sanitario.
— Oriol Mitja (@oriolmitja) March 23, 2020
La tasa de reproducción (R0) ha descendido de 3.0 a 1.7
Es como levantar el pie del acelerador, pero todavía no hemos pisado el freno (hilo)https://t.co/upcfFiQdWu pic.twitter.com/zCtOLS06Lx
Oriol Mitjà ez da, noski, munduko aditu nagusi eta bakarra baina sinesgarritasun handia lortu du gaztea izanagatik. Eritasun infekziosoei aurre egiteko bide berriak irekiak ditu bai laborategian eta laborategietatik urrun, hau gerra balitz "fronteko lehen lerroan". Pian eritasuna bezalako etsaiei arrakastaz aurre egitea lortu duela esango genuke, Papuan, esaterako. Nazio Batuen Erakundeak saritua du eta 2016an Kataluniako Generalitateak Català de l'Any (Aurtengo Katalandarra) dominaz saritu.
Espainia (Hegoaldeko euskaldunok barne) eta Italia izanik orain artean Europako herrialderik zigortuenak, handik oso antzeko kopuruekin mintzatu da Italiako Babes Zibileko buru Angello Borreli: kazetariei deklaratu dienez Italian Covid-19az errealki kutsatuak izan litezke ofizialki kutsatutzat aipatzen direnen halako hamar. Zehazki 600.000 kutsaturen hipotesia aurreratu du (24 arratsaldera arte Italiak 69.176 kutsatu zeuzkan kontabilizatuta). Aho-bizarrik gabe esan du: "Kutsatutzat zertifikatutako bakoitzaren lekuan egon daitezke hamar".
Angelo Borrelli e il vero numero dei contagiati di Coronavirus https://t.co/7HmfmkcMiS
— informazione interno (@infoitinterno) March 25, 2020
🔴 AHORA | En Italia admiten que podría haber 600.000 contagiados con coronavirus, diez veces más que los registrados
— Tiempo de Noticias TDN ®😷 (@TDN_NOTICIAS) March 24, 2020
Lo reconoció el jefe de Protección Civil, Angelo Borrelli, en una entrevista con el diario La Repubblica. pic.twitter.com/jMOe38CkIO
Horrek esplika litzazke koronabirus honen hilkortasun tasetan herrialde batzuetatik besteetara agertzen diren tarte handiak, eguneroko estatistiketan behin eta berriro kutsatuak-hilakoak proportzioetan batzuen eta besten arteko ezberdintasunak. Txinak 81.171 kutsatu ofizialekin 3.277 heriotza ematen zituen martxoaren 24ra arte. Alderatu Italia, Iran edo Espainiarekin.
Euskal Herrira etorrita, martxoaren 24 arratsaldean denetara 3.753 kasu kontabilizatzen zituen Berria egunkariak (Euskal Herriko estatistikak ondoen eramaten dituenak), batura eginda Eusko Jaurlaritzak eta Nafarroako Gobernuak ordura arte ofizialki zenbatuak eta Iparraldekoetan egunkariak berak ahal bezala jasoak (oso kasu bakanak). Oro har Hego Euskal Herrian Covid-19 sintomak dituztenak testeatzerakoan Espainiako irizpide bera jarraitzen delarik, bider 10 egiteko errutina jarraituta asmatuko genuke. Beraz, utikan konplexuak: zenbat zeuden Covid-19z kutsatuta martxoaren 24an Euskal Herrian? 37.000 jende.
Nork bere txokora ekarrita, bizi naizen herrian Eusko Jaurlaritzak martxoaren 24an 13 positibo zeuzkan kontabilizatuta. Horregatik izango da oraindik hainbeste herritar sartzen ikusi dudala komertzioetan aurpegia estali barik. Zenbat eta zaharrago, orduan eta babes gutxiagorekin harremanetan... alferrik galtzen Covid-19 uzten ari zaigun babesaldi hau, oharkabean atzeratzen berriro bizimodu normalera itzultzeko epea. Esango bagenu gure txokoan 13 herritar ez baina 130 daudela jada Covid-19ak jota?
P.S. 13:45etan. Kazetari hau zur eta lur geratu da EITBk ordu honetan Eskaintzen zuen albistearen irudiarekin. Jainkoaren izenean... non daukagu burua?
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.
Bilboko Lan Arloko Epaitegiak arrazoia eman dio ELA sindikatuari eta ezintasun iraunkor absolutua onartu dio COVID19 iraunkorra duen osasun zentro bateko zeladore bati.
Espainiako Gobernuko Osasun ministro Carolina Dariasek jakinarazi duenez, Ministroen Kontseiluak otsailaren 7an sinatuko du garraio publikoan musukoa derrigorrezkoa ez izatearen dekretua.
Txinan derrigorrezko isolamendu neurriak kendu dituzte nazioarteko bidaiarientzat, eta eguneroko kutsatzeen datuak emateari utzi. Politika aldaketa baten ondorioz dira neurriok, baina egoeraren kontrolik ezak nazioartean izan dezakeen eraginaz ohartarazi dute zenbait adituk.
Iraungi diren gehienak Pfizer markakoak dira, Europar Batasuneko hornitzailerik handiena.
Milaka herritar kalera atera dira hiriburu nagusietan, Txinako Gobernuaren zero COVID estrategiak eragiten dituen kalte ekonomikoak eta psikologikoak salatzera. Aspaldi ikusi gabeko mobilizazioetan orri zuria erakusten dute manifestariek, zentsura irudikatzeko. Pandemia hasi... [+]
Sumindura pikor batekin hartu dute batzuek zero-covid estrategiaren inguruan Renmin Ribao egunkari txit ofizialak aste honetan bertan argitaratu duen artikulu-segida. Ondorioztatu baitute –zuzen, behingoz– Beijingeko agintariek, Partiduaren XX. Kongresua amaitu... [+]
Heriotza, drama, lana, luizia, mina, angustia. Mugak, neurriak, grinak, maitasuna eta sendia. Inauteria. Zaldibar eta pandemia; bizitza zabortegian. Estreinatzear da Axut eta Artedrama antzerki konpainiek elkarlanean sortu duten azken lana: Hondamendia. Urriaren 14an egingo dute... [+]
"Azken txanpan" sarturik, arrisku taldeak txertatu, aldagai berriak kontrolatu eta osasun sistemak hobetu behar direla dio MOE erakundeak.
Irailaren 1ean ekin diote 2022-2023 ikasturteari Zuberoan, Nafarroa Beherean eta Lapurdin, COVID-19aren aurkako neurririk gabe. Berrikuntza gehiago ere izan dituzte: Seaskako ikastola eta kolegioetan ehun ikasle gehiago dituzte, eta Irisarrin, Larrainen eta Barkoxen murgiltze... [+]
Ikerketan ia 40.000 hilekodun pertsonek parte hartu dute eta haietatik ziklo erregularra dutenen %42k txertoaren ondoren odoluste handiagoa izan dutela ondorioztatu dute ikerketan.