300 atxilotu baino gehiago Frantzian, erretreten erreformaren aurkako protestan
Emmanuel Macron presidentearen gobernuak onartutako pentsioen erreformaren aurkako protesta egin dute sindikatuek. Frantziako hiri askotan mobilizazio jendetsuak eta blokeoak egin dituzte. Hurrengo orduetan, oposizioak bi zentsura mozio aurkeztuko ditu gutxienez Elisabeth Borne lehen ministroaren gobernuaren aurka.
Sindikatuek, ostiralean, blokeoak antolatu dituzte Parisen eta Frantziako beste hiri askotan erretreten erreformaren aurka eta istiluak izan dira, Emmanuel Macron presidentearen gobernuak diputatuen botorik gabe erreforma dekretua onartu ondoren. Grebalariek Pariserako AHTa blokeatu dute Hendaiako geltokian.
Milaka lagunek banderatxoekin eta CGT sindikatuaren bereizgarriekin Parisko kaleak hartu dituzte, 7:00etatik aurrera. Gérald Damin Barne ministroak esan du Poliziak 310 manifestari atxilotu dituela hainbat hiritan, horeitatik 258 Parisen.
Frantziako hiriburuan barrikadak eta suteak ikusi dira, hiriko barrutien erdiguneetan pilatu diren zabor mendiekin, zabor biltzaileak hamar egun daramatzatelako greban.
Mobilizazioak hurrengo egunetan mantenduko dira; izan ere, sindikatuek, erreformaren aurkako oposizioan elkartuta jarraitzen dutenez, grebei eta manifestazio nazionalei buruzko jardunaldia antolatu dute datorren ostegunerako, martxoaren 23rako.
Ostegunean Argitxu Dufau LABeko Ipar Euskal Herriko bozeramailea elkarrizketatu dute Hamaika Telebistan, eta mobilizatzen jarraituko dutela berretsi du: "Ez dugu amore emango. Prest gara mobilizatzeko erretreten erreforma kendu arte".
Bestalde, erreformak dakarrenaren inguruan ere mintzatu da: "Horrelako erreformek lanean hiltzera kondenatzen gaituzte asko. Ondasuna ez banatzea ez dugu onartzen eta ez dugu onartuko".
Zentsura mozioa
Gobernuak Konstituzioaren 49.3 artikulura jotzeko erabakia hartu du, Behe Ganberako erreformari buruzko bozketa saihesteko, eta horrek zentsura-mozioei ere atea ireki die.
Hurrengo orduetan, oposizioak zentsurako bi mozio aurkeztuko ditu gutxienez, lehen ministro Elisabeth Borneren gobernuaren aurka. Horietako batek legebiltzarrean gehiengoa lortuko balu, Frantziako Gobernua eroriko litzateke eta hauteskundeen deialdia aurreratzea ekarriko luke.
Naizek jakitera eman duenez, France Info irratiak LFIko lider Jean-Luc Mélenchoni egindako elkarrizketa batean, iragarri du bere alderdiak zentsura mozioari uko egingo diola eta LIOT (Askatasuna, Independenteak, Ultramar eta Lurraldeak) oposizioko talde zentristaren alde egingo duela. Mélenchonek estrategia hori defendatu du Elisabeth Borneren gobernuarekin bukatzeko, eta azpimarratu du azken helburua pentsioen erreforma "bertan behera" uztea dela.
Bestalde, eskuin muturreko buruzagi Marine Le Penek iragarri du bere alderdiak, Elkarte Nazionalak (RN), zentsura mozio propioa aurkeztuko duela, baina baita beste edozein mozio babestuko duela ere. RN alderdiko presidentea Jordan Bardellak beste zentsura mozio batzuk babestuko dituela esan du, hala nola LIOT ena.
Euskal Herriko Pentsiodunen Mugimenduak herri ekimen legegilea aurkeztuko du Gasteizko ganberan. Apirilaren 24ra arteko epea ipini dute sinadura gehiago biltzeko, eta dei egin diete Araba, Bizkaia eta Gipuzkoan erroldatutako 18 urtetik gorako pertsona guztiei. Hiru... [+]
Erretiroa hartu berri dutenen %4,9k uztartu behar dituzte pentsioa eta lanen bat Espainiako Estatuan. Estonian %55 dira.
Urtarrilaren 1etik aurrera pentsioak %0,9 handituko ditu Frantziako Gobernuak, hasiera batean iragarri baino lehenago, 2025eko uztailera arte ez baitzuen asmorik pentsioak igotzeko, 4.000 milioi aurreztea helburu.
Espainiako Estatuan egindako ikerketa baten arabera, erretiro-adina atzeratzeak ondorio kaltegarriak dakartza, ez bakarrik lehenago hiltzeko arriskua duen langilearentzat berarentzat, baita diru-kutxa publikoarentzat ere: 8.564 eurotan baloraturiko galera soziala izango luke... [+]
Euskal Herriko Pentsiodunen Mugimenduak bertso lehiaketa berezia jarri du martxan: "Bertsopentsiotan". "Ari garela, ari garela, astelehenero kalean" gaiari bertsoak jartzeko urtarrilaren 15a arte (astelehena) dute epea 60 urtetik gorako Euskal Herriko eta... [+]
1080€ Orain ekimenak, prentsaurreko bidez, larunbatean 17:30ean Baluarte plazatik abiatuko den manifestazioan parte hartzeko deia luzatu du. Eta gainera, dei berezia egin nahi izan diete nafar emakumeei, "pentsioetan ematen den genero arrakala ukaezina delako eta... [+]
Nafarroan 51.000 pertsona dira 1.080 eurotik beherako pentsioa dutenak. Horietatik %66 emakumeak dira. Nafarroako Gobernuak ardura har dezala eta gutxieneko pentsioak ziurta ditzala eskatzen ari dira.
Milaka pentsionista atera dira kalera astelehenean, txistulariekin eta konpartsekin batera, Bilboko Aste Nagusiaren oihartzuna aprobetxatuz. Hainbat erreibindikazio egin dituzte, hala nola 1.080 euroko gutxieneko pentsioa.
Espainiako Enpresarien Zirkuluak dio pentsioen sistema publikoak "bost urte barru" kiebra ez jotzeko modua dela 68 eta 72 urte artera luzatzea erretiro adina. AEBetan eta beste zenbait tokitan eskuin muturrak darabilen diskurtso bera erabili du lobby honek.
Erretreten erreformaren kontrako manifestazioetako batean atxilotu zuten mauletarrak Baionako auzitegian deklaratu beharko du, datorren astean. Elkartasuna adierazi du hainbat herritarrek: “Errepresio gorakada azkartzen ari da”.
Erretreten erreformaren aurkako hamalaugarren greba eguna dute gaur Ipar Euskal Herrian. Frantziako Estatuko 250 bat hiritan egin dute manifestaziorako deia sindikatuek.
Zer pentsa ematen du apirilaren 28an egindako salaketek utzitako arrasto txikiak, eta haren segida bakarra izatea istripuen eta langileen heriotzen kate etengabea. Azkoitian, eraikuntzan beste behin ere, oso ohikoa eta beraz saihesgarria den istripuan hil da 62 urteko langilea... [+]
Astelehenean Bilbotik eta Bergaratik abiatu dira, eta asteartean Agurainetik. Ostegunean Gasteizen batuko dira hiru mobilizazioak.
Ekainaren 8an dute erretreta adina 62 urtetik 64ra pasa duen legea ezeztatzeko ondoko aukera. Hain zuzen, Liot talde independenteak legea ezeztatzeko aurkezturiko lege-proposamena bozkatuko dute egun horretan. Ekainaren 6rako finkatu dute hamalaugarren greba eguna sindikatuek.