Hala dio Behe Bandaren Omen 2. aleko editorialak: “Jarraipena da Omen honen minimoa, zerbait esateko kuota irabaztea maximoa”. Irabazi dugu aldiro zerbait esateko kuota, orain, zuenak egin du. Edo gureak. Zutabeak manifestatu ditugu zerbait esateko edukiko dutelakoan. Eskatutakoa lortu dugu bai, baina orain zer esan? Agian nahiago genuke gure web orriaren lau hormen barruan ezkutatu. Interneteko zuloan beste orrialde bat hemen. Jada zatiezinak diren bi munduak, zibernetikoa eta erreala, ezin dira bata bestearen ihesbide izan. Beraz, mundu bakarrari aurre egitea dagokigu.
Honako irizpideak eman dizkigute: Zutabe bat, biribil eta luzea, edo ertz zorrozduna baina azken finean zutabea. “2500-4000 karaktere”, noizbait idatzi ditugun berak baina zenbatuta eta lupaz neurtuta. “Ez idatzi poesiarik, salbuespenezko kasu bat ez bada, ulertu behar zaizue-eta”. Finean, ARGIAren minimoa, epeak betetzea, nolabaiteko ulergarritasunez idaztea (kostatuko da) eta, noski, euskaraz; maximoa, gainontzeko euskal komunikabideei literatur talentu gazte berria lapurtzea, gu industry plant berria.
Gaur egungo gazte sufrituok, salduta dagoen munduan erosi besterik ez dugu. Baina guk nahiago mundua aldatu hura suntsitu baino
Tira, azken hori gezurra da. Udarako lanik ezin aurkitu, InfoJobs-en “escritor a tiempo parcial” bilatu eta bost poltsiko ere betetzen ez dituen soldata tartean. Lortu dugu 20 urte bete berri dituen edozein gaztek nahi lukeen hori, nahi duzuna esan ahal izatea eta zure gauzak esateaz lan egitea: tratu nahiko ona. Kuota bat bosten artean ez da kuota bat, kuota baten bostena da, baina hori ere nahikoa guretzat.
Inork ez gaitu gu bostok kontratupean elkartu, pistola batekin destatuz behartu, komenentziazko deirik jaso ere ez: gu bakarrik geunden eta gu aukeratu gaituzte.
Ez dago izen nabarmenik hemendik, ezta aurpegia jarriko dion borobiltxorik ere. Ordu txikitako meet dei batean aho batez erabakitakoak artikulu, ez baitakigu bestela egiten. Testuan azpimarratutako adostasun eta desadostasunak ikergai, mugak aztertu eta haratago ere arakatzea bada nahikoa erronka. Bost eskuk idatzitako testuotan boz bakarrez mintzatzea, bost hori ere posible ez denean. Astero frogatuko duzu (edo ez), irakurle.
Ez da izango almazen batean ahaztuta hilko den liburua. Gaur egungo gazte sufrituok, salduta dagoen munduan erosi besterik ez dugu. Baina guk nahiago mundua aldatu hura suntsitu baino. Eginbeharra, ez da inoiz gehiegi aldatu, egiteko prest dagoena baizik.
“Zerbait esateko edukitzea ez da zaila, ongi kontatzea berriz, bai”, eta zeresana ematea ere bai. Zutabeak jada pisurik jasan ez eta apaingarrirako soilik balio digunean, kalera. Karaktereak betetzearren gauzak esateagatik esatean, orduan dimitituko dugu.
Begi bistaz zentzugabea dirudien eztabaida batekin hasten da zutabea: 2024 gure literatur ale horietako bat balitz, nola deituko zeniokete?
Erantzunik topa ezean, ordu erdi ematea aurtengo bizipenei begira; Instagrameko artxibatuetan sartu lehenik, eta Twiterrera pasa horiek... [+]
Ez dut maite aterkia partekatzen ez dakien jendea. Ez dut maite azkarregi ibiltzen den jendea, ni ez naizenean; ez eta polikiegi ibiltzen dena ere (tira, horiek pixka bat bai, baina pixka bat bakarrik). Ez dut maite autobusean pasilloaren aldeko eserlekuan esertzen den jendea... [+]
PLEIBAK
Miren Amuriza Plaza
Susa, 2024
--------------------------------------------------
Miren Amurizaren bigarren eleberria argitaratu du Susak Durangoko azokaren atarian: Pleibak. Aurretik egindako grabazio baten gainean kantatzen ari zarelako antzerkia egitea da... [+]
Non sense liburua
Edward Lear
Itzultzailea: Juan Kruz Igerabide
Denonartean, 2024
----------------------------------------------
Edward Lear idazle eta ilustratzaileak 1846an argitaratu zuen esku artean dugun obra hau. Igerabidek liburuaren hitzaurrean dioen bezala,... [+]
Ekintzailetza modan dago. Kontzeptuak indarra hartu du eta hiztegi ekonomikotik askoz harago zabaldu da. Just do it: egizu, besterik gabe. Baina ez dezagun ahaztu: propagandaren mundutik dator leloa. Erosle-ekintzaile aktiboak izatea ote da hitzaren mozorroa? Egungo enpresariek... [+]
Mila lan egitetik bizi dira, sarri, marrazkilari eta ilustratzaileak. Ezaguna da sektorearen aspektu hori. Prekarietatea deitu ahal zaiona nagusiki; ikusezina izatea ere bai. Paula Estévez (Donostia, 1984), esaterako, ARGIAn ikusi izan dugu azken bost urteotan, sarri... [+]
Hetero
Uxue Alberdi
Susa, 2024
----------------------------------------------------
Negazionismoaren, manosferaren eta trollen aroan ezinbestekoa da literaturaren ekarpena, errealitatearen tolesei begira jartzeko tresna paregabea delako: inguruan ditugun zapalkuntza... [+]
Bilboko Zirika! herri gunean eginen dute banaketa, ostiralean 19:00etan. Fanzine bidez eta sare sozialetan zabalduko dituzte partehartzaileen testuak, eta irabazlearena argitaratuko du ARGIAk.
Guardasolak euria nahi du
Patxi Zubizarreta
Ilustrazioak: Irrimarra
Ibaizabal, 2024
---------------------------------------------
Duela 30 urte argitaratu zuen Patxi Zubizarretak Marigorringoak hegan liburuxka; J. M. Lavarellok ilustratua eta Edebé argitaletxe... [+]
Abenduaren 5ean ikasleei eta irakasleei zuzendutako tailer, hitzaldi eta ikuskizunak izango dira azokan. Dinamiken bidez sortzaileak ezagutu eta eurekin harremanetan jartzeko moduko aukera ere izango da. Edukiera guztia bete da jada ikasle goizerako. ARGIAk eskaintza zabala... [+]
Craig Thompson kultuzko eleberri grafikoen egile estatubatuarra Europan izan da bere azken lana aurkezten, Raíces de ginseng (Astiberri, 2024). Bilbon bi aurkezpen egin ditu eta artista atsegina, hurbila eta azkarra dela erakutsi du –euskaraz “mila... [+]
Begiak zerumugan
Idazlea: Miren Agur Meabe
Ilustratzailea: Ane Pikaza
Elkar, 2020
-------------------------------------------------------
Askotariko testuak eta liburuak argitaratu ditu Miren Agur Meabek. Literatur genero guztiekin aritu da: haur eta gazte literatura,... [+]
Eguneroko abiadura itogarritik atera eta eskola-proiektua amesteko, gogoetatzeko denbora hartzea aldarrikatu dute solaskideek, Superbotereak liburua aurkezteko mahai-inguruan. Patxadatsu aritu dira, hain justu, eraldatzeaz, inpotentziaz, ilusioaz, eskola bakoitzak egin beharreko... [+]
Helduentzako zazpigarren lana argitaratu berri du Uxue Alberdik, hirugarrena ipuingintzan: Hetero (Susa, 2024). Zortzi narrazio bildu ditu liburuan, eta denen abiapuntua izan da memorian geratu eta “noizbait ere honi buruz idatzi behar dut” pentsarazi dion paisaia,... [+]
Bihotzean ditudan oroitzapenik politenetakoak dira. Euskal Filologia egiten ari nintzen garai hartan, eta Arbizuko elkarte batera joan ginen Ruper Ordorikaren kontzertu batera. Han zeuden Rikardo Arregi Diaz de Heredia eta Juanjo Olasagarre. Ez nintzen Arregiri esatera ausartu... [+]