33 argitaletxe izango dira aurtengo Ziburuko Euskal Liburu eta Disko Azokan
Ekainaren 4an egingo da Baltsan elkarteak eta ARGIAk elkarlanean antolatzen duten Ziburuko Euskal Liburu eta Disko Azoka. Hirugarren edizioa du, eta urtez urte argitaletxeen parte-hartzea eta denen artean euskal edukiz jantziko dituzten mahai kopurua nabarmen handitzen ari da.
Baltsan elkarteak jakitera eman du hirugarren edizio honetan parte hartuko duten argitaletxeen zerrenda. Ekainaren 4an Ziburuko plaza euskarazko liburu eta diskoek hartuko dute: 33 argitaletxe izango dira bertan eta denen artean 92 metro erakusmahai jarriko dituzte.
Urtez urte nabarmen gehitzen doa nazio mailako azokan beren lanak erakusgai jartzen dituzten argitaletxeen kopurua: lehen edizioan 17 argitaletxek hartu zuten parte eta 52 metro mahai izan ziren. Iaz 22 argitaletxe bertaratu ziren eta 62 metro mahai osatu zituzten. Eta aurten 33 argitaletxera igo da kopurua eta 92 metro mahai beharko dira denen eskaintzei leku egiteko.
Azokan parte hartuko duten argitaletxeak
Liburugintza arloko 24 argitaletxek jarriko dituzte beren mahaiak Ziburuko plazan:
Alberdania
Argia
Bertsolari aldizkaria
Bibliothèque Sonore de Biarritz
Dakit
Elkar
Erein
EHko gazteluak
Euskaltzaindia
Gara
Gatuzain
Gure Berriak
Harrera
Harriet
Hatsaren Poesia
Igela
Ikas
Jakin
Maiatz
Pamiela
Susa
Txalaparta
Xabiroi
Zortziko
Musika arloko 9 argitaletxe hauen mahaiak bisitatu ahalko dira Ziburun:
Adar
Alkimia Prod
Baga Biga Prod
Balio Dute
bIDEhUTS
Kalakan Trio
Kalapita Prod
Mairu
Sutagar
2019an hasi zen Ziburuko azoka eguneko ekitaldi gisa, baina azken urteetan azoka egunaz aparteko ekitaldiak antolatu izan dira inguruko herrietan ere: Azokaroa da. Ladix Arrosagarai Baltsan elkarteko kidearekin mintzatu gara Azokaroaren nondik norakoez.
Ziburuko Liburu eta Disko Azokaren 6. edizioa ekainaren 7an izango da. Girotzeko eta azokaren eragina inguruko herrietara zabaltzeko, aurreko asteetan zehar sei ekintza kultural antolatu dituzte Baltsan elkarteak eta ARGIAk elkarlanean. Lehena martxoaren 30ean izango da,... [+]
Apirilaren 30etik aurrera Azokaroa-ren lehen printzak sumatuko dira Ipar Euskal Herriko zenbait txokotan. Uxue Alberdi egongo da Hetero liburua aurkezten, Maialen Lujanbiok errezetaldia eskainiko du eta Maddi Sarasuak bere liburuaren aurkezpen musikatua egingo du senide eta... [+]
Euskara hutseko liburu eta disko azoka euskaraz “normalki, lasaiki eta naturalki” bizitzeko gunea bilakatu da. Urtez urte ekitaldiak aurrera egiten du eta euskaltzaleentzat ekitaldi garrantzitsuenetako bat bihurtu da, azokaren antolatzaileek nabarmendu dutenez... [+]
Ziburuko Euskal Liburu eta Diskoen Azoka iragan da ekainaren 1ean, 40 bat argitaletxe eta diskoetxe eta milaz gora bisitari elkartuz herriko plazan. Euskara ala ezkara lelotzat zeukan bosgarren edizio horren balorapen baikorra egin dute antolatzaileek: jendetza bertaratu da,... [+]
Ziburuko Euskal Liburu eta Diskoen Azoka iragan da ekainaren 1ean, 40 bat argitaletxe eta diskoetxe eta milaz gora bisitari elkartuz herriko plazan. Euskara ala ezkara lelotzat zeukan bosgarren edizio horren balorapen baikorra egin dute antolatzaileek: jendetza bertaratu da,... [+]
Berrogei argitaletxe eta diskoetxe, horietarik bederatzi berri, eta 120 salmahai bosgarren Ziburuko liburu eta disko azokan. Ekainaren lehenean ospatuko dute Baltsan elkarteak eta Argia hedabideak
Argitaletxeez gain, diskoetxeak egonen dira Ziburuko Azokaren baitan. Horietariko batzuen sorkuntzak zuzenean deskubritzeko parada izanen da aurtengoan ere azoka.
Urtean bertan argitaratutako lanak izaten dira protagonista Ziburuko Euskarazko Liburu eta Disko Azokan. 2024an argitaratu eta Ziburuko azokara eramango dituzten liburu eta diskoen zerrenda iragarri dute bertan egongo diren 33 liburu-argitaletxe eta 3 diskoetxeek. Era guztietako... [+]