300 atxilotutik gora Parisen Klima Aldaketaren Goi-bileraren bezperan
Azaroaren 13ko atentatuen ostean manifestatzeko ezarritako debekuak indarrean jarraitzen badu ere, COP21 Klima Aldaketaren Gailurraren bezperan 10.000 pertsona elkartu dira Frantziako hiriburuaren erdigunean. Poliziak gogor betearazi du manifestatzeko debekua: Errepublikako plaza hustu eta 317 pertsona atxilotu ditu.
Attac Frantzia eta Alternatiba elkarteek antolatuta 10.000 pertsonak giza katea egin dute COP21 Klima Aldaketaren bezperan. Hiru kilometroko katea osatu dute Errepublikako plazaren eta Aberriko plazaren artean. Bestalde, Avaaz erakundearen deialdiarekin bat eginez manifestazioan egon ezin izan direnengatik 10.000 pare zapatarekin bete dute Errepublikako plaza.
Polizia giza katearen hasierara joan da eta elkarretaratzea desegin du. Manifestarien aurka kargatu du negarra eragiteko gasa baliatuz. Manifestari gehienek modu baketsuan eutsi diote kargei eskutik helduta. Batzuek ordea, aurre egin diete Errepublikako plazan, memorialeko objektuak eta ekitaldian erabilitako zapatak botaz. Poliziak manifestariak plazan inguratu eta 341 atxiki ditu. Identifikatu ostean, 317 manifestari zaintzapean jarri dituzte.
Taranis News-ek ordu erdi pasatxoko bideo honetan jaso ditu gertakariak.
Olivier Besancenot NPA ezkerreko alderdiko kideak atxiloketak salatu ditu: “Antolatutako martxa bati eraso dio poliziak. Egun beltza da protesta eskubiderako”. Klima Aldaketaren Gailurraren harira, 6.300 polizia eta militar hedatu dituzte Parisen, eta mugimendua mugatuta egongo da.
Protestak mundu osoan zehar
Parisko martxaren antolatzaileek COP21 gailurrak irauten duen bitartean aurreikusitako protesta eta mobilizazioekin jarraitzeko deia luzatu dute. Besteak beste, Herritarren Klimaren Goi-bilera eta Alternatiben Herrixka Globala abenduaren 5ean eta 6ean Montreuilen (Frantzia), Aldaketa Klimatikoaren Aurkako Ekintza abenduaren 7an eta mobilizazioa abenduaren 12an Parisen.
Frantziatik kanpo manifestazioak antolatu dituzte munduko hiri askotan. Antolatzaileek 570.000 manifestari aurreikusten dituzte 2.300 manifestaziotan. Guztietan, akordio eraginkor eta loteslea lortzea eskatuko diete Parisen bilduta dauden estatuburuei.
Bihar, larunbatean, deituta daude mobilizazio jendetsuenak. Ikasleek eskola eguna bertan behera utziz hasitako protestei segida emanen diote herritarrek, mobilizazio zabalekin.
Mobilizazioak abian dira Frantziako Estatuan. Goizean lizeoetako ikasle asko kalera atera da. Frantziako Gobernuak gaiaz eztabaidatzera eta kontzientzia hartzera deitu dute. Ikasleek harago joan nahi dute. Bihar larunbatean, nazioarteko mobilizazioek segituko dute karriketan.
Atzo, otsailaren 21ean, Action Non-Violente-COP21 eta bizi mugimenduek, Frantziako Errepublikaren presidente Macronen argazkiak eraitsi zituen Paris, Lyon, Uztaritz eta Biarritzeko Herriko Etxeetan. Macronen gobernuak klimaren arazoaren aurrean daraman politika geldia salatzeko... [+]
Bizi! mugimenduaren iritziz, 2015eko COP21aren karietara hartu ziren engaiamenduek ez dute inolaz ere klimaren egonkortasuna segurtatzen. Galdera da: klimaren borroka galtzen ari ote gara?
Iaz Parisen egindako klimaren gailurrean lortutako akordioa ospatu zutenek akordio horretan AEBak sartu izana nabarmendu zuten ospatzeko arrazoien arte. Aurtengo gailurra hasi eta bigarren egunean, hara zer den bizitza, estatubatuarrek presidente aukeratu dute klima aldaketa... [+]
Azaroaren 7an hasiko da Marrakexen klima aldaketari buruzko COP22 gailurra. Helburu nagusia 2015ean adostutako Parisko Hitzarmena nola beteko den zehaztea da. Momentuz, 72 estatuk berretsi dute hitzarmen hori, baina gas emisoak murrizteko aurkeztu dituzten planak ez dira nahikoa... [+]
Klima aldaketari buruzko lehenbiziko nazioarteko akordio globala utzi zigun 2015ak: Parisko Hitzarmena. Mugarri hori historikotzat joa izan zen, eta hala ospatu zuten adostu zutenek, baina ezin esan aurrerapausoa izan zenik, kontrakoa baizik. Aurreko hamarkada biak alferrik... [+]
Mangladiak, itsas bazterrean marea beteak gerriraino estaltzen dituen eta bajamarrean sustraiak airean erakusten dituzten zuhaitzezko oihanak, suntsitzen ari gara planetako bazter guztietan. Guztietan? Ez: badira tropiko guztietan elkarte eta jendeak zuhaitz ... [+]
Bi gradu, gradu eta erdi, funtsa berdea, erabaki loteslea ala lotzen ez duen asmoa, herrialde garatuak eta garapen bidean daudenak… Kontzeptu ugari erabili dituzte abenduaren lehen hamabostaldian Parisen. Mundu osoko herrialde eta mandatari ugari aritu dira... [+]
Joan Martinez Alier (Bartzelona 1939) Ekonomia Ekologikoaren aitzindarietakoa da, Ecología Política aldizkariaren sortzaile eta zuzendaria, eta katedratikoa Bartzelonako Unibertsitate Autonomoan. Parisen COP21a amaitzean, Mexikoko La Jornada egunkarian plazaratu du... [+]
NASAko zientzialari ohi James Hansen oso kritiko agertu da Parisen egin zen COP21 bilerako akordioarekin. The Guardian kazetari adierazi dionez, karbono dioxido isuriak murrizteko lorturiko hitzarmena “iruzurra” izan da, “konpromiso hutsalak” besterik... [+]
Avaaz elkarteak COP21 klimaren goi-bileran parte hartzen ari diren zazpi “presio-taldetako” kideen argazkiak zabaldu ditu asteon Parisen, klima aldaketaren aurkako akordio eraginkorra oztopatzearren egiten duten lana salatzeko asmoz. Zazpi pertsona horien dosier bana... [+]
Mundu guzia Frantziari eta Parisko hiriari begira dago azken denbora hauetan. Bazterrak harriturik utzi ditu azaroaren 13 gauan gertatu zen sarraskiak. Adin gordineko hainbeste gizon ala emazte gazte hilik edo larriki zauriturik izan zen. Erokeria beroaren ondorio gordina han... [+]
Parisen Danoneren egoitza nagusian ekintza egin dute Via Campesinako kideek. Multinazional frantziarra mundu osoan nekazaritza industrialaren bidez "nekazariak hiltzen" ari dela salatu dute. Lerro gorria marraztu diote atean bertan.
Milioika lagun ari dira mundu osoan mobilizatzen, baita Euskal Herrian ere, lurraren berotzeak sorturiko klima aldaketak mehatxaturik dagoen gure planetaren defentsan. Askoz garbiagoak eta jasangarriagoak diren energia berriztagarrien aurrean, erregai fosilak sustatzen... [+]