34 urteko gizon bat atxilotu dute Oiartzunen, pertsonen legez kanpoko trafikoa egotzita
Furgonetan “egoera irregularrean” zeuden hamabi pertsona zeramatzala adierazi du Ertzaintzak. Bidaiariek onartu dute Frantziatik Portugalera joateagatik 300 eta 600 euro artean ordaindu dituztela.
Abuztuaren 27ko goizaldean 34 urteko gizon bat atxilotu du Ertzaintzak A-8 autobidean, Oiartzunen (Gipuzkoa) parean. Furgoneta gidariak hamabi gizon zeramatzan Frantziatik Portugalera, eta guztiak “egoera irregularrean” dauden migranteak direla esan du Ertzaintzak. Adierazi dute furgoneta “alderrai” zirkulatzen ari zelako geldiarazi dutela, eta pertsonen legez kanpoko trafikoa leporatu diote.
Furgonetan zeuden hamabi pertsonak identifikatu dituzte, eta bidaiariek onartu dute Frantziatik Portugalera joateagatik 300 eta 600 euro artean ordaindu izana. Atxilotua polizia-dependentzietara eraman dute, eta bidezko eginbideak amaitzean, epailearen esku utziko dute.
Hego eta Ipar Euskal Herriko muga pasatzen laguntzea diru truke
Ez da lehen aldia uda honetan horrelako gertaeraren bat izan dena. Uztailean 51 urteko gizon bat atxilotu zuten Baionan, pertsona migranteei diru truke Hego eta Ipar Euskal Herria bereizten dituen muga pasatzen laguntzeagatik. Irunen (Gipuzkoa) bi pertsona saharar jaso eta autoan Ipar Euskal Herrira eraman zituen. Baionako epaitegi batek hamabost hilabeteko kartzela-zigorra jarri zion, eta bost urtez Frantziako Estatura sartzea debekatu.
Azken hilabeteetan beste lau pertsona atxilotu dituzte antzeko praktikengatik, hainbat iturriren arabera.
Hendaiako komisarian deklaratu dute asteazken goiz honetan, eta segidan atxilotu dituzte, martxoaren 14an Korrika Irundik Hendaiara iragan zen egunean “talde antolatuan migratzaileak Frantziako Estatuan sartzen laguntzea” leporatuta. Zazpi herritarren aldeko... [+]
Gobernuak argudiatu du "migrazioaren karga handia" eta "terrorismo islamistaren arriskua" areagotu direla.
Avenida zubiak 24 ordu eskas baino ez ditu eman zabalik. Frantziako Gobernuak atzera ere itxi egin du, astelehen arratsaldean txirrindulariak Lapurdira pasa ondoren.
2021eko urtarrilean itxi zuen Frantziako Gobernuak bi herrien arteko oinezko pasabidea. Erakundeek, elkarteek eta gizarte mugimenduek maiz egin dute irekitzeko eskaera, eta oraingo honetan baiezkoa eman du Frantziako Gobernuak.
Bi herrialdeetako Polizien “kooperazio handiagoa” nahi luke Frantziak, bere ustez, “bigarren mailako mugimenduak” daudelako oraindik ere bi estatuen artean. Urtarrilaren 19an batzartuko dira bi agintari nagusienak Bartzelonan, Laguntasun eta Kooperazio... [+]
Frantziako polizien presentzia eta kontrola etengabea da Irun eta Hendaia artean, eta beste sei hilabeterako berritu du kontrola Frantziako Gobernuak. Migratzaileen joan-etorria oztopatzea helburu duten kontrolak direla ulertuta, eragile ugarik protesta egin dute mugako zubian,... [+]
Martxoaren 12an desagerturiko etorkina ote den ikertzen ari dira. Egun horretan Bidasoa ibaia zeharkatzen saiatu ziren hiru migrante; haietako bik Biriatura heltzea lortu zuten, baina hirugarrena desagertu egin zen.
Migrante eta iheslari guztientzat bide seguruak eta erregulazioa eskatu dituzte Trintxerpe eta Donostia batu dituen Arrazakeriaren eta Xenofobiaren Aurkako 25. martxak.
Pairatu jazarpen hau dela eta, haien "harridura" eta "mina" nabarmendu dute Etorkinekin elkartasun sarekoek. Migratzaileak laguntzen segituko dutela argi utzi du Ipar Euskal Herriko kolektiboak.
"Terroristen mehatxuak izugarri handia izaten segitzen duelako", Frantziak dituen muga administratiboek hetsirik segituko dute gutxienez apirilaren 30a arte. Bidean dabiltzan etorkinei traba arriskutsu hau inposatzen segitzen du beraz Frantziako Gobernuak.
Urriaren 12an Ziburun trenak atzemandako lau lagunetatik bakarra atera da bizirik. Polizia judizialari zehaztu dio poliziaren kontrolak saihesteko zirela trenbidean.
Hego eta Ipar Euskal Herri arteko mugan, trenbide bazterretan, gauean… migratzaileen harrapaketan polizien kontrolak asko areagotu direla eta pertsona horien kontra Frantziako Polizia bidegabeki jokatzen ari dela salatu du hainbat elkartek: “Errefuxiatuen eskubideak... [+]
Irun eta Hendaia arteko mugen hestearekin, Afrikatik heldu migranteentzat bereziki gaitz da mugaren zeharkatzea.
EH Bai koalizioak deiturik, berrehun bat lagun elkartu ziren larunbatean Saran eta Hendaian, Frantziako Gobernuak Ipar eta Hego Euskal Herriaren arteko errepide batzuk hetsi izana salatzeko.
Bluetooth bidez, positibo eman duten pertsonen mugimenduak jarraitu ahal izango dituzte, eta haiekin harremanetan egon direnak prebentiboki isolatu. Horrez gain, erabiltzailearen historial medikoa gordeko du eta eguneroko sintomen agenda bete ahal izango du erabiltzaileak... [+]