300 lanpostu irregular antzeman zituzten hilero EAEn iaz
Euskal Autonomia Erkidegoko lan ikuskaritzak 3.539 lanpostu irregular antzeman zituen 2013an, ia 300 hileko.
Ezkutuko ekonomia kasu horiek hiru kategoria desberdinetakoak izan daitezke: Gizarte Segurantzan alta eman gabe kontratua egitea; enpresan bertan izena eman gabe egotea; eta lan baimenik gabe atzerritik datozen pertsonei lana ematea.
2013ko ikuskatze lanek 40,5 milioi euroko iruzur fiskala azaleratu dute. Gizarte Segurantzari ordaindu gabeko edo gutxiago ordaindutako kuotek osatzen dute zifra hori: 26,6 milioi euro Bizkaian, 9,2 Gipuzkoan eta 4,7 Araban.
Kasu horien harira irekitako espedienteek, gainera, 458.000 euroko isunak eragin dituzte.
2013an 2012an baino % 78 gehiago
Lan Ikuskaritzak azaleratu dituen ezkutuko ekonomia kasuak nabarmen hazi dira 2013an. 2012an baino %78 kasu gehiago hauteman dituzte.
Carlos Garcia, Lan eta Gizarte Segurantzako EAEko zuzendariaren esanetan bi faktore izan dira iruzur kasuak puztea eragin dituztenak: Ikuskaritzak iruzurrarekin amaitzeko lan handiagoa egin izana eta krisiak jende gehiago bide horretara eraman izana.
Irregulartasunen erdiak, 1.755, Bizkaian antzeman dira; 1.153 Gipuzkoan eta 631 Araban.
Bestalde, ikuskaritzak itxurazko 55 enpresa ere azaleratu ditu. Enpresa horietan kontratu faltsuak egiten dira, nekazaritzan eta etxeko langileen sektorean gehien bat.
Lan baimena behar duten atzerritarrei, langabezia kobratzen jarraitzeko kotizazioa behar duten pertsonei edo bestelako gizarte laguntzaren bat eskuratu nahi dutenei egin ohi zaizkie kontratuok.
2014rako, Ikuskaritza Sailaren lehentasunetako bat kotizazio gastuak murrizteko lanaldi partzialeko kontratuak egin eta lanaldi osoko lanak eskaintzen dituzten enpresak agerian jartzea izango da, Carlos Garciaren esanetan.
-(1).jpg)
The Guardian egunkariak Épernayn (Frantzia) txanpain-industrian aritzen diren migratzaileen egoera aztertu du. Ikerketak agerian utzi ditu luxuzko xanpaina-marken mahastietan lan egiten dutenen baldintza prekarioak eta legez kanpokoak.
Garraio sektorean aritzen diren hamabi behargin hil dira aurten. LABek azaldu du garraio sektorean gertatzen diren heriotzak “erabat saihesteko modukoak” direla, eta horretarako borondate politikoa “besterik ez” dela behar, bai erakunde publikoen eta bai... [+]
Petronorreko langileek borrokarako eguna izan dute osteguna. Enpresa batzordeak deituta, lanuztea egin dute eta Barakaldoko BECen elkarretaratu dira, konpainia urteko batzarra egiten ari zen tokian. Salatu dute diru publikoa jaso arren "enplegua suntsitu" besterik ez... [+]
Lanbidek Diru-sarrera Bermatzeko Errentetako iruzurraren aurkako kanpaina jarri du martxan, eta salaketetarako buzoi anonimoa sortu du. Jaso dituen kritikei erantzunez, adierazi du buzoi hau salaketak eta jakinarazpenak ordenatzeko tresna huts bat dela. Ez du ez klase... [+]
Azken astean sindikatuak 5 heriotzaren berri izan du eta dagoeneko 26 dira Nafarroan lanean hil egin diren edo beste erkidegotan beharrean zendu diren nafarrak. Alarma gorria pizteko moduko datuak LAB sindikatuaren iritziz.
Astelehen honetan zendu da langilea Muskizeko enpresan, mantentze lanak egiten zituen bitartean. Zerbitzu medikuek berehala esku hartu bazuten ere, ez zuten lortu suspertzea. UGT sindikatuak lan istripu honen arrazoiak ikertzea exijitu du.
56 urteko garraiolari lesakarra hil zen lanean Irunen, kamioia kargatzen ari zela. Transportes Etxetrans enpresako langilea zen. Aurten 11 garraiolari hil dira lanean, horietariko asko, azken hau bezala, bihotzekoak jota LAB sindikatuak ohar batean jakinarazi duen bezala... [+]
Geltokiko kafetegi bateko kristalak garbitzen ari zela, hiru metroko altueratik erorita zendu da 55 urteko gizona. Aurten Euskal Herrian lan istrupuengatik hil den 54. langilea izan da.
Langilea eskualdekoa zen eta Zamalloa enpresa azpi-kontratatuarentzat egiten zuen lan.
Ezbeharretatik egun gutxitara zendu dira langile biak. LAB, ESK, STEILAS, EHNE-etxalde eta HIRU sindikatuek osatutako intersindikalak kontzentrazioa egingo du urriaren 31an Bilbon Confebask patronalaren egoitzaren aurrean heriotza biak salatzearren. Aurten 50 dira jada... [+]
56 urteko langile bat hil da Lizarran, Agralco (Agrupacion Alcoholera de Bodegas Cooperativas) biltegian lanean ari zela. 10:00ak aldera gertatu da ezbeharra, Lizarran la alcoholera moduan ezagutzen den nekazaritza hondakinen biltegian.
LAB, CGT, Steilas, ESK, EHNE eta Hiru sindikatuek salatu dituzte Nafarroan altueratik erorita hil diren hamar langileen kasuak.
Loiun (Bizkaia) eta Olletan (Nafarroa) hil dira langileak, astearte goizean, biak erorikoen ondorioz. Aurten Euskal Herrian 47 behargin hil dira laneko istripuetan. Nafarroan hamabi lan istripu izan dira aurtengo lehen seihilekoan, eta lan istripuen intzidentzia tasan datu... [+]
Lan-istripu larria izan zen igandean Funesen (Nafarroa), Elaborados Naturales de la Ribera del Ebro elikagai-enpresan. 29 urteko gizona gauean bertan erietxean hil zela jakinarazi zuen Foruzaingoak.