34. urtemuga ospatuko du Gasteizko Gaztetxeak apirilaren 26tik 30era
"Hogeitamalas" lelopean kaleratu dute 2022ko urtemugako egitaraua. Tailerrak, auzolana, bazkaria eta kontzertuak antolatu dituzte aste osoan zehar gaztetxearen hogeita hamalau urteak ospatzeko.
Gasteizko Gaztetxeak 34 urte beteko ditu aurten. Zehazki, apirilaren 28an beteko dira hogeita hamalau urte Gasteizko Alde Zaharreko Gotzaindegiko kotxetegia zenaren atea ostikoz bota eta okupatu zutenetik, Gasteizko Gazte Asanbladaren ekimenez, 300 lagun inguru bildu zituen manifestazioan. 1988an izan zen hori.
Aurten, 34 urtez etxeak zutik dirauela ospatzeko, Gaztetxeko asanbladak aste osoko egitaraua antolatu du, "Hogeitamalas" lelopean. Apirilaren 26an, asteartea, askotariko tailerrak izan ziren gaztetxean arratsaldez: bulder topaketa, pandero tailerra eta kartelgintza. Asteazkenean, apirilak 27, Berrizeko Seiurte eta Azkoitiko Hartz rock taldeen kontzertuak izango dira, 19:00etatik aurrera.
Apirilaren 29an, osteguna, auzolan irekia egingo da gaztetxean, eta elkarrekin lan egin eta ondo pasatzera etortzeko deia luzatu die asanbladak kolektibo zein norbanakoei. Goizeko 10:00etan hasita, egun osoz egongo da gaztetxean lana.
Azkenik, larunbatean, hilaren 30ean, egun osoko jaia egingo da, urtemugari amaiera emateko. Eguerditik hasita, marianitada eta mural margoketa izango dira gaztetxean, 13:00etatik aurrera. Bazkari herrikoia ondoren, Auzolana pilotalekuan. Astelehenetik aurrera egongo dira tiketak salgai Hala Bedi Tabernan, 5 euroan.
Bukatzeko, lau taldek kontzertuak emango dituzte gaztetxean: Gamarrako Kandido KK rokanrol taldea; Lekeitioko Zikin, punk taldea; Getariako Oki Moki; eta AEBko Hotline TNT taldeak.
Gasteizko Gaztetxearen 35. urteurrena ospatzeko jaialdira bertaratu da Udaltzaingoa, kontzertuak debekatuz eta soinu teknikaria atxilo eramanda.
Errekaleor, Olarizuko etxe okupatuak, Alde Zaharrekoak... Hautu politikoz zein behar gorri hutsez okupatzen dutenen aurkako bandera harro altxatzen du Gasteizko EAJko alkate Gorka Urtaranek, PPren diskurtsoa –eta bozak– bere eginez. “Lapurrak”,... [+]
20 urte dira 198 iratxok Gasteizko kaleak hartu zituztela, 2002ko urtarrilaren 25ean. “Metro erdiko izakitxoak, aurpegi zirtolarikoak eta belarri estu-luzeak zut, irribarretsu, kolore biziz jantziak”. PPko alkate Alfonso Alonsok begiz jota zuen Gasteizko gaztetxea,... [+]
"Gure guneak gal ez ditzagun, gaztetxeak defendatzeko hautua egin behar dugu, hauen gaineko kontrola eta erabilera bermatu ahal izateko". Horretarako, Gasteizko Gaztetxeak elkarreteratzera deitu du asteazkenean, eta manifestazioa larunbatean.
Herri honen memoria kolektiboari ale bat eskaintzea xede, egitarau mardula prestatu du Gasteizko Gaztetxeak martxoaren 3tik 28ra bitartean. "Erresistentzia ekintza da memoriari eutsi eta bizirik mantentzeko lan egitea", diote Zapalduon memoria jardunaldien... [+]
Hala Bedik jakinarazi duenez, gazteak aste honetan izan du epaiketa 2019ko gertakariengatik, eta hiru urte eta bederatzi hilabeteko zigorra ezarri diote. Hurrengo asteotan sartu beharko du espetxean. 2019ko urtarrilaren 1eko goizaldean istiluak izan ziren Poliziaren eta gazteen... [+]
Hiriko dozenaka eragile sozial, kultural eta politikok Gasteizko Gaztetxearen aldeko agerraldia egin dute. Urriaren 5ean Udaltzaingoa baimenik gabe sartu zen gaztetxera, eraikina hustu eta barruan zeuden dozenaka gazteei isunak jarriz. Gaztetxeak uneoro arduraz jokatu duela... [+]
Gasteizko Gaztetxeak agerraldia egin du "erasoa" salatzeko. Astelehen gauean eraikinera sartu, hainbat gazte identifikatu eta isundu, eta eraikina hustu zuten udaltzainek. Antolakuntza eta autodefentsarako deia egin du Gazte Asanbladak.
2019ko urtarrilaren 1eko goizean, Udaltzaingoak bost gazte atxilotu zituen Gasteizko Gaztetxean. Istiluengatik auziperatutako lau gaztek zigor txikiagoa onartu dute, eta ez dira kartzelara joango.
Gasteizko proiektu autogestionatuek egitarau bateratua osatuko dute inauterietarako: deabruz mozorrotu eta "kapitalaren hiria" infernu bilakatuko dute otsailaren 22an.
Bi data berri aurkeztu ditu Muinoko Hotsak egitasmoak: urtarrilaren 31a eta martxoaren 14a. Gaztetxeko oholtza gainean, berriz, Lepora, Lisabö, Red Iron Squad eta Sexty Sexers taldeak.
Gabon zahar gauean "Aterpe" ostatuan lanean ari ziren langileen izen-abizenak eskatu ditu Gasteizko Udalak. ELA, LAB eta ESK sindikatuek ohartarazi dute, Gasteizko Gaztetxearen ondoan dagoen aterpetxeko langileen Datu Pertsonalak Babesteko Legea urratu egin dela... [+]
Gasteizko Gaztetxeko Gazte Asanbladako kideek aurpegia eman dute hedabideen aurrean urtarrilaren 1eko gertaerak argitzeko. Urtarrilaren 1eko arduradu zuzena Udaltzaingoaren mandoarena izan zela uste dute, muinoko etxearen solaskide bakarrak auzokideak eta eragileak direla... [+]
Udaltzaingoaren dozenaka agentek borra zabalgarriekin kargatu dute Gasteizko gaztetxea eta bost gazte atxilotu dituzte. Epailearen aurrean deklaratzeko zain aske geratu dira dagoeneko, Hala Bedi irratiko webgunean irakur daitekeenez.