36ko Gerran fusilaturiko Diputazioko 34 langileak omenduko ditu Nafarroako Gobernuak
Ekitaldia Nafarroako Jauregian eginen dute hilabete honetan. Fusilatutako herritar horien senitartekoekin harremanetan jarri nahi du Gobernuak.
Gerra Zibilean hil zituzten 34 funtzionarioei omenaldia egin nahi die Nafarroako Gobernuak. Irailean egin nahi dute omenaldia eta fusilatutako herritar horien senitartekoekin jarri nahi dute harremanetan. Horretarako, herritarren arretarako telefonora dei dezakete omenaldian parte hartu nahi dutenek (948 012 012) edo posta elektronikora mezua bidali, navarra@navarra.es helbidera.
Nafarroako Jauregian egin nahi dute ekitaldia. Nafarroako Gobernuko Presidentea izanen da ekitaldi horretan, Uxue Barkos, eta hainbat agintari ere izanen dira. Fusilatutakoei eskainitako plaka bat jarriko dute Jauregiaren aurreko aldean, fatxadan, guztien izen-abizenekin. Nafarroako Gobernuak Nafarroako Diputazioko langileen memorian, omenaldia egin die 1936ko Gerra Zibilean errepublika defendatzeagatik hil zituztenak, horixe da 34 fusilatuak omentzeko xaflak jasoko duen esaldia.
Omenaldia eginen zaien 34 horien artean bidezainak ziren gehienak (15), makinistak, zurginak, igeltseroak, okinak, sakristauak eta ikuskatzaile bat, besteak beste. Nafarroako Gobernua harremanetan jarri da memoria historikoarekin lan egiten duten elkarteekin eta lortu dute fusilatutako herritar horien senitartekoekin hitz egitea. Dena dela, 34 horien familiekin lortu nahiko luke kontaktua.
34 langile publiko fusilatu zituzten
Basilio Aedo Urra; Manuel Alfaro Alayeto; Esteban Amezqueta Blanco; Francisco Arbeloa Sada; Martin Artola Morras; Pedro Belloso García; Calixto Ezker Mayo; Tomás Ganuza León; Felipe García; Benito Garcia Calvo; Victorino Garcia Enciso; Sotero Garcia Lazaro; Félix Garcia Resano; Ramón Huder Ansa; Eusebio Ijurra Astrain; Fermin Irigoyen; José Manuel Landa Elorza; Isidoro Latienda Asiain; Francisco Lizarza Martínez de Morentin; Adrian Luquin Eraso; Félix Luri Amigot; Luis Pablo Martínez Ibañez; Esteban Monasterio Carcar; Rodolfo Muerza Saraldi; Francisco Mula Castro; Francisco Pascual Maeztu; Ramon Ramos Garcia; Aureo Remirez Ibarrola; Mariano Rios Pérez; José Roa García; Lucio Sainz Ursua; Ignacio San Pedro Chocolonea; Aniceto Soto Pérez eta Gil Valerio Sainz. Horiek dira 34 langileak.
Astelehenean abiatu zituzten lanak eta frankismo garaiko 20 biktima berriren gorpuak topatu dituzte honezkero. Asteburura arte luzatuko dute gorpuzkiak lurpetik ateratzeko hirugarren kanpaina.
Donostiako Udalak Mikel Zabalza Garateren (1952-1985) omenezko plaka bat jarriko du larunbat honetan (hilak 30), Guardia Zibilaren Intxaurrondoko kuartelaren aurrean (Baratzategi kalea, 35). Guardia Zibilak gaurko egunez atxilotu zuen Zabalza, 1985ean, Altzako bere etxean... [+]
Nafarroako Fusilatuen Senitartekoen Elkarteak gogor kritikatu du Iruñeko Erorien Monumentuaren inguruan EH Bilduk, Geroa Baik eta PSNek egindako akordioa. "Pedagogia" egiteko toki hobeagoak daudela dio eta interpretazio zentroari Maravillas Lamberto izena... [+]
Iruñeko Erorien monumentua faxismoaren salaketarako eta memoria demokratikorako Maravillas Lamberto interpretazio zentroa bilakatzea adostu dute EH Bildu, PSN eta Geroa Baik. Eraikinaren parte bat eraitsiko dute, eta adiera frankistako elementuak kendu edo estaliko... [+]
"88 urteko isiltasuna nahikoa da; gure herritarrek behingoz aitortza ekitaldi bat merezi dute"
Espainiako eta Frantziako Estatuak “nazio askapen mugimendua ito” nahi dutela ohartarazi du Sortuk, eta Santi Brouard eta Josu Muguruza HBko militanteen erailketak estatu biek egiten duten “gerra zikinaren parte direla” adierazi du.
Saturraran Elkarteak antolatuta, Oroimen Eguneko ekitaldian batu dira larunbatean 1939tik 1944 bitartean Saturrarango Emakumeen Kartzela egon zen inguruan, bertan preso egondako emakume eta umeak oroitu eta omentzeko.
Egun hartan Espainiako Poliziak bost langile hil zituen eta dozenaka zauritu. Orain, identifikatu gabeko beste zazpi zauritu aurkitu dituela iragarri du Martxoak 3 elkarteak. Oraindik, alabaina, ez dute lortu zauritutako beste 20 pertsona identifikatzea.
Espainiako Gobernuak dokumentu bat helarazi die Salvador Puig Antichen arrebei, Oroimen Demokratikorako ministro Ángel Víctor Torresen eskutik. Frankismoak anarkista katalanari jarritako heriotza kondenaren “baliogabetasun akta” dela diote. Harrigarria... [+]